Joshua 18:28 - Tedim Bible

²⁸ Zela, Haelef, Jebus (Jerusalem a cihna), Gibeah, leh Kiriath-jearim—khuapi sawm-le-li, a khua neute tawh ahi hi. Hih in a beh tawh kizui-in Benjamin minam’ luah ahi hi.

Tedim Bible Revision 2017

²⁸ Zela, Haelef, Jebus (Jerusalem a cihna), Gibeah le Kiriath-jearim - khuapi sawm le li, a khuaneute tawh zong ahi hi. Hihte pen a beh tawh kizui-in Benjamin minamteʼ luah ahi hi.

Joshua 18:28 Iomraidhean Croise

2 SAMUEL NIHNA 21:14

Tua ciangin amaute in Zela khua sung Benjamin’ leitang, a pa Kish’ han sungah Saul leh a tapa Jonathan’ guhte phum uh hi; amaute in kumpipa’ thupiak khempeuh hih uh hi. Tua khit ciangin tua gam ading thuumnate Pasian in ngai hi.

2 SAMUEL NIHNA 23:29

Netofah khuami Baanah’ tapa Heleb, Benjamin mite’ gam sunga om Gibeah khuami Ribai’ tapa Ittai,

2 SAMUEL NIHNA 5:6

Tua ciangin kumpipa leh a mite tua gam-a teeng Jebus mite do dingin Jerusalem ah pai uh a, amaute in David kiangah, “Hih lai-ah hong pai zo kei ding hi; mittawte leh khebaite nangawn in nang hong nang zo ding uh hi,” a ci uh hi- “Hih lai-ah David hong pai zo peuhmah lo ding hi,” ci-in ngaihsun uh hi.

2 SAMUEL NIHNA 5:8

Tua ciangin David in tua ni-in, “Jebus mite a vatgawp ding peuhmah, David in a muhdah zahin a muhdah mi peuhmah in khebaite leh mittawte a sim dingin tuizawl-ah pai ta hen,” a ci hi. Tua ahih ciangin, “Mittawte leh khebaite Topa’ inn sungah lut lo ding hi,” kici hi.

1 KHANG TANGTHU MASATE 8:28

Hihte in amau’ khang tawh kizui-in beh lutangte, a ukpite ahi uh hi. Hihte Jerusalem ah teeng uh hi.

Isaiah 10:29

Amaute in mualciang kantanin Geba khua-ah zan khat giak uh hi; Ramah khua mite lau-in liing uh a, Saul’ teen’na Gibeah khua mite tai uh hi.

Jeremiah 6:1

Benjamin’ suante aw, na suahtak nadingun tai un! Jerusalem khua taisan un! Tikoa khua-ah peengkul mut un la, Bethhakkherim khua-ah theihsakna meikhu suaksak un. Bang hang hiam cih leh leilu lam panin, gimna leh siatna lianpi a hong pai ding hi.

Hosea 10:9

Gibeah khua-a a khialh uh-a kipanin kei tungah hong khialhna uh Israel mite tawp nai lo uh hi. Tua ahih manin Gibeah khua-ah gal in amaute pha ding hi.

Gamlak-vakna 26:38

Amau’ behbehin Benjamin minamte in: Bela pan Bela behte ahi uh hi; Ashbel pan Ashbel behte ahi uh hi; Ahiram pan Ahiram behte ahi uh hi;

Gamlak-vakna 26:54

Minam a tamte tungah gamh a tam na pia ding a, minam tawmte tungah gamh a tawm na pia ding hi; minam khempeuh a mi phazah tawh kizui-in gamh kipia ding hi.

Gamlak-vakna 33:54

Note in na minam uh tawh kizui-in aisaanna tawh leitang na luah ding uh hi; minam tamte tungah luahna a tam na pia ding a, minam tawmte tungah luahna a tawm na pia ding hi; mi khatpeuh ading ai a phatna peuhpeuh ama’ aa hi ding hi; na pate uh nam tawh kizui-in na luah ding uh hi.

Joshua 15:63

Ahih hangin Judah mite in Jerusalem-a teeng Jebus mite hawlkhia zo lo uh hi; tua ahih ciangin tu ni dongin Jebus mite in Judah mite tawh Jerusalem-ah teeng khawm uh hi.

Joshua 15:8

tua ciangin Jebus mi (Jerusalem a cihna) liangko leitaw lam Hinnom' tapa kuam-ah gamgi paito hi; tua ciangin Refaim kuam leilu lam mong, nitumna lam Hinnom Kuam gal khatah a kikhung mual dawn-ah gamgi paito hi;

Joshua 18:16

tua ciangin Refaim kuam leilu lam monga a om, Hinnom’ tapa’ kuam a kimuhna mual a gamgi-ah pai hi; tua ciangin Jebus mite gam liangko leitaw lam, Hinnom Kuam-ah paisukin, Enrogel-ah paisuk suak hi;

Joshua 18:27

Rekem, Irpe-el, Taralah,

Joshua 19:1

Aisaan nihna Simeon ading, a beh zui-in Simeon minam ading hong tung hi; amau’ gamh in Judah minamte’ gamh sungah om hi.

Thukhente 1:21

Ahih hangin Benjamin mite in Jerusalem-ah a teeng Jebus mite hawlkhia lo uh hi; tua ahih ciangin tu ni dongin Jerusalem-ah Jebus mite in Benjamin mite tawh teeng khawm uh hi.

Thukhente 19:10

Ahih hangin mipa tua zan taam lo hi; amah ding-in paikhia a, Jebus (Jerusalem a cihna) gal khat tung hi. Amah in tuan’na a kivawh la nih leh a zineu tawh ahi hi.

1 SAMUEL MASA 10:26

Saul zong Gibeah-a ama inn-ah ciah a, Pasian in amau’ lungsim a lawn’sak mi thahatte zong amah tawh pai hi.