Joshua 2:3 - Tedim Bible

³ Tua ciangin Jerikho kumpipa in Rahab kiangah mi sawlin, “Na inn sunga hong tum, na kianga hong tung mite hong pai khiatpih in; bang hang hiam cih leh gam khempeuh a en dingin amaute hong pai uh hi,” a ci hi.

Tedim Bible Revision 2017

³ Tua ciangin Jerikho kumpipa in Rahab kiangah mi sawlin, “Na inn sunga hong tum, na kiang a hong tung mite hong paikhiatpih in; bang hang hiam cih leh gam khempeuh a en dingin amaute hong pai uh hi,” a ci hi.

Joshua 2:3 Iomraidhean Croise

Piancilna 38:24

Tua zawh kha thum ciangin Judah tungah, “Na monu Tamar paktat-in gamta hi; tua tham loin paktatna tawh nau nei hi,” ci-in kigen hi. Judah in, “Amah paikhiatpih un la, amah kihaltum hen,” ci hi.

Piancilna 42:31

Ahih hangin kote in ama' kiangah, ‘Kote thuman mi ka hi uh a, kote thukan ka hi kei uh hi;

2 SAMUEL NIHNA 10:3

Ahih hangin Ammon mite’ uliante in a topa uh Hanun kiangah “David in nangma kiangah hehnemte hong sawl manin na pa a pahtawi hi, ci-in ngaihsun na hi hiam? David in a nasemte khuapi sung a en ding, thu kansim ding, leh a lawnthal dingin hong sawl hilo ahi hiam?” a ci uh hi.

2 SAMUEL NIHNA 17:20

Absalom’ nasemte tua nu’ inn-ah hong tun’ ciangin amaute in, “Ahima-az leh Jonathan koi lai-ah om ahi uh hiam?” a ci uh hi. A numei in amaute kiangah, “amaute lui gal khatah paikhin zo uh hi,” a ci hi. Amaute in zongin a muh zawh loh uh ciangin Jerusalem ah ciahkik uh hi.

1 KHANG TANGTHU MASATE 19:3

Ahih hangin Ammon mite’ uliante in Hanun’ kiangah, “David in nang kiangah hehnemte hong sawlna hangin na pa a pahtawi hi, ci-in ngaihsun na hi hiam? A phekleh ding leh a lumlet ding leh gam sung ensim dingin ama nasemte na kiangah hong pai hilo ahi hiam? a ci uh hi.

JOB (Job) 21:30

Pasian hehin daan a piak ciangin, migilote peng tawntung zawsop hi.

Siampi Laibu 24:14

“A samsia mipa pen giahphual pua lamah paipih in; ama samsiat a za mi khempeuh ama lu tungah amau’ khut nga sak in la, mihonte khempeuh amah deng sak in.

Johan 19:4

Pilat va paikhia kik a, “Hih mi tungah bangmah mawhna ka muh loh na theih nadingun note kiangah kong lakhia hi,” a ci hi.

Sawltak 12:4

Amah in Piter a mat khit ciangin galkap li tek a om, galkap pawl li kemsak a, thong sungah a khia hi. Paisan pawi ni a bei khit ciangin mi honpi mai-ah lahkhiat ding a hanciam hi.

Sawltak 12:6

Herod kumpipa in a lakkhiat hun dek tak ni zanin Piter sikkhau nih tawh kihen a, galkap nih kikalah ihmu a, thong kong mai-ah a cingte in a cing uh hi.

Joshua 10:23

Amaute in tua mah bangin hih uh a, leihawm panin tua kumpi ngate, Jerusalem kumpi, Hebron kumpi, Jarmuth kumpi, Lakhish kumpi, leh Eglon kumpite, ama kiangah paipih uh hi.

Joshua 2:2

Jerikho kumpipa tungah, “En in, gamsung en dingin Israel mi pawlkhat tu nitakin hih lai-ah hong tung zo hi,” ci-in kigen hi.

Joshua 2:4

Ahih hangin tua numei in mi nihte la-in na seel khin hi; tua ciangin amah in, “Hi mah hi, ka kiangah mi hong pai uh hi; ahih hangin amaute koi pan hong pai hiam cih ka thei kei hi;

Thukhente 4:20

Amah in tua nu kiangah, “Puanbuk kongah ding in la, mi khatpeuh hong pai-in na kiangah, ‘Hih lai-ah mi khatpeuh a om hiam?’ hong cih leh, ‘Om kei,’ na ci in,” a ci hi.