Joshua 22:16 - Tedim Bible

¹⁶ “Topa’ mihon buppi in, ‘Topa lehdona-in tu ni-in note adingin biakna tau khat lamna tawh Topa zuihna panin tu ni-in kihei-in Israel Pasian tungah na gamtatnasa uh ahi hih khemna in bang ahi hiam?

Tedim Bible Revision 2017

¹⁶ “Topaʼ mihon buppi in, ‘Topa leh dona ah tu ni-in note adingin biakna tau khat lamna tawh Topa zuihna panin tu ni-in kihei-in Israel Pasianʼ tungah na gamtatna sa uh ahi hih khemna pen bang ahi hiam?

Joshua 22:16 Iomraidhean Croise

Ezra 8:22

Bang hang hiam cih leh kumpipa kiangah, “Ka Pasian un amah a zong mite khempeuh ompihin amau’ adingin a hoih na sem a, amah a nusiate khempeuh tungah amah heh hi,” ci-in gen khin ka hih manun lampi-ah kote hong kha dingin galkapte leh sakol tung tuangte kumpipa kiangah ka nget ding ka maizum hi.

Siampi Laibu 17:8

“Nangmah in amaute tungah hih bangin na gen ding hi: Israel mite sung pan hita leh, amaute lakah a peem khual mite sung panin meihal biakna ahi a biakpiakna ahi zongin a pia mipa in,

Gamlak-vakna 32:15

Bang hang hiam cih leh amah zuihna panin note na pial uh leh amah in gam lakah amaute nusia kik ding hi; note pen hih mi khempeuh a susia na hi ding uh hi,” a ci hi.

Thu-hilhkikna 12:11

Topa na Pasian un ama min a teen’ nading muna a teelna munah note kong sawl khempeuh na paipih ding uh hi; na meihal biaknate uh leh na biak piaknate uh, note in na piakna sehsawm suah sehkhat uh leh na piakte uh leh Topa tungah na ciam uh na thuciam piaknate uh na paipih ding uh hi.

Joshua 22:11

Tua ciangin Israel mite in, “En un, Israel mite’ aa lam pang a, om Jordan kiim gam, Kanaan gamnawl-ah Reuben mite leh Gad mite leh Manasseh minam a langte in biakna tau khat lam uh hi,” a kicihna za uh hi.

Joshua 22:15

Tua ciangin Gilead gam sunga om Reuben mite, Gad mite leh Manasseh minam a langte kiangah amaute pai uh a, amaute kiangah,

1 SAMUEL MASA 15:11

“Kumpi-in Saul ka koih ka kisik hi; bang hang hiam cih leh amah in keimah zuihna panin kihei kik a, ka thupiaknate sem lo hi,” a ci hi. Tua ciangin Samuel heh hi; zan tawntung Topa’ tungah kiko hi;