Joshua 17:2 - Tedim Bible

² Tua ciangin Manasseh minam a om laite, Abiezer, Helek, Asriel, Shekhem, Hefer, leh Shemida-te tungah a behbehin piakna kibawl hi; hihte pen Josef tapa Manasseh’ ta pasal suan-le-khakte a behbeh ahi hi.

Tedim Bible Revision 2017

² Tua ciangin Manasseh minam a omlaite Abiezer, Halek, Asriel, Shekhem, Hefer le Shemida-te tungah a behbehin piakna kinei hi. Hihte pen Josefʼ tapa Manassehʼ ta pasal suanlekhakte a behbeh ahi hi.

Joshua 17:2 Iomraidhean Croise

1 KHANG TANGTHU MASATE 7:18

Tua ciangin Gilead’ sanggamnu Hammolekheth in Ishhod, Abiezer, leh Mahlah nei hi.

Joshua 17:1

Tua ciangin Josef tacil ahih manin Manasseh minam tungah tanh kipia hi. Manasseh minam sung pan tacil, Gilead’ pa Makhir tungah Gilead gam leh Bashan gam kipia hi; bang hang hiam cih leh amah galhang mi ahi hi.

Joshua 17:3

Ahih hangin Manasseh’ tapa Makhir, a tapa Gilead, a tapa Hefer, a tapa Zefehad in tapa nei loin tanu bek nei hi; a tanute’ min in: Mahlah, Noah, Hoglah, Milkah, leh Tirzah ahi hi.

Thukhente 6:11

Tu-in a tapa Gideon in Midian mite muh loh dingin leenggah sukna-ah mangbuh satin a om lai takin, Ofrah-ah Abiezer mi Joash neihsa tawsaw nuai-ah Topa’ vantungmi hong pai-in hong tu hi.

Thukhente 8:2

Amah in amaute kiangah, “Note tawh teh dingin ke’n bang hih ka hi hiam? Efraim leenggah sang kaihkhopna in Abiezer leenggah lak sangin hoih zaw hilo ahi hiam?