Joshua 2:4 - Tedim Bible

⁴ Ahih hangin tua numei in mi nihte la-in na seel khin hi; tua ciangin amah in, “Hi mah hi, ka kiangah mi hong pai uh hi; ahih hangin amaute koi pan hong pai hiam cih ka thei kei hi;

Tedim Bible Revision 2017

⁴ Ahih hangin Rahab in tua mi nihte la-in na seel khin hi. Tua ahih ciangin amah in, “Hi mah hi, ka kiangah mi hong pai uh hi. Ahih hangin amaute koi pan hong pai uh hiam, cih ka thei kei hi.

Joshua 2:4 Iomraidhean Croise

2 KUMPI NIHNATE 6:19

Tua ciangin Elisha in amaute kiangah, “Hih in a lampi hi lo a, hih in a khuapi hi lo hi; kei hong zui un, na zon’ uh mipa kiangah note kong paipih ding hi,” a ci hi. Tua ciangin amah in Samaria ah amaute paipih hi.

Paikhiatna 1:19

Naudomte in Faro’ kiangah, “Hebru numeite in Izipt numeite tawh a kibat loh hang ahi hi; bang hang hiam cih leh amaute thadim uh a, amau' kiangah naudomte a tun’ ma-in amaute na suak khin pahpah uh hi,” ci hi.

Jeim 2:25

Tua mah bangin numei gilo Rahab in sawltakte a tun’sak khit ciangin lam tuam khatah a ciahsak maninah gamtatna hoih hangin dikkisakna ngah hilo a hi hiam?

Joshua 2:3

Tua ciangin Jerikho kumpipa in Rahab kiangah mi sawlin, “Na inn sunga hong tum, na kianga hong tung mite hong pai khiatpih in; bang hang hiam cih leh gam khempeuh a en dingin amaute hong pai uh hi,” a ci hi.

Joshua 2:5

kulh kongpi a kikhak ding khuamial ciangin tua mite paikhia uh hi; tua mite koi-ah pai uh hiam ka thei kei hi; manlangin amaute delh un; na pha kha ding uh hi,” a ci hi.

Joshua 6:17

Khuapi leh a sunga omte khempeuh suksiat dingin Topa tungah kipia ding hi; amah in i sawl kamtaite na seel ahih manin numei paktat Rahab leh ama inn sungah amah tawh a om khawmte khempeuh bek hing ding hi.

Joshua 6:25

Ahih hangin numei paktat Rahab, leh a pa innkuanpite, leh tua nu tawh a kizomte khempeuh Joshua in hingkhawi hi; Jerikho thu kansim dingin Joshua in a sawl kamtaite tua nu in na seel ahih manin tu ni dongin Israel mite lakah a suan-le-khakte teeng uh hi.