Joshua 23:1 - Tedim Bible

¹ Topa in amau’ kim-a om gal khempeuh panin Israel mite tawlngakna a piak khit a sawtpi ciangin Joshua teekin a kum tampi pha hi.

Tedim Bible Revision 2017

¹ Topa in amauʼ kiim a om gal khempeuh panin Israel mite tungah lungmuanna a piak khit a sawtpi ciangin Joshua teekin a kum tampi pha ta hi.

Joshua 23:1 Iomraidhean Croise

Piancilna 25:8

a nunung pen ama' hu sang a, a teek, kum tampi a pha, a khangham-in si a, ama' mite tawh kivui khawm hi.

1 KUMPI MASATE 1:1

Tu-in Kumpi David teekin kum tam ta hi; amaute in amah puan a silhsak uh hangin a khua lum thei lo hi.

1 KHANG TANGTHU MASATE 23:25

Bang hang hiam cih leh David in, “Israel Pasian, Topa in a mite tungah kilemna pia zo hi; tua ciangin amah in Jerusalem ah om tawntung hi.

1 KHANG TANGTHU MASATE 27:1

Tu-in Israel mite, beh lutangte, a tul leh a za-a a ukte, leh khen khatah mi tul sawmnih leh tulli a om, kum tawntung kha khat khit kha khat hong tungin a kuankhia a khente tawh kisai-in na khempeuh ah kumpipa’ na a sem a uliante in:

2 KHANG TANGTHU NIHNATE 14:1

Tua ciangin Abijah a pate tawh ihmu a, amaute in David khuapi sungah amah vui uh hi; tua ciangin ama tangin a tapa Asa in uk hi. Ama hun sungin tua gamah kum sawm sung gal dai hi.

2 KHANG TANGTHU NIHNATE 14:5

Amah in Judah khuapi khempeuh panin mual dawn a, biakpiakna munte leh paknamtui biaknataute zong la khia hi. Tua ciangin ama nuai-ah kumpi gam sung gal dai hi.

2 KHANG TANGTHU NIHNATE 20:30

Tua ahih ciangin Jehoshafat’ ukna gam sung gamdai hi; bang hang hiam cih leh a Pasian in ama kiimah galdaihna pia hi.

Late 46:9

Amah in leimong dong ah gal beisak hi; amah in thalpi kuaitanin, teipi susia a, leengte mei tawh haltum hi.

Isaiah 63:14

Lonona kuamsung a zuansuk bawngte bangin, Topa’ Kha in amaute tawldamna a pia hi. Tua bangin Topa in a mite lamlak ahih manin ama minthang tawntung hi.

Thu-hilhkikna 31:2

Amah in amaute kiangah, “Tu ni-in kei kum za leh kum sawmnih ka pha hi; note kong mapi zo nawn kei hi. Topa in kei kiangah, ‘Hih Jordan gal khatah na pai kei ding hi,’ hong ci zo hi.

Joshua 11:23

Topa in Moses tungah a gensa bangin Joshua in leitang khempeuh la hi; tua ciangin Joshua in amau minam tawh kizui-in a ngah ding bangin Israel mite tungah gamh-in pia hi. Tua-a kipan galdona panin tua gam tawlnga hi.

Joshua 13:1

Tu-in Joshua teekin a kum tampi pha hi; Topa in ama kiangah, “Nang teekin na kum tampi pha a, ahi zongin leitang lak ding tampi tak om lai hi.

Joshua 21:44

Tua ciangin a pu a pate uh tungah a ciamsa bangin Topa in amaute tungah na khempeuhah tawlngakna pia hi; Topa in a galte khempeuh uh amau khut sungah pia ahih manin a galte uh khatbeek in zong amaute nang zo lo hi.

Joshua 22:4

Tu-in Topa na Pasian un amaute tungah a ciamsa bangin na sanggamte tungah tawlngakna pia hi; tua ahih ciangin Topa’ nasem Moses in note hong piak Jordan galkhat, note’ neihsa a omna leitang na inn uh ah note kihei-in pai un.

1 SAMUEL MASA 12:2

Tu-in en un, note makaipa in kumpipa ahi hi; keimah teekin ka sam kaang ta hi; en un, note tawh ka tapate om hi; ka neu lai-a kipan tu ni dong note’ makai ka hi hi.