Joshua 22:5 - Tedim Bible

⁵ Topa’ nasem Moses in note hong piak thupiakna leh thukham ahi, Topa na Pasian uh it ding, ama lampi khempeuh zuih ding, ama thupiakte zuih ding, amah belh ding, leh na lungsim khempeuh uh leh na nuntakna khempeuh uh tawh ama na nasep ding uh lim takin ngaihsun un,” a ci hi.

Tedim Bible Revision 2017

⁵ Topaʼ nasem Moses in note hong piak thupiakna le thukham ahi, Topa na Pasian uh it ding, ama lampi khempeuh zuih ding, ama thupiakte zuih ding, amah belh ding le na lungsim khempeuh uh le na nuntakna khempeuh uh tawh ama na na sep ding uh limtakin ngaihsun un,” a ci hi.

Joshua 22:5 Iomraidhean Croise

Late 106:3

Thutang a zui, a tawntunga thuman-a gamta mite in mi nuamsa ahi hi!

Paikhiatna 15:26

“Note in Topa na Pasian’ thu lim takin na ngaih uh a, ama' maiah a man nate hih-in, ama' thupiakte don a, ama' ngeina kipte khempeuh na zuih uh leh, Izipt mite' tungah ka tun’sak natnate khat beek note' tungah kong tungsak kei ding hi; bang hang hiam cih leh keimah in Topa, note hong damsakpa ka hi hi,” a ci hi.

Paikhiatna 20:6

ahih hangin kei hong it-in ka thupiakte a zui mi a khang tul tampite' tungah itna kip a lakpa ka hi hi.

Paikhiatna 23:13

Nang' tunga kong gente khempeuh thudon in; pasian dangte’ min genin nei kei in la, na kam sung panin zong tua bangte kizasak kei in.

Paikhiatna 23:25

Note in Topa na Pasian uh’ na nasem ding uh a, keimah in na an uh leh na tui uh thupha ka pia ding hi; keimah in note’ lak panin cinatna ka lakhia ding hi.

Paunak 4:23

Na lungsim ngaihsutnate in nuntakna nak hi a, na neihsa a manphapen bangin na kep ding ahi hi.

Isaiah 55:2

An ahi lo nate’ adingin bang hangin na sum uh zang a, hong gilvah sak thei lo nate adingin bang hangin na sem na hi uh hiam? Keima thu lim takin ngai-in, a hoih nate ne un la, an limte ah nuamsa-in om un.

Jeremiah 12:16

Tua ciangin, ka mite’ omdan hoih takin a sin uh a, Baal min tawh kiciam dingin ka mite a sinsak mah bangun ‘Topa a nuntak bangin,’ ci-a kei’ min tawh kiciam ding a sin uh leh ka mite’ lakah kip takin a om ding uh hi.

Mattiu 22:37

Zeisu in, “Na Topa Pasian na lungsim khempeuh, na kha khempeuh, na pilna khempeuh tawh na it in.

Mattiu 4:10

Zeisu in “Satan aw, kihemkhia in. Na Topa Pasian na bia ding hi; ama na bek na sem ding hi,’ ci-in Lai Siangtho sungah kigelh hi,” a ci hi.

Mattiu 6:24

“To nih’ na kuamah in semkhawm zo lo hi. Bang hang hiam na cih uh leh, a tote khat mudahin khat a it ding hi. Khat beelin khat a simmawh ding hi. Note in Pasian’ na leh leitung’ na na semkhawm zo kei ding uh hi.

Luka 1:74

A hong mudah khempeuhte khut sung pan ahi zongin, hong gupkhiat nadingin,

Johan 12:26

Ka na hong semte in ka nung hong zui ta hen. Keima omna munah ka nasemte zong a om ding hi. Ka na hong semte Pa in a pahtawi ding hi.”

Johan 14:15

“Kei nong it uh leh, ka thupiakna na mang ding uh hi.

Sawltak 11:23

Barnabas a tun’ ciangin Pasian’ hehpihna thupha a muh ciangin a lungdamin amaute in a lungsim tawh Pasian beel dingin mi khempeuh a hansuah hi.

Sawltak 27:23

Bang hang hiam na cih uh leh, hong uk leh kei in a na ka sepsak Pasian’ vantungmi khat in tuzanin ka kiangah ding a,

ROM (Romans) 1:9

Keimah in thu ka nget ciangin, note thu tawh zomin thu ka ngen niloh hi ci-in a Tapa’ Lungdamna Thu hilhin ka lungsim sungah a na ka sep Pasian in keima lamah teci ahi hi.

