Joshua 24:11 - Tedim Bible

¹¹ Tua ahih ciangin Jordan galkhatah pai-in Jerikho na tung uh a, Jerikho mite in note hong do uh hi. Amor mite, Perez mite, Kanaan mite, Hit mite, Girgash mite, Hiv mite, leh Jebus mite in zong hong do uh hi; note khut sungah amaute kong pia hi.

Tedim Bible Revision 2017

¹¹ Tua ahih ciangin Jordan gal khat ah pai-in Jerikho na tung uh a, Jerikho mite in note hong do uh hi. Amor mite, Perez mite, Kanaan mite, Hit mite, Girgash mite, Hiv mite le Jebus mite in zong note hong do uh a, ahi zongin noteʼ khut sungah amaute kong pia hi.

Joshua 24:11 Iomraidhean Croise

Piancilna 15:19

Ken mite, Kenaz mite, Kadmon mite

Late 105:44

Amaute in ama ngeina kipte zui-in, ama thukhamte a neih theih nadingin, amah in, amaute tungah minamte’ leitang pia a, mite’ nasepna gahte zong a ngahsak hi. Topa phat un!

Late 114:3

Tuipi in mu-in taikhia a, Jordan gun a nung kik hi.

Late 114:5

Tuipi aw, na taikhiat nading, Jordan gun aw, na nungkik nading,

Paikhiatna 13:5

Amah in note' tungah piak dinga na pate’ tungah a ciam, bawngnawi leh khuaizu a luan’na leitang, Kanaan mite, Hit mite, Amor mite, Hiv mite leh Jebus mite’ leitangah Topa in note hong paipih ciangin hih kha sungin hih bangin pawina hih ding uh hi.

Paikhiatna 23:23

“Note’ mai-ah ka vantungmi pai-in Amor mite, Hit mite, Perez mite, Kanaan mite, Hiv mite leh Jebus mite' kiangah note hong paipihin, keimah in amaute ka phiatkhiat ciangin,

Paikhiatna 23:28

Note’ mai panin Hiv mi, Kanaan mi leh Hit mi a hawlkhia dingin note’ mai-ah tunpi ka sawl ding hi.

Paikhiatna 23:31

Keimah in San Tuipi panin Filistia mite’ tuipi ciang leh gamlak panin Eufrates gun ciang dongah na gamgite uh ka phut ding hi; bang hang hiam cih leh tua gam-a teeng mite note’ khut sungah kong pia ding a, note in na mai uh-ah amaute na hawlkhia ding uh hi.

Paikhiatna 3:17

Izipt gimna panin note hong lakhia-in Kanaan mite, Hit mite, Amor mite, Pere mite, Hiv mite leh Jebus mite’ leitang, bawngnawi leh khuaizu a luan’na leitangah note kong paipih ding ka kiciam hi,' ci hi," va ci in.

Paikhiatna 3:8

Izipt mite’ khut sung panin amaute khahkhia-in, tua leitang panin amaute lakhia-in a hoih a tanzau leitang, bawngnawi leh khuaizu a luan’na leitang, Kanaan mite, Hit mite, Amor mite, Perez mite, Hiv mite leh Jebus mite’ omna-ah amaute paipih dingin kong paisuk hi.

Paikhiatna 33:2

Note’ mai-ah vantungmi khat ka sawl ding a, Kanaan mite, Amor mite, Hit mite, Perez mite, Hiv mite leh Jebus mite ka hawlkhia ding hi.

Sawltak 13:19

Kanaan gam sung mipawl sagih a suksiat khit ciangin tuate gam ama mite in a luah dingun kum zali leh sawmnga tawntung a hawmsak hi.

Sawltak 7:45

A piang nunung eite pate in tua buk Gentailte’ lei a luah uh ciangin Joshua tawh a paipih uh hi. Tua Gentailte Pasian in David’ khang dongin i pu i pate mai pan a hawlkhia hi.

Thu-hilhkikna 7:1

“Topa na Pasian un luah dinga na tumna uh leitangah hong paipihin, note’ mai-ah Hit mite, Girgash mite, Amor mite, Kanaan mite, Perez mite, Hiv mite, leh Jebus mite, no sangin lianzaw-in a thahat zaw minamte note mai panin siang khia sakin,

Joshua 3:10

Joshua in, “A nungta Pasian note lakah a omna hih thu tawh na thei ding uh hi, amah in pel loin note mai panin Kanaan mite, Hit mite, Hiv mite, Perez mite, Girgash mite, Amor mite, leh Jebus mite hawlkhia ding hi.

Joshua 4:1

Minam khempeuh Jordan a galkah khit uh ciangin Topa in Joshua kiangah,

Joshua 4:19

Kha masa a nisawm ni-in Jordan panin mite paikhia uh a, Jerikho nisuahna lam gamgi Gilgal-ah giahphual sat uh hi.

Joshua 4:23

Bang hang hiam cih leh eite in i kantan khit matengin Topa na Pasian un a keusak San Tuipi tungah a bawl bangin, note in na kantan khit matengun Topa na Pasian un Jordan tuite note adingin keusak hi;

Joshua 9:2

Joshua leh Israel a do dingin lungsim kikhatin kikhawm uh hi.