Joshua 22:34 - Tedim Bible

³⁴ Reuben mite leh Gad mite in a biakna tau pen Teci phuak uh hi; “Bang hang hiam cih leh Topa in Pasian ahihna thu eite kikalah teci ahi hi,” amaute in ci uh hi.

Tedim Bible Revision 2017

³⁴ Reuben mite le Gad mite in a biakna tau uh min dingin “Teci” a phuak uh hi. “Bang hang hiam cih leh Topa pen Pasian ahihna thu eiteʼ kikalah teci ahi hi,” amaute in ci uh hi.

Joshua 22:34 Iomraidhean Croise

Piancilna 31:47

Laban in Jegarsahadutha ci hi; ahih hangin Jakob in Galeed ci hi.

Piancilna 31:48

Laban in, “Hih suangcian in tu ni-in nang leh kei' kikal-ah teci ahi hi,” ci hi. Tua ahih ciangin amah in Galeed ci-in min phuak a,

1 KUMPI MASATE 18:39

Mi khempeuh in tua thu a muh uh ciangin a mai uh lei lam ngatin puk uh hi; amaute in, “Topa in Pasian ahi hi; Topa in Pasian ahi hi,” a ci uh hi.

Isaiah 19:19

Tua ni ciangin Izipt gamah Topa’ adingin biakna tau khat, a gamgi-ah Topa’ ading khuampi khat om ding hi.

Isaiah 43:10

“Note in keima tecite na hi uh hi,” Topa in ci a, “Kei pen Amah ka hihna thu, nangmah in thei-in keimah nong up nading leh na theihtel theih nadingin kong teelsa ka nasempa na hi hi. Kei’ ma-in pasian om lo a, kei’ khit ah zong kuamah om lo ding hi.

Mattiu 4:10

Zeisu in “Satan aw, kihemkhia in. Na Topa Pasian na bia ding hi; ama na bek na sem ding hi,’ ci-in Lai Siangtho sungah kigelh hi,” a ci hi.

Joshua 24:27

Tua ciangin Joshua in mite khempeuh kiangah, “En un, hih suangtum in eite’ langkhatah teci hi ding hi; bang hang hiam cih leh Topa in eite tungah hong thugen khempeuh za khin hi; tua ahih ciangin note in na Pasian uh tungah a man loin na gamtat loh nadingun tua suangtum in note langkhatah teci hi ding hi,” a ci hi.