ROM (Romans) 12:9

Simtat loin itna lungsim om ta hen. Gitlohna mudahin gamtat hoih beel un.

ROM (Romans) 8:28

Pasian a it mite ahi uh, a geelna banga a sap mite adingin na khempeuh in hoih nadingin a piang uh hi cih i thei hi.

Thu-hilhkikna 10:20

Topa note’ Pasian na zahtak ding uh hi; ama na semin amah beelin, ama min tawh na kiciam ding uh hi.

Thu-hilhkikna 11:1

“Tua ahih ciangin Topa na Pasian uh itin, ama hong thuhilhna, a thukhamte, a ngeina kipte, a thupiaknate na zui tawntung ding uh hi.

Thu-hilhkikna 11:13

“Topa na Pasian uh itin, na lungsim khempeuh, na nuntakna khempeuh uh tawh ama’ na na sep nadingun tu ni-a no kong thupiak ahi ama thupiaknate na zuih uh leh,

Thu-hilhkikna 11:22

Bang hang hiam cih leh Topa na Pasian uh itin, ama lampi khempeuh zui-in, amah beelin, nomau zuih dingin kong thupiak hih thupiakna khempeuh zuih ding na kingaihsut uh leh,

Thu-hilhkikna 13:4

Topa na Pasian uh nung zui-in, amah na zahtak ding uh a, a thupiaknate zui-in a aw na ngai ding uh a, ama na semin amah na beel ding uh hi.

Thu-hilhkikna 4:29

Ahih hangin tua lai panin Topa na Pasian uh na zong ding uh a, na lungsim khempeuh uh leh, na nuntakna khempeuh uh tawh na zon’ uh leh amah na mu ding uh hi.

Thu-hilhkikna 4:4

ahih hangin Topa na Pasian uh a lenkipte khempeuh tu ni-in na hing lai uh hi.

Thu-hilhkikna 4:6

Tuate zui un la, sem un; bang hang hiam cih leh hih thukhamte khempeuh a zak uh ciangin, ‘Hih minam liante in a pil thu thei mi taktak hi,’ a ci ding uh mite’ muhna ah hih thu nomau pilna leh nomau thu theihna hi ding hi.

Thu-hilhkikna 4:9

-

Thu-hilhkikna 5:10

ahih hangin kei hong it-in ka thupiakte a zui mi a tul tampite tungah itna kip a lakpa ka hi hi.

Thu-hilhkikna 6:17

Amah in note hong thupiaksa ahi Topa na Pasian uh thupiaknate, a tecipan’nate leh a thukhamte lim takin na kem ding uh hi.

Hebru 12:15

Note lakah khatpeuh mah in Pasian’ hehpihna thupha ngah loin a om loh nading ahi zongin, a kha kung a zung poin, note hong bawlsia-in mi tampi hong ninsak ding ahi zongin,

Jeim 1:12

Ze-etna a thuak zo mi in thupha a ngah ding hi. Bang hang hiam na cih uh leh, ze-etna a thuak zawh khit ciangin Topa in a it mite a ciamna bangin nuntakna kumpi lukhu a ngah ding hi.

Jeim 2:5

Ka it ka u ka naute aw, ngai un. Leitung mite mai-ah mizawngte in upna tawh a dim nading ahi zongin, Pasian in a it mite a thuciamna gam a luah nading ahi zongin, tua mite a teel hilo ahi hiam?

Mangmuhna 15:3

Tua mite in Pasian’ sila Moses’ la leh Tuuno’ la sa-in: “Vanglianpen Topa Pasian aw, Na bawlnate lianin, a lamdang mahmah hi! Mipawl khempeuhte’ Kumpipa aw, Na gamtatnate in a dikin, a man hi!

1 SAMUEL MASA 12:20

Tua ciangin Samuel in mite kiangah, “Lau kei un; hih siatnate khempeuh na gamta khin uh hi; ahi zongin Topa zuihna panin pial kei un la, na lungsim khempeuh uh tawh Topa’ na sem un;

1 SAMUEL MASA 12:24

Topa zahtak bek un la, na lungsim khempeuh uh tawh citakin ama na sem un; bang hang hiam cih leh note adingin amah in na lian hong bawlsaksate ngaihsun un.

1 SAMUEL MASA 7:3

Tua ciangin Samuel in Israel mite khempeuh kiangah, “Na lungsim khempeuh uh tawh Topa lamah a kihei kik na hih uh leh note lak panin gamdang pasiante leh Ashtaroth milim koih khia-in Topa lamah na lungsim uh ngat un la, ama’ na bek sem un; tua ciangin amah in Filistiate khut sung panin note hong honkhia ding hi,” a ci hi.