Joshua 22:20 - Tedim Bible

²⁰ Zerah’ tapa Akhan in a ki-ap nate-ah khialin Israel mihon khempeuh tungah hehna hong tung hilo ahi hiam? Ama mawhna hangin amah bek si lo hi,’ ci uh hi,” ci-in a gen uh hi.

Tedim Bible Revision 2017

²⁰ Zerahʼ tapa Akhan, a ki-ap nate ah a khialh manin Israel mihon khempeuh tungah hehna hong tung hi lo ahi hiam? Ama mawhna hangin amah bek si lo hi,’ ci uh hi,” ci-in a gen uh hi.

Joshua 22:20 Iomraidhean Croise

2 KHANG TANGTHU NIHNATE 24:18

Tua ciangin amaute in a pu a pate uh’ Pasian, Topa’ biakinn nusia uh a, Asherahte leh milimte’ na sem uh hi. Hih amau’ mawhna hangin Judah leh Jerusalem tungah Pasian’ hehna hong tung hi.

JOB (Job) 35:8

Na khialhna hangin na mipihte bek in thuak a, na gamtat hoihna hangin na mipihte bek in phattuamna ngah hi.

Siampi Laibu 10:6

Moses in Aaron leh a tapate Eleazar leh Ithamar kiangah, “Na lu uh a, na sam uh phiahsak kei un la, na puante uh balkeek kei un, na hih uh leh note si-in, mihonte khempeuh tungah Topa’ hehna hong tung ding hi; ahih hangin na sanggamte uh, Israel innkuan buppi pen, Topa’ tawhkuangsa mei katna hangin thuum thei ding uh hi.

1 KORIN MASA 10:6

Amaute in a hoih lote a deihgawh uh bangin i deihgawh loh nadingin hih thute in eite adingin lim kilahna ahi hi.

Joshua 22:21

Tua ciangin Reuben mite, Gad mite, leh Manasseh minam a langte in Israel beh lutangte dawngin,

Joshua 7:1

Ahih hangin Israel mite in a ki-ap nate tawh kisai-in zuautat uh hi; bang hang hiam cih leh Judah minam Zerah tapa Zabdi, a tapa Karmi, a tapa Akhan in a ki-ap nate pawlkhat la hi; tua ciangin Israel mite tungah Topa heh mahmah hi.

Joshua 7:18

tua ciangin amah in ama innkuanpihte a mi mi-in hong paipih a, Judah minam Zerah tapa Zabdi, a tapa Karmi, a tapa Akhan kila hi.

Joshua 7:24

Tua ciangin Joshua leh amah tawh a om Israelte khempeuh in Zerah tapa Akhan, leh a ngun leh a puan leh a kham tawn, leh a tanute leh a tapate, leh a bawngtalte leh a late leh a tuute, leh a puanbuk, leh a neih khempeuh la uh hi; amaute in Akhor Kuam ciangah tuate paipih uh hi.

Joshua 7:5

Ai mite in amaute mi sawmthum-le-guk khawng thatin, a kulh kongpi mai Shebarim ciang dong delh uh a, tuahsukna mun-ah amaute that uh hi. Hih thu hangin Israel mite’ han’na bei-in, lau mahmah uh hi.

2 PETER NIHNA 2:6

Sodom leh Gomorrah khuapite, mei vut suakin, cip siatna daan thu khen a, a nung ciangin Pasian bia lote adingin limin a koih hi.