Joshua 2:1 - Tedim Bible

¹ Tua ciangin Nun tapa Joshua in Shittim panin thukanin mi nih sawl sim a, “Pai-in gam va en un la, a diakdiakin Jerikho khua hong en un,” a ci hi. Amaute pai uh a, Rahab min nei a paktat numei khat’ innah tungin giak uh hi.

Tedim Bible Revision 2017

¹ Tua ciangin Nunʼ tapa Joshua in Shittim panin thukanin mi nih sawlsim a, “Pai-in gam va en unla, a diakdiakin Jerikho khua hong en un,” a ci hi. Amaute pai uh a, Rahab min nei numei paktat nuʼ inn ah tungin giak uh hi.

Joshua 2:1 Iomraidhean Croise

Piancilna 42:16

Note’ sungah thuman om hiam ci-in a kimuh nading, na thugente uh a kitel nadingin note thong sungah na om lai takun note khat kisawl un la, na sanggampa uh hong paipihsak un; tua ahih kei leh Faro in a nungta ahih mah bangin note in thukan na hi taktak uh hi,” ci hi.

Piancilna 42:9

Josef in a mangin amaute a mat khitna a mangte phawk hi; amah in amaute' kiangah, “Note in thukan na hi uh a, hih gam thanemna en dingin hong pai na hi uh hi,” ci hi.

Micah 6:5

Ka mite aw, Moab Kumpi Balak in note suk nading a vaihawmna teng, leh Beor’ tapa Balaam in ama nget bangin a sepna teng, limtakin phawk kik un. Note hotkhiat nadingin ka sepna thu na theih nadingun, Shittim leh Gilgal kikal-a thu piangte ngaihsun kik un,” a ci hi.

Gamlak-vakna 13:1

Topa in Moses kiangah,

Gamlak-vakna 13:2

“Israel mite tungah ka piak Kanaan leitang a vaan dingin mi sawl in; amaute lakah makai ahi, nam khat sung panin mi khat ciat sawl in,” a ci hi.

Gamlak-vakna 25:1

Shittim ah Israel mite a om lai takin mite in Moab tanute tawh paktat ding kipan uh hi.

Gamlak-vakna 33:49

Jordan kiang Bethjeshimoth panin Moab leizang sunga a om Abelshittim dongah amaute in giahphual sat uh hi.

Mattiu 1:5

Salmon in a zi Rahab tawh a neih a tapa Boaz, Boaz in a zi Ruth tawh a neih a tapa Obed, Obed’ tapa Jessi,

Mattiu 10:16

“Ngia hon lakah tuute bangin no kong sawl hi. Tua ahih ciangin, note in gul bangin na pil un la, vakhu bangin gilo nei loin na om un.

Efesa 5:5

Bang hang hiam na cih uh leh, numei tawh a khial mi ahi zongin, mi kihhuai mi ahi zongin, milim bia mi ahi huaiham mi khat beek in Khazih leh Pasian’ Gam sungah luahna a ngah kei ding hi ci-in na thei uh hi.

Hebru 11:31

Numei gilo Rahab in gam ente zawlin manin a inn tungsak ahih manin thungai lote tawh kisia khawm loin, upna tawh a suakta hi.

Jeim 2:25

Tua mah bangin numei gilo Rahab in sawltakte a tun’sak khit ciangin lam tuam khatah a ciahsak maninah gamtatna hoih hangin dikkisakna ngah hilo a hi hiam?

Joshua 1:18

Na thupiakna leh na thute, na thupiak peuhpeuh hong langpangin a mang lo mipa kithat ding hi. Thahat in la hang in,” a ci uh hi.

Joshua 2:2

Jerikho kumpipa tungah, “En in, gamsung en dingin Israel mi pawlkhat tu nitakin hih lai-ah hong tung zo hi,” ci-in kigen hi.

Joshua 21:31

Helkath a lonona gamte tawh, leh Rehob a lonona gamte tawh—khuapi li kipia hi;

Joshua 3:1

Zingsang tungin Joshua tho-in Israel mite khempeuh tawh Shittim panin ding khia uh hi; amaute Jordan gun tung uh a, a galkah ma-un tua munah giak uh hi.

Joshua 5:10

Israel mite Gilgal-a giahphual ah a om sungun tua kha a ni sawm-le-li ni nitakin Jerikho zanglei ah Paisan pawi bawl uh hi.

Thukhente 1:23

Tua ciangin Josef innkuante in thu kansim dingin Beth-el ah mi sawl uh hi. (Tua khuapi min pen a ni dangin Luz ahi hi.)

Thukhente 18:14

Tua ciangin Laish gam a ensim dingin a pai mi ngate in a sanggamte uh kiangah, “Hih innte sungah siampi puan khat, inn sung pasiante, a kiseek milim khat, leh a kisung milim khat a omna na thei uh hiam? Tua ahih ciangin tu-in na hih ding uh ngaihsun un,” a ci uh hi.

Thukhente 18:17

tua ciangin, galhiam a tawi mi zagukte tawh kulh kongpi lutna-ah siampipa a din’ lai takin gam ensim dingin a kuankhia mi ngate tumin a kiseek milim, a siampi puan, a inn sung pasiante, leh a kisung milim la uh hi.

Thukhente 18:2

Tua ahih ciangin Dan mite in gam ensimin a va zong dingin amau’ minam bup khempeuh lak panin misiam nga Zorah pan leh Eshtaol panin sawl uh hi; amaute in amau kiangah, “Pai un la gam va zong un,” a ci uh hi. Amaute Efraim mualtung gam, Mikah’ inn-ah hong tung uh a, tua lai-ah taam uh hi.