Joshua 2:12 - Tedim Bible

¹² Tua ahih ciangin tu-in note tungah kong dik gamtat bangin note in zong ko’ innkuan-ah nong dik gamtat nading uh Topa min tawh kei tungah hong kiciam un la, a man taktak lim khat kei hong pia-in,

Tedim Bible Revision 2017

¹² Tua ahih ciangin tu-in note tungah kong dik gamtat bangin note zong ko innkuan ah nong dik gamtat nading uh Topaʼ min tawh kei tungah hong kiciam unla, a man taktak lim khat kei hong pia un.

Joshua 2:12 Iomraidhean Croise

Piancilna 21:23

tua ahih ciangin tu-in kei hita leh ka tate hita leh ka suan-le-khakte hita leh tungah a man lopi-in hong bawl loin, nang' tungah thuman tak tawh kong gamtat bangin keima' tung leh tawl khat na omna leitang tungah nong gamtat nadingin Pasian tawh kei tungah hong kiciam in,” ci hi.

Piancilna 24:3

-

Piancilna 24:9

Tua ahih ciangin nasempa in a topa Abraham’ phei nuai-ah a khut koih a, hih thu tawh kisai-in ama' tungah kiciam hi.

Piancilna 40:14

Ahih hangin kei hong phawk in, nang' tungah thu hong hoih ciangin kei tungah hehpihna hong bawl in, kong thum hi, Faro’ tungah kei’ thu genin, hih inn panin kei hong lakhia in.

2 KHANG TANGTHU NIHNATE 36:13

Pasian tawh a kiciamsak Kumpi Nebukhadnezzar zong amah in lehdo hi; Israel Pasian, Topa’ kiang zuan kik nuam lo a, zong kisik nuam loin a lung khauhsak hi.

Esther 8:6

Ka mipihte tungah hih siatna liante a tung ka muh ding bangci thuak zawh ding ka hi hiam? Ahih kei leh ka innkuanpih tungah a tung hih siatna ka muh ding bangci thuak zawh ding ka hi hiam?” a ci hi.

Paikhiatna 12:13

Note’ omna inn tunga sisan in note adingin lim hi ding hi; sisan ka muh ciangin note kong paisan ding a, Izipt leitang ka vat gawp ciangin note hong susia ding gimna note' tungah hong tung lo ding hi.

Jeremiah 12:16

Tua ciangin, ka mite’ omdan hoih takin a sin uh a, Baal min tawh kiciam dingin ka mite a sinsak mah bangun ‘Topa a nuntak bangin,’ ci-a kei’ min tawh kiciam ding a sin uh leh ka mite’ lakah kip takin a om ding uh hi.

Marka 14:44

Zeisu a lehheekpa in, “Ka nappa in Zeisu ahi hi; tua pa na man un la, paipih un,” ci-in amaute kiangah a lim a hilhkhol hi.

ROM (Romans) 1:31

kikepna nei lo mi, kiciam pelh mi, unau it lo mi, hehpih lungsim nei lo mi a suak uh hi.

1 TIMOTI MASA 5:8

Mi khat in ama mite, ahi takpi gen leeng ama innkuanpihte, a kep kei leh, thu-upna nial a, a um lo mite sangin a gilo zaw hi.

Jeim 2:13

Bang hang hiam na cih uh leh, hehpihna a nei lo mi in, hehpihna ngah loin thukhenna a thuak ding hi. Hehpihna in thukhenna zoin a kisathei thei hi.

Joshua 2:13

ka nu leh ka pa, ka sanggamnute, ka sanggampate, leh amaute tawh a kizomte khempeuh hong hon un la, sihna panin kote hong suakta sak un,” a ci hi.

Joshua 2:18

En in, hih leitangah kong pai uh ciangin kote nong khai sukna hih kongvangneu-ah hih khauhual san na khih ding hi; na inn sungah na nu leh na pa, na sanggampate leh na pa innkuanpihte khempeuh na khawm ding hi.

Joshua 2:19

Mi khatpeuh na inn kong panin kongzing lampi-ah a paikhiat leh ama sihna in ama khialhna hang hi ding hi, kote ka siang ding uh hi; ahih hangin inn sungah nang tawh a om mi khatpeuh a kisukkhak leh, ama sihna in kote’ khialhna hi ding hi.

Joshua 6:22

Tua ciangin Joshua in tua gam thu a va kansim mi nihte kiangah, “Numei paktat nu’ inn-ah va pai un la, tua lai panin a numei leh amah tawh a kizom khempeuh ama tungah na ciamsa bangun hong pai khiatpih un,” a ci hi.

Joshua 9:15

Tua ciangin Joshua in amaute tawh kilemna bawlin, amaute a hin’sak nading thuciamna bawl uh hi; tua ciangin mi honte’ makaite amau’ tungah kiciam uh hi.

Thukhente 1:24

Thu kansimte in khuapi panin hong paikhia mi khat mu uh a, ama kiangah, “Khuapi lutna lampi hong hilh in, kong thuum uh hi, nang tungah kong diktat ding uh hi,” a ci uh hi.

1 SAMUEL MASA 30:15

Tua ciangin David in ama kiangah, “Hih mite kiangah nong paipih suk ding hiam?” a ci hi. Amah in, “Nangmah in kei nong thah loh nading ahi a, ka topa’ khut sungah nong ap kik loh nading ahi zongin Pasian tawh kei tungah hong kiciam in, tua ciangin hih mihonte kiangah nang kong paipih suk ding hi,” a ci hi.