Joshua 2:18 - Tedim Bible

¹⁸ En in, hih leitangah kong pai uh ciangin kote nong khai sukna hih kongvangneu-ah hih khauhual san na khih ding hi; na inn sungah na nu leh na pa, na sanggampate leh na pa innkuanpihte khempeuh na khawm ding hi.

Tedim Bible Revision 2017

¹⁸ En in, hih leitang ah kong pai uh ciangin kote nong khai sukna hih tawlet ah hih khauhual san na khih ding hi. Na inn sungah na nu le na pa, na sanggamte le na paʼ innkuanpihte khempeuh na khawm ding hi.

Joshua 2:18 Iomraidhean Croise

Piancilna 12:2

Thupha a ngah dingin minam lian khatin nang hong bawlin, thupha hong pia-in, na min kong liansak ding a, nang in thupha na hi ding hi.

Piancilna 7:1

Tua ciangin Topa in Noah kiangah, “Nang leh na innkuanpihte khempeuh teembaw sungah pai un, bang hang hiam cih leh nang in hih khang mite' sung panin a thuman na hihna ka mu khin hi.

Esther 8:6

Ka mipihte tungah hih siatna liante a tung ka muh ding bangci thuak zawh ding ka hi hiam? Ahih kei leh ka innkuanpih tungah a tung hih siatna ka muh ding bangci thuak zawh ding ka hi hiam?” a ci hi.

Paikhiatna 12:13

Note’ omna inn tunga sisan in note adingin lim hi ding hi; sisan ka muh ciangin note kong paisan ding a, Izipt leitang ka vat gawp ciangin note hong susia ding gimna note' tungah hong tung lo ding hi.

Solomon la 4:3

Na mukte in puansan tawh kibang a, na kampau, ngaihngaih nop huai hi. Na lu khuhna puan sung panin, na kho, hong san lehleh hi.

Siampi Laibu 14:4

a kisiangsak ding mipa’ adingin a hing vasa siang nih leh taamtaak sing leh a ausan puan leh puknah a la dingin siampipa in amaute sawl ding hi;

Gamlak-vakna 19:6

siampipa in taamtaak sing leh puknah leh a ausan khaute la-in bawngla a kihalna sungah tuate khul ding hi.

Gamlak-vakna 4:8

tua ciangin amaute in a ausan puan tawh tuate khuh ding uh a, savun tawh khuh thuahin, a zawlte bulh ding uh hi.

Luka 19:9

Zeisu in, “Hih pa in Abraham’ tapa ahih man-inah tuni-in hih inn sungah gupna a tung hi.

Sawltak 10:27

Amah in Kornelias tawh a kihopih lai takin inn sungah tum uh a, mi tampi kikhawmin a om uh a mu hi.

Sawltak 10:33

Tua ahih ciangin nangma kiangah a manlangin mi kong paisak hi. Tu-in nang hong tung na hih ciangin thuhoih ahi hi. Tua ahih ciangin hih san takah Pasian in nangma kiangah thu hong piaksa teng ngai dingin kote khempeuh in Pasian mai-ah ka om uh hi,” a ci hi.

Sawltak 11:14

Tua pa in nangmah leh na innkuanpihte gupna na ngah nadingun hong hilh ding hi,’ hong ci hi’ ci-in hong gen hi.

2 TIMOTI NIHNA 1:16

Topa in Onesiforas’ innkuanpihte tungah hehpihna tungsak ta hen. Bang hang hiam cih leh, amah in kei tam veipi hong thakhauh sak hi. Keima sikkhau hangin zong zum loin,

Hebru 9:19

Bang hang hiam na cih uh leh, Thukham khempeuh Moses in mi khempeuh kiangah a hilh khit ciangin tui tawh kihel bawngno’ si, keel’ si, a san tuumul leh pumpeeng ngeekte la-in Lai Siangtho ahi zongin, mi khempeuh tungah ahi zongin a theh a,

Joshua 2:21

Tua ciangin amah in, “Na thugen bangun hi ta hen,” a ci hi. Tua ciangin amah in amaute sawl khia a, amaute paikhia uh hi; amah in a khauhual san a kongvangneu-ah khih hi.

Joshua 6:23

Tua ahih ciangin thu kansim tangvalte va tum uh a, Rahab, leh a nu leh a pa leh a sanggamte leh amah tawh a kizom khempeuh pai khiatpih uh hi; amaute in tua nu’ tanau teng khempeuh paipih uh a, Israelte’ giahphual pua lamah koih uh hi.

Joshua 6:25

Ahih hangin numei paktat Rahab, leh a pa innkuanpite, leh tua nu tawh a kizomte khempeuh Joshua in hingkhawi hi; Jerikho thu kansim dingin Joshua in a sawl kamtaite tua nu in na seel ahih manin tu ni dongin Israel mite lakah a suan-le-khakte teeng uh hi.