Joshua 22:31 - Tedim Bible

³¹ Tua ciangin siampi Eleazar’ tapa Finehas in Reuben mite leh Gad mite leh Manasseh mite tungah, “Topa tungah note zuautat nai lo na hih manun eite lakah Topa om hi, ci-in tu ni-in i thei hi; tu-in note in Topa’ daantah nading panin Israel mite na honkhia uh hi,” a ci hi.

Tedim Bible Revision 2017

³¹ Tua ciangin siampi Eleazarʼ tapa Finehas in Reuben mite, Gad mite le Manasseh mite tungah, “Topa tungah note zuau tat nai lo na hih manun eiteʼ lakah Topa om hi, ci-in tu ni-in i thei hi. Tu-in note in Topaʼ gimpiak nading panin Israel mite na hon khia uh hi,” a ci hi.

Joshua 22:31 Iomraidhean Croise

2 KHANG TANGTHU NIHNATE 15:2

tua ciangin Asa dawntuah dingin amah pai-in ama kiangah, “Ka thu ngai un, Asa leh Judah mite leh Benjaminte aw: Note in amah tawh na om lai teng uh Topa in note tawh om hi. Amah na zon’ uh leh amah na mu ding uh a, ahih hangin amah na nusiat uh leh amah in note hong nusia ding hi.

Ezra 7:5

a pa Abishua, a pa Finehas, a pa Elazar, a pa, siampi lian Aaron—

Late 68:17

Leng muan’huai tulsawm kop nih, a tul a tul tawh, Sinai mual panin siangtho munah Topa hong pai hi.

Paikhiatna 25:8

Amaute' lakah kei ka om theih nadingin kei adingin biakinn khat amaute bawlsak in.

Isaiah 12:6

Zion-a teeng mite aw, nomau’ lakah Israelte’ Siangtho Pa lianin om ahih manin awng un la, lungdamin la sa un,” a cih hun uh hong tung ding hi.

Zekhariah 8:23

Tua hun ciangin minam tuamtuamte sung panin mi sawm, Judah mi khat kiangah hong pai-in, ‘Pasian in note hong ompihna thu za ka hih manun na nung hong zuisak in,’ ci-in thuum ding uh hi,” a ci hi.

Mattiu 1:23

“En un, nungak khat gai ding a, Tapa a nei ding hi. Tua a tapa a min Emmanuel kici ding hi,” a ci hi. Emmanuel a khiatna in ‘Eite tawh Pasian hong omkhawm hi’ a cihnopna hi.

1 KORIN MASA 14:25

Tua pa in a lungsim sunga a selsim khempeuh kilang khia-in, amah in, “Pasian in note lakah a om takpi hi,” ci-in genin, bokin Pasian a bia ding hi.

Joshua 22:30

Siampi Finehas leh amah tawh a om mihon ukpite, Israel beh lutangte in Reuben mite leh Gad mite leh Manasseh mite’ thugenna kammal a zak uh ciangin tua thugennate in amaute lungkim sak mahmah hi.

Joshua 22:32

Tua ciangin siampi Eleazar, tapa Finehas leh ukpite, Gilead gam-a om Reuben mite leh Gad mite kiang panin Israel mite omna Kanaan gamah ciahkik uh a, amaute tungah thu puak kik uh hi.

Joshua 3:10

Joshua in, “A nungta Pasian note lakah a omna hih thu tawh na thei ding uh hi, amah in pel loin note mai panin Kanaan mite, Hit mite, Hiv mite, Perez mite, Girgash mite, Amor mite, leh Jebus mite hawlkhia ding hi.