Joshua 17:1 - Tedim Bible

¹ Tua ciangin Josef tacil ahih manin Manasseh minam tungah tanh kipia hi. Manasseh minam sung pan tacil, Gilead’ pa Makhir tungah Gilead gam leh Bashan gam kipia hi; bang hang hiam cih leh amah galhang mi ahi hi.

Tedim Bible Revision 2017

¹ Tua ciangin Josefʼ tacil ahih manin Manasseh minam tungah tanh kipia hi. Manasseh minam sung panin tacil, Gileadʼ pa Makhir tungah Gilead gam le Bashan gam kipia hi. Bang hang hiam cih leh amah galhang mi ahi hi.

Joshua 17:1 Iomraidhean Croise

Piancilna 41:51

Josef in a ta masa Manasseh phuak hi; amah in, “Bang hang hiam cih leh Pasian in ka haksatna khempeuh leh ka pa’ innkuan khempeuh a mangngilhin hong bawl hi,” ci hi.

Piancilna 41:52

A nihna amah in Efraim phuak hi; “Bang hang hiam cih leh ka thuakna gamsungah kei a pungin hong bawl hi,” ci hi.

Piancilna 46:20

Josef in Izipt gamah On khua siampipa Potifera’ tanu Asenath tawh Manasseh leh Efraim nei hi.

Piancilna 48:17

A pa in a tak lam khut Efraim’ lutang tungah a koih Josef in a muh ciangin tua in amah lungkim losak hi; Efraim lutang panin Manasseh’ lutang tungah koih dingin amah in a pa’ khut la hi.

Piancilna 48:18

Josef in a pa' kiangah, “Hilo hi, ka pa aw; bang hang hiam cih leh hih pen a suak masa ahi hi; na taklam khut ama' lu tungah koih in,” ci hi.

Piancilna 50:23

Josef in khang thumna ahi Efraim’ tate mu hi; Manasseh’ tapa Makhir’ tate zong Josef’ inn sung mahah suak uh hi.

2 SAMUEL NIHNA 2:9

amah in Gilead, Ashur mite, Jezre-el, Efraim, Benjamin leh Israelte khempeuh tungah kumpi-in amah bawl hi.

1 KHANG TANGTHU MASATE 2:23

Ahih hangin Geshur leh Aram in amaute tung panin Havvothjair khua Kenath leh a khuaneute, khua sawmguk la hi. Hihte khempeuh in Gilead’ pa Makhir’ suan leh khakte ahi uh hi.

Ezekiel 47:13

Tua ciangin Topa Pasian in kei kiangah, “Israel minam sawm leh nihte’ gamh dingin leitang hawm ding gamgi in hih bang hi ding hi. Josef minamte in a dangte’ ngah zah nih ngah ding uh hi