Joshua 17:14 - Tedim Bible

¹⁴ Tua ciangin Josef minam in Joshua kiangah thu genin, “Topa in kote thupha hong pia khin a, kote in mi tampi hi napi-in bang hangin ngah khat leh tanh khat bek gamh-in hong pia na hi hiam?" a ci uh hi.

Tedim Bible Revision 2017

¹⁴ Tua ciangin Josef minam in Joshua kiangah thu genin, “Topa in kote thu hong pia khin a, kote mi tampi hi napi-in bang hangin ngah khat le tanh khat bek gamh-in hong pia na hi hiam?” a ci uh hi.

Joshua 17:14 Iomraidhean Croise

Piancilna 48:19

Ahih hangin a pa in nial a, “Ka thei hi, ka ta aw, ka thei hi; amah zong mi khat suak ding a, amah zong lian ding hi; ahi zongin a naupa amah sangin lianzaw ding a, a suan-le-khakte in minam lianpi khat suak ding hi,” ci hi.

Piancilna 48:20

Tua ahih ciangin amah in tua ni-in amaute thupha pia a, “Note in Israel sungah thupha na kipia ding uh a, ‘Pasian in Efraim leh Manasseh bangin note hong bawl hen,’ kici ding hi,” ci hi. Tua ahih ciangin amah in Manasseh’ mai-ah Efraim koih hi.

Piancilna 48:22

Tua tham loin, ka namsau leh ka thal tawh Amor mite’ khut tung panin ka lak mual pang khat, na sanggamte’ tung sangin nang' tungah kong pia zaw hi,” ci hi.

Ezekiel 48:5

a zomah Efraim minamte in nisuahna pan nitumna dongah Manasseh tawh kigamgi ding uh hi,

Gamlak-vakna 13:7

Issakhar minam panin Josef’ tapa Igal;

Gamlak-vakna 26:54

Minam a tamte tungah gamh a tam na pia ding a, minam tawmte tungah gamh a tawm na pia ding hi; minam khempeuh a mi phazah tawh kizui-in gamh kipia ding hi.

Gamlak-vakna 36:12

Josef’ ta Manasseh’ tapate innkuan sungah amaute in pasal nei uh a, a pate nam innkuan sungah amau’ gamh luahte kip hi.

Joshua 16:4

Josef suan Manasseh, leh Efraim mite in amau’ gamhluah ngah uh hi.

Joshua 17:15

Tua ciangin Joshua in amaute kiangah, “Note mi tampi pha a, Efraim mualtung gam in note’ adingin neu lua ahih ciangin Perez leh Refaim gam tulakah pai un la, nomau’ ading gam vat tawm un,” a ci hi.