Joshua 2:11 - Tedim Bible

¹¹ Tua thu ka zak phetun lungsim kitam zanin, ka lungsim uh bei a, note’ hangin mite’ lungsimah han’na bei hi; bang hang hiam cih leh Topa na Pasian un tunga om vantung leh nuai-a om leitungah Pasian ahi hi.

Tedim Bible Revision 2017

¹¹ Tua thu ka zak phetun ka lungsim uh bei a, noteʼ hangin miteʼ lungsimah hanna bei hi; bang hang hiam cih leh Topa na Pasian uh, tunga om vantung le nuai-a om leitungah Pasian ahi hi.

Joshua 2:11 Iomraidhean Croise

1 KUMPI MASATE 8:60

leitung mi khempeuh in Topa in Pasian hi, kuamah dang om lo hi, ci-in thei ding uh hi.

2 KUMPI NIHNATE 5:15

Tua ciangin Pasian’ mipa kiangah amah leh a pawlte khempeuh kileh kikin amah hong pai-in ama mai-ah ding hi; tua ciangin amah in, “En in, leitung khempeuhah Pasian om loin, Israel sungah om hi, ci-in ka thei hi; tua ahih ciangin tu-in na nasempa tung panin letsong khat hong sang in,” a ci hi.

Nehemiah 6:16

Ka galte un hih thu za-in, ka kiim uh-a om mi namdangte in a theih uh ciangin lamdang sa uh a, kote’ Pasian’ huhna tawh hih nasep kizo ahihna phawk uh hi.

Esther 8:17

Kumpipa’ thupiakna a tun’na gam leh khua khempeuh ah Judah mite adingin lungdamna leh kipahna, pawi bawlna leh nasep khawlin zumkhakna om hi. Tua hi a, mite in Judah mite kihta uh ahih manin tua gam-a om mi tampi tak in Judah mi ka hi uh hi, ci uh hi.

Late 102:15

Minamte in Topa hong zahtak-in, leitung kumpi khempeuh in nangma minthan’na hong zahtak ding uh hi.

Late 22:14

Tui bangin kei hong kibua khia a, ka guh ka tang khempeuh kilawi khin hi; ka lungtang khuainun bang a, ka awm sungah tui suak hi;

Late 58:7

Tui luangkhiate bangin amaute mangthangsak in la, lopa bangin amaute kituancil-in keutumsak in.

Late 83:18

Topa a kici min nei nangmah bek in leitung khempeuhah a Sang Penpa na hihna amaute thei sak in.

Paikhiatna 15:14

Mite in za khin uh a, amaute liing uh hi; Filistia-ah a teng mite gimna in mancip hi.

Paikhiatna 15:15

Tu-in Edom ukpite lungkia uh a, Moab makaite, liin’na in mancip hi; Kanaan-ah a teeng mite khempeuh tuisuak khin uh hi.

Isaiah 13:7

Tua ahih ciangin khut khempeuh zaw-in, mi khempeuh’ lungsim tui suak ding a,

Isaiah 19:1

Izipt gam tawh kisai thu: A manlang mahmah meii tungah Topa tuangin Izipt gamah pai hi; ama mai-ah Izipt gam milimte liing ding a, Izipt mite’ han’na bei ding hi.

Ezekiel 21:15

Tua namsau in ka mite meidawi sakin puk sak hi. Khuaphia bangin a tee zalzal, mi that dinga a kithawi ka namsau tawh a khuapi uh ka ngim hi.

Nahum 2:10

Nineveh khuapi kisusia-in kinusiacip a, gamkhing suak hi. Launa lungsim tawh kidimin khukte liing kelkel a, mi khempeuh lunggimin a mai-ah si teeng lo hi.

Thu-hilhkikna 1:28

Koi lai-ah paito ding i hi hiam? I sanggamte in i lungsim hong siasak khin uh a, “A mite in ei sangin lian zaw-in sangzaw uh hi; a khuapite lianin van banin ki-uum hi; tua tham loin Anak mite tua munah i mu hi,” hong ci uh hi,’ na ci uh hi.

Thu-hilhkikna 20:8

Uliante in mite kiangah thu gen thuah lai-in, ‘A lau a lungsim meidawi kua om na hi uh hiam? A lawmte meidawi lawh kha ding ahih manin a innah ciahkik hen,’ ci ding uh hi.

Thu-hilhkikna 4:39

tua ahih ciangin tunga om vantung hita leh nuai-a om leitung hita leh ah Topa in Pasian a hihna thu tu ni-in na thei un la, na lungsim uhah ciamteh un; kuamah dang om lo hi.

Joshua 14:8

Ahih hangin kei tawh hong paito khawm ka sanggamte in mite lungkiasak uh hi; ahi zongin keimah in lungsim tak tawh Topa ka Pasian ka zui hi.

Joshua 2:24

Amaute in Joshua kiangah, “Topa in leitang khempeuh eite khut sungah hong pia taktak hi; tua tham loin tua gam-a teeng mite khempeuh eite hangin lungmang uh hi,” a ci uh hi.

Joshua 5:1

Nitumna lam Jordan gal khat-a om Amor mite’ kumpite khempeuh leh tuipi gei-a om Kanaan mite’ kumpite khempeuh in, Israel mite in a kantan khit mateng amaute adingin Jordan tuite Topa in a kan’sakna thu a zak uh ciangin lungmang uh a, Israel mite hangin a lungsim uh a bei hi.

Joshua 7:5

Ai mite in amaute mi sawmthum-le-guk khawng thatin, a kulh kongpi mai Shebarim ciang dong delh uh a, tuahsukna mun-ah amaute that uh hi. Hih thu hangin Israel mite’ han’na bei-in, lau mahmah uh hi.

Joshua 9:24

Amaute in Joshua dawngin, “Bang hang hiam cih leh gam khempeuh nang tungah a hong piak nading Topa na Pasian in a nasempa Moses a thupiakna leh na mai panin gam sunga teeng mi khempeuh suksiat taktak nading thu na nasemte kiangah hong kigen hi; tua ahih ciangin note hangin ka nuntakna uh nakpi takin ka lung himawh uh a, hih bangin ka gamta uh hi.

Mangmuhna 6:16

“Ko tungah hong cim in; tokhom tungah tu-in a om mi maitang pan ahi zongin, Tuuno’ hehna pan ahi zongin, hong liah in.