Joshua 23:6 - Tedim Bible

^6-8 Tua ahih ciangin note lakah a om lai hih minamte tawh kihel loin, amau’ pasiante zong gen loin, tuate tawh zong kiciam loin, amau’ na sem loin, amaute mai-ah zong note kun loin, ahih hangin tu ni-a na gamtat bangun Topa na Pasian uh na belh theih nadingun Moses’ thukham laibu sunga kigelhte khempeuh zui-in semin, tua panin tak lamah hita leh vei lamah hita leh pial loin na om nadingun khauh takin om un.

Tedim Bible Revision 2017

^6-8 Tua ahih ciangin note lakah a om lai hih minamte tawh kihel loin, amauʼ pasian-teʼ thu zong gen loin, tuate tawh zong kiciam loin, amauʼ na sem loin, amauteʼ mai ah zong note kun loin, ahih hangin tu ni-a na gamtat bangun Topa na Pasian uh na belh theih nadingun Mosesʼ thukham laibu sunga kigelhte khempeuh zui-in semin, them khat zong pial loin na om nadingun khauh takin om un.

Joshua 23:6 Iomraidhean Croise

1 KUMPI MASATE 2:3

amah in kei tungah hong gen, ‘Na tapate in a lungsim khempeuh uh leh a nuntakna khempeuh uh tawh keima mai-ah thuman takin pai ding lim takin a ngaihsut uh leh Israel kumpi tokhom tungah khat beek in nang hong tamasak lo ding hi,’ ci-a a thugenna Topa in a kipsak theih nading; na hihna khempeuh ah na dau a pai nadingin Moses’ thukham sungah a kigelh bangin Topa in na Pasian’ thuhilhna zui-in, ama lampite tawn in la, ama thukhamte, a thupiaknate, a biakna ngeina kipte leh a tecipan’nate zui in.

Late 101:3

a sia na peuhmah ka deih kei ding hi. Lam khial mite’ nasepna ka mudah hi; tuate tawh ka kisukha kei ding hi.

Late 119:102

Nangmah in kei hong hilh khin na hih manin na biakna ngeina kipte panin ka pial kei hi.

Jeremiah 9:3

A leii uh thalpeu bangin zang uh a, zuauthu a lawnkhia khia uh hi; gam sungah thuman om loin zuauthu bekbek a dim hi. Siatna lam manawh tektek uh a, Kei hong thei lo uh hi, Topa in a ci hi.

1 KORIN MASA 16:13

Note in kikemin ngak un. Upna ah na kip un. Pasal tawh kibangin thacingin, thahat un.

Thu-hilhkikna 12:32

“Note kong thupiak khempeuh na hih ding uh na lim ngaihsut ding uh hi; na behlap kei ding uh a, zong na khiam kei ding uh hi.

Thu-hilhkikna 17:20

hih thukham sunga thute leh hih ngeinate kemin zuihna tawh Topa a Pasian zahtak ding a theih nading, a mipihte tungah ama lungsim a kiliatsak toh loh nading, taklam hita leh vei lam hita leh thupiaknate panin a pial loh nading, Israelte sung ahi ama kumpigam sungah amah leh a tate saupi a om theih nadingin amah in a nuntak sung tawntung tua sunga thute sim ding hi.

Thu-hilhkikna 28:14

Note in tu ni-a kong thupiak limtakin zuihna tawh Topa na Pasian uh thupiaknate mangin, tu ni-a note kong thupiakna kammalte panin, pasian dangte, na semin a zui dingin, vei lam hita leh tak lamah hita leh na pial kei nak uh leh, Topa in a makai-in note hong bawl ding a, mi’ nungzui-in hong bawl lo ding hi; tung lam bekah na kah ding uh a, na nuai kiat ngei kei ding uh hi.

Thu-hilhkikna 5:32

Tua ahih ciangin Topa na Pasian un note hong thupiak bangin na gamtat ding uh na kingaihsun ding uh hi; ama thu panin taklam hita leh vei lamah hita leh na pial kei ding uh hi.

Hebru 12:4

Note in mawhna khialhna tawh kido-in sisan suah dongin na thuak nai kei uh hi.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.