Joshua 22:6 - Tedim Bible

⁶ Tua ahih ciangin Joshua in amaute thupha pia-in ciahsak hi; amaute a inn uh ah ciah uh hi.

Tedim Bible Revision 2017

⁶ Tua ahih ciangin Joshua in amaute thupha pia-in ciahsak a, amaute zong a inn ciat uh ah a ciah uh hi.

Joshua 22:6 Iomraidhean Croise

Piancilna 14:19

Amah in Abram thupha pia a, “Vantung leh leitung a bawl, Sang Pen Pasian in Abram thupha pia hen;

Piancilna 47:10

Jakob in Faro thupha pia a, Faro’ omna panin paikhia hi.

Piancilna 47:7

Tua ciangin Josef in a pa Jakob tumpihin Faro’ mai-ah koih a, Jakob in Faro thupha pia hi.

2 SAMUEL NIHNA 6:18

David in meihal biaknate leh thunuam-a biaknate a piak khit ciangin amah in Vanglianpen Topa’ min tawh mite thupha pia a,

2 SAMUEL NIHNA 6:19

Israel mihon buppi, mi khempeuh, numeite leh pasalte tungah anlum pheng khat, sa baak khat, leh leenggahkeu pheeng khat pia ciat hi. Tua ciangin mi khempeuh a inn ciat uh ah ciah uh hi.

2 SAMUEL NIHNA 6:20

Tua ciangin a innkuan thupha pia dingin David ciah hi. Ahih hangin David dawn dingin Saul’ tanu Mikhal hong paikhia a, “Tu ni-in Israel kumpipa, mi mawkmawkte khat maizum lo a, a guak om bangin, a nasemte, numeite’ muhna-ah a guak tangin omin, amahmah bangci kipahtawi ahi hiam?” a ci hi.

1 KUMPI MASATE 8:66

A ni giat ni-in amah in mite ciahsak hi; amaute in kumpipa thupha pia uh a, Topa in a nasempa David leh ama mi Israel tungah hoihna a lahnate khempeuh hangin lungdamna leh lungsim kipahna tawh a inn ciat uhah ciah uh hi.

2 KHANG TANGTHU NIHNATE 30:18

Bang hang hiam cih leh mi tampi tak, Efraim, Manasseh, Issakhar, leh Zebulun sung pan tampi tak, amau mah kisiangthosak nai lo uh a, ahi zongin ngeina lopi-in amaute in Paisan Pawi ne uh hi. Bang hang hiam cih leh Hezekiah in amaute adingin thungenin, “Ka pute ka pate uh’ Pasian a dik Topa aw,

Paikhiatna 39:43

Moses in nasep khempeuh mu a, en in, amaute in sem khin hi; Topa’ thupiaksa bangin amaute in sem khin hi. Moses in amaute thupha pia hi.

Luka 2:34

Simeon in amaute thupha a piak khit ciangin a nu Mari kiangah, “Hih naungeek in Israel mi tampite kipuk nading ahi zongin, thawh nading ahi zongin, mi tampi a lungngaihna a kilat nading ahi zongin, nialna a thuak nading lim a pian’ nading ahi zongin a kikoih hi.

Luka 24:50

Tua khit ciangin Zeisu in amaute paipih a, Bethani khua pam a tun’ uh ciangin a khut lamto-in thupha a pia hi.

Joshua 14:13

Tua ciangin Joshua in amah thupha pia hi; Jefunneh’ tapa Kaleb tungah gamh-in Hebron pia hi.

Joshua 24:28

Tua ahih ciangin Joshua in a milip-in amau’ gam ciatah, mite ciahsak hi.

1 SAMUEL MASA 10:25

Tua ciangin Samuel in kumpipa thuneihna leh a nasepte mite kiangah gen hi; amah in tuate laibu khat sungah gelhin Topa mai-ah koih hi. Tua ciangin Samuel in mi khempeuh amau’ inn ciatah ciahsak hi.

1 SAMUEL MASA 13:2

Saul in Israelte mihing tulthum teel hi; tulnihte Mikmash leh Beth-el mualtung gamah Saul tawh om a, tulkhatte Benjaminte’ gamsung Gibeah-ah a tapa Jonathan tawh om uh hi; midang a om laite amau’ inn a puanbuk ciat uh-ah amah in ciahsak hi.

1 SAMUEL MASA 2:20

Tua ciangin Eli in Elkanah leh a zi thupha pia-in, “Amah in Topa tungah a piak taang dingin Topa in hih numei tawh nang ta hong neisak hi,” a ci hi; tua ciangin a inn uhah amaute ciah uh hi.