Joshua 22:11 - Tedim Bible

¹¹ Tua ciangin Israel mite in, “En un, Israel mite’ aa lam pang a, om Jordan kiim gam, Kanaan gamnawl-ah Reuben mite leh Gad mite leh Manasseh minam a langte in biakna tau khat lam uh hi,” a kicihna za uh hi.

Tedim Bible Revision 2017

¹¹ Tua ciangin Israel mite in, “En un, Israel miteʼ lam pang, Jordan kiim gam, Kanaan gam nawl ah Reuben mite, Gad mite le Manasseh minam a langte in biakna tau khat lam uh hi,” a kicihna za uh hi.

Joshua 22:11 Iomraidhean Croise

Johan 1:28

Johan baptaizna mun Jordan gun galkhat Bethani khua-ah hih thu khempeuh a piang hi.

Johan 20:1

Ni sagih lakah a kipat ni, khuavak ma zingtungin Magdala khua Mari hanah pai a, han kong khakna suang kilakhia zo-a om a mu hi.

Johan 20:12

vantungmi nih puanpak silhin Zeisu’ luang a kisialna a lu lam ah khat, a taw lam ah khat tu-a om a mu hi.

Thu-hilhkikna 12:11

Topa na Pasian un ama min a teen’ nading muna a teelna munah note kong sawl khempeuh na paipih ding uh hi; na meihal biaknate uh leh na biak piaknate uh, note in na piakna sehsawm suah sehkhat uh leh na piakte uh leh Topa tungah na ciam uh na thuciam piaknate uh na paipih ding uh hi.

Joshua 2:7

Tua ahih ciangin mite in Jordan lamah ngahmun dong delh uh hi; a delhte a paikhiat phetin kulh kongpi kikhak hi.

Joshua 22:10

Kanaan gam sunga om Jordan gam kiim teng a tun’ uh ciangin Reuben mite leh Gad mite leh Manasseh minam a langte in tua lai Jordan gun kiangah a lian mahmah biakna tau khat lam uh hi.

Joshua 22:16

“Topa’ mihon buppi in, ‘Topa lehdona-in tu ni-in note adingin biakna tau khat lamna tawh Topa zuihna panin tu ni-in kihei-in Israel Pasian tungah na gamtatnasa uh ahi hih khemna in bang ahi hiam?

Joshua 22:19

Ahih hangin tu-in note’ lakna leitang uh nin ahih leh Topa’ biakbuk a din’na mun Topa’ leitangah hong pai un la, kote lakah luah hong nei un; Topa lehdo kei un la, Topa i Pasian’ biakna tau simloh note’ ading biakna tau na lamna uh tawh kote a lehdo hong suaksak kei un.

Thukhente 12:5

Gilead mite in Efraim mite tung panin Jordan ngahmunte la uh hi. Efraim galtaite khat peuhpeuh in, “Hong galkah sak in,” a cih ciangin Gilead mite in ama kiangah, “Efraim mi na hi hiam?” ci uh hi. Amah in, “Hi kei ing,” a cih ciangin,