Joshua 23:14 - Tedim Bible

¹⁴ “Tu-in leitung khempeuh ngeina bangin kei a pai ding ka hi ta a, note khempeuh in na lungsim uh leh na nuntakna uh ah, Topa na Pasian un note tawh kisai nahoih hong ciam khempeuh khat zong mawk mai lo ahihna na thei uh hi; a vekpi-in note’ adingin hong tung a, khat zong mawkmai lo hi.

Tedim Bible Revision 2017

¹⁴ “Tu-in leitung mi khempeuh ngeina bangin kei a pai ding ka hi ta a, note khempeuh in na lungsim uh le na nuntakna uh ah, Topa na Pasian un note tawh kisai na hoih hong ciam khempeuh khat zong maimawk lo ahihna na thei uh hi. A vekpi-in note adingin hong tangtung a, khat zong maimawk lo hi.

Joshua 23:14 Iomraidhean Croise

Piancilna 47:29

Israel a sih ding hun a nai ciangin, amah in a tapa Josef samin ama' kiangah, “Tu-in na muhna-ah maipha ka ngah leh, ka phei nuai-ah na khut koih in la, hehpih tak leh citakin kei nong bawl ding thu ciam in. Izipt-ah kei hong vui kei in la,

1 KUMPI MASATE 2:2

”Leitung khempeuh ngeina bangin a pai ding ka hi ta hi. Thakhauhin pasal na hihna kilangsak in la,

1 KUMPI MASATE 8:56

“Ama hong ciamsa khempeuh tawh kizui-in ama mi Israelte tawlngakna a pia Topa in thupha ngah ta hen; a nasempa Moses tung tawnin a gensa ama thuciamna hoihte khempeuh kam khat zong maimawk lo hi.

JOB (Job) 30:23

Mi khempeuh adingin a kisehkholsa ahi, sihna-ah hong paipih na hihna ka thei hi.

Paikhiatna 3:8

Izipt mite’ khut sung panin amaute khahkhia-in, tua leitang panin amaute lakhia-in a hoih a tanzau leitang, bawngnawi leh khuaizu a luan’na leitang, Kanaan mite, Hit mite, Amor mite, Perez mite, Hiv mite leh Jebus mite’ omna-ah amaute paipih dingin kong paisuk hi.

Thuhilh-sia 12:5

keen sangte-ah pai ngam nawn loin, lam pai ding a haksat hun, na samte hong kang-in, na khangno thahatna teng bei ta-in, na tha a kiam hun ding ahi hi. Eite in i tawntung inn ding a zuan ding i hi a, khuasung lampi-ah kahna awging kiza ding hi.

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh, nangmah in na zuat ding sihna gam sungah, nasepna leh thungaihsutna, pilna leh theihna cihte om lo hi.

Ezekiel 20:28

Amaute tungah piak dingin ka ciamna gamah amaute ka paipih hi. Amaute in mual sang ahi a, singniim khatpeuh peuh ahi zongin a muh uh ciangin tua bang mun khempeuh ah biakna pia uh hi. Meihal biakna a piakna uh leh tuiphih biakna a piaknate uh tawh kei hong hehsak uh hi.

Gamlak-vakna 23:19

A zuau dingin Pasian in mihing hi lo hi, a kisik dingin mihing’ tapa hi lo hi. Amah in ci khin hi, amah in hih lo ding ahi hiam? Amah in gen khin hi, amah in tangtungsak lo ding ahi hiam?

Luka 21:33

Van leh lei a mangthang ding hi; ka thu ahih leh, a mangthang ngei kei ding hi.”

Hebru 9:27

Mite in khatvei bek si-in tua nung ciangin thukhenna a thuak uh hi;

1 SAMUEL MASA 3:19

Samuel khang a, amah tawh Topa omin, ama kammalte khat zong lei-ah kia sak lo hi.