Joshua 18:12 - Tedim Bible

¹² Leilu lamah amau’ gamgi in Jordan panin kipan hi; tua ciangin Jerikho leilu lam liangko-ah paito-in, tua panin mualtung gam nawkin nitumna lamah pai hi; tua ciangin Beth-aven gam lakah tawp hi.

Tedim Bible Revision 2017

¹² Leilu lamah amauʼ gamgi pen Jordan panin kipan a, Jerikho leilu lam liangko ah pai to-in, tua panin mual tung gam nawkin nitumna lamah pai a, Bethaven sehnel gamah a tawp hi.

Joshua 18:12 Iomraidhean Croise

Hosea 10:5

Beth-aven khua a bawngno milim a taanna hangun Samaria khuapi sunga a teeng mite lau-in liing ding uh a, amaute leh tua milim na a sem siampite thuum ding uh hi. A etlawmna teng a maiman’ ciangin tau ding uh hi.

Hosea 4:15

No Israel mite, kei tungah citak loin nong taisan hangun, note bangin Judah mite khial kei ta hen. Gilgal-ah ahi a, Beth-aven-ah ahi zongin pai kei un la, tua lai munah Topa’ min tawh na kiciam kei un.

Hosea 5:8

Galdo nading zaksakna-in Gibeah khua-ah tuutal’ ki tum un la, Ramah khua-ah peengkul tum un. Beth-aven khua-ah pataukohna gingsak un. Benjamin mite aw, kithawi un!

Joshua 16:1

Josef suan-le-khakte’ tanh in Jerikho tuite’ nisuahna lam, Jerikho kiang Jordan panin sehnel gamah pai a, Jerikho panin mualtung gamte tawnin Beth-el ah paito hi;

Joshua 18:11

A behbeh tawh kizui-in Benjamin minamte’ ading aisaan hun hong tunga amau’ tungah a kipia gam in Judah minam leh Josef minamte kikalah hong kia hi.

Joshua 2:1

Tua ciangin Nun tapa Joshua in Shittim panin thukanin mi nih sawl sim a, “Pai-in gam va en un la, a diakdiakin Jerikho khua hong en un,” a ci hi. Amaute pai uh a, Rahab min nei a paktat numei khat’ innah tungin giak uh hi.

Joshua 3:16

a sak lam panin hong luangsuk tuite khawlin khangto a, a gamlapi, Zerethan gei-a khuapi Adam-ah a lomin kikhol a, Ci Tuipi a kici Arabah tuipi-ah a luang sukte kikhen tat siang hi; tua ciangin Jerikho galah mite galkah uh hi.

Joshua 6:1

Tu-in Israel mite hangin a sunglam leh a pualam panin Jerikho kikhak cip hi; kuamah pusuak lo hi, kuamah sungtum lo hi.

Joshua 7:2

Joshua in Jerikho panin Beth-el nisuahna lam, Beth-aven gei-a om Ai khua-ah mi sawl a, amaute kiangah, “Paito un la a gam va ensim un,” a ci hi. Tua mite paito-in Ai khua va ensim uh hi.

Joshua 8:15

Tua ciangin Joshua leh Israelte khempeuh in amau mai-ah kilelsak khem uh a, gamlak lamah tai uh hi.

1 SAMUEL MASA 13:5

Tua ciangin Israelte tawh a kido dingin Filistiate kikhawmin, leeng tul sawmthum, sakol galkap tulguk leh galkapte tuipi gei-a sehnel zahin tampi pha uh hi; amaute hong paito-in Beth-aven nisuahna lam Mikmash-ah phual sat uh hi.