Joshua 22:26 - Tedim Bible

^26-27 Tua ahih ciangin kote in, “Meihal biakna ahi a, biakpiak nading ahi zongin hi loin, ama omna-ah ka meihal biakna uh leh ka biak piaknate uh leh thu-nuam-a ka piaknate uh tawh Topa’ na ka sepna uh kote leh note kikal leh ko’ khit ciangin suan-le-khakte kikalah teci dingin bawl ni; tua bang hi kei leh hong tung ding hunte-ah na tate un ko’ tate tungah, “Topa sungah no’ tanh bangmah om lo hi,” ci kha ding uh hi,’ ka ci uh hi.

Tedim Bible Revision 2017

^26-27 Tua ahih ciangin kote in, ‘Meihal biakna ahi a, biakpiak nading ahi zongin hi loin, ama omna ah ka meihal biaknate uh le ka biakpiaknate uh le thunuam a ka piaknate uh tawh Topaʼ na ka sepna uh kote le noteʼ kikal le koʼ khit ciangin i suanlekhakte kikalah teci dingin bawl ni. Tua bang hikeileh hong tung ding hunte ah na tate un koʼ tate tungah, “Topaʼ sungah noʼ tanh bangmah om lo hi,” ci kha ding uh hi,’ ka ci uh hi.

Joshua 22:26 Iomraidhean Croise

Isaiah 19:19

Tua ni ciangin Izipt gamah Topa’ adingin biakna tau khat, a gamgi-ah Topa’ ading khuampi khat om ding hi.

Joshua 22:25

Bang hang hiam cih leh no Reuben mite leh Gad mite leh ko’ kikalah gamgi-in Topa in Jordan bawl khin zo hi; Topa sungah no’ tanh bangmah om lo hi,’ a cih khak ding uh launa tawh ka bawl uh ahi hi. Tua ahih ciangin ka tate un Topa a biak ding uh na tate un khaktan kha ding uh hi.

Joshua 22:29

Ama biakbuk mai-a om Topa ka Pasian uh biakna tau longal, meihal biakna ahi a, an tawh biakna ahi a, biakpiak nading ahi zongin lamna tawh kote in Topa lehdo-in Topa zuihna panin a pial ka hi het kei uh hi,” a ci uh hi.

Thukhente 6:24

Tua ciangin Gideon in Topa adingin biakna tau khat tua lai-ah lam a, tua pen, Topa in nopna ahi hi, ci-in phuak hi. Tua pen, Abiezer mite’ neihsa Ofrah-ah tu ni dongin ding lai hi.