Joshua 18:6 - Tedim Bible

⁶ Note in leitang khen sagihin hong ciamteh un la, na ciamtehna uh hih mun kei kiangah nong paipih ding uh hi; tua ciangin keimah in Topa i Pasian’ mai-ah note adingin aai ka saan ding hi.

Tedim Bible Revision 2017

⁶ Note in leitang khen sagihin hong ciamteh unla, na ciaptehna uh hih mun kei kiangah nong paipih ding uh hi. Tua ciangin keimah in Topa i Pasianʼ mai ah note ading ai ka san ding hi.

Joshua 18:6 Iomraidhean Croise

Paunak 16:33

Mite in bangbangin ai a san zongin, a piang ding thu in, Topa’ deihna bang bek hizaw hi.

Paunak 18:18

Thu a gen siam tuaktuak mi nih, zum sungah a kisel ciangin, kiciamna bek in thu khen zo hi.

Gamlak-vakna 33:54

Note in na minam uh tawh kizui-in aisaanna tawh leitang na luah ding uh hi; minam tamte tungah luahna a tam na pia ding a, minam tawmte tungah luahna a tawm na pia ding hi; mi khatpeuh ading ai a phatna peuhpeuh ama’ aa hi ding hi; na pate uh nam tawh kizui-in na luah ding uh hi.

Gamlak-vakna 34:13

Moses in Israel mite thu pia-in, “Hih in minam kua leh minam langte tungah piak dingin Topa in a thupiak aisaana tawh na luah ding uh leitang ahi hi;

Sawltak 13:19

Kanaan gam sung mipawl sagih a suksiat khit ciangin tuate gam ama mite in a luah dingun kum zali leh sawmnga tawntung a hawmsak hi.

Joshua 14:2

Minam kua leh alangte’ adingin Topa in Moses a thupiak bangin amau’ gamhte aisanna tawh kipia hi.

Joshua 18:10

Joshua in amaute’ adingin Topa mai Shiloh-ah aai saan sak hi; tua ciangin Joshua in amau’ tanh ding ciat Israelte tungah leitang pia hi.

Joshua 18:7

Levi mite in note lakah tanh nei lo hi; bang hang hiam cih leh Topa’ siampi nasepna in amau’ luah ahi hi; Gad leh Reuben leh Manasseh minam a langte in Topa’ nasem Moses in amaute tungah a piak ahi, Jordan Nisuahna lam gal khatah amau’ gamh ngah khin zo uh hi,” a ci hi.

Joshua 18:8

Tua ahih ciangin mite kuan uh hi; leitang a ciamtehna a gelh nadingun Joshua in a pai mite thu pia a, “Vaksuk vakto-in leitang ciamtehna hong gelh un la, kei kiangah hong pai kik un; tua ciangin Shiloh mun Topa mai-ah note adingin aai ka saan ding hi,” a ci hi.