Joshua 2:19 - Tedim Bible

¹⁹ Mi khatpeuh na inn kong panin kongzing lampi-ah a paikhiat leh ama sihna in ama khialhna hang hi ding hi, kote ka siang ding uh hi; ahih hangin inn sungah nang tawh a om mi khatpeuh a kisukkhak leh, ama sihna in kote’ khialhna hi ding hi.

Tedim Bible Revision 2017

¹⁹ Mi khatpeuh na inn sung panin kongzing lampi ah a paikhiat le ama sihna pen ama khialhna hang hi dinga, kote ka siang ding uh hi. Ahih hangin inn sungah nang tawh a om mi khatpeuh a kisukkhak leh, ama sihna pen koteʼ khialhna hi ding hi.

Joshua 2:19 Iomraidhean Croise

2 SAMUEL NIHNA 1:16

Tua ciangin David in ama kiangah, “Nangma mawhna nangma lu tungah tung ta hen; bang hang hiam cih leh nangma kam in nang lang khatah teci pangin, ‘Topa’ sathau nilhpa ka that khin hi,’ na ci hi,” a ci hi.

2 SAMUEL NIHNA 4:11

Migilote in a thuman mi khat ama inn sung a lupna tungah a thah ciangin note’ tungah ama phu hong la-in, leitung panin note hong susia zawkan ding hilo ka hi hiam?” a ci hi.

1 KUMPI MASATE 2:32

Topa in ama mawhna ama lu tang mah ah tungsak kik ding hi; bang hang hiam cih leh ka pa David’ theih lohin amah in Israel galkapte a uk Jether’ tapa Amasa, amah sangin thuman zaw-in a hoihzaw ahi mihing nih do-in namsau tawh that hi.

Paikhiatna 12:13

Note’ omna inn tunga sisan in note adingin lim hi ding hi; sisan ka muh ciangin note kong paisan ding a, Izipt leitang ka vat gawp ciangin note hong susia ding gimna note' tungah hong tung lo ding hi.

Paikhiatna 12:22

Puknah lom khat la un la, kuang sunga a om sisan sungah diahin, kuang sunga a om sisan tawh bangtungzawl leh kongkhak khuam nihte nuh un; zingsang matengin a inn kongkhak pua-ah kuamah paikhia lo ding hi.

Paikhiatna 12:23

Bang hang hiam cih leh Izipt mite that dingin Topa in hong nawk ding hi; amah in bangtungzawl leh kongkhak khuam nih tunga sisan a muh ciangin Topa in kongkhak paisan ding a, a susia ding pen note that dingin na inn sung uh-ah tumsak lo ding hi.

Siampi Laibu 20:11

A pa’ zi tawh a lumkhawm mipa in a pa a mindaisak suak hi; amau tegel kithat ding hi, amau’ sihna amau mah ngawh ding ahi hi.

Siampi Laibu 20:9

Bang hang hiam cih leh a nu ahih kei leh a pa a samsia mi peuhmah kithat ding hi; amah in a nu ahih kei leh a pa samsia khin a, ama sihna ah amahmah ngawh ding ahi hi.

Mattiu 24:17

Innkhum tungah a omte in zong a inn sungah sum la dingin kumsuk kei hen.

Sawltak 18:6

Judah mite in thu nial uh a, a selpho uh ciangin Paul in langpanna tawh ama puan singkhia-in, “Note’ si uh note lu tungah om ta hen! Keimah ka siang hi. Tu-a kipanin Gentailte kiangah ka pai ding hi,” a cih khit ciangin

Sawltak 20:26

Tua ahih ciangin mi khempeuh’ si tungah khial loin ka om hi ci-in nomau kiangah ka hong lak hi.

Sawltak 27:31

Paul in, “Hih mite in teembaw tungah a om kei uh leh, note na suakta kei ding uh hi,” ci-in galkap mangpa leh galkapte kiangah a gen hi.

Filippi 3:9

Topa hangin na khempeuh ka taan zo a, sihna pan thawhkikna thu ka ngah theih nadingin Topa’ thuak sihna sungah tumin, tua Topa ahi zongin, ama thawhkikna’ vangliatna ahi zongin, ama gimthuakna zomin thuakna ahi zongin theih tel nadingin, thukham hanga ka ngah keima dikna om loin, Khazih upna hanga ka ngah upna hangin Pasian hong piak dikna muan’na tawh Khazih a meetin ngahin, tua Topa ah kip-a ka om zawh nadingin nadangte khempeuh eek hi ci-in ka ngaihsun hi.

Hebru 10:29

Tua bang tham loin, Pasian’ Tapa, a khe tawh sik a, amah a siangthosak thuciamna si a siangtho lo ci-in ngaihsun a, thupha a pia Kha Siangtho a simmawh mi in bang zah a lianzaw daantatna a thuak ding na um uh hiam?

Joshua 2:12

Tua ahih ciangin tu-in note tungah kong dik gamtat bangin note in zong ko’ innkuan-ah nong dik gamtat nading uh Topa min tawh kei tungah hong kiciam un la, a man taktak lim khat kei hong pia-in,

Joshua 2:14

Mite in ama tungah, “Nang’ tangin kote ka si ngam uh hi. Hih ko thu na genkhiat kei nak leh Topa in kote tungah hih leitang hong piak ciangin nang tungah dikna leh thumanna tawh kong gamta ding uh hi,” a ci uh hi.

Joshua 2:20

Ahih hangin hih ko thute na gen khiat leh, kote nong kiciam sak thuciamna tawh kisai-in kote ka siang ding uh hi,” a ci uh hi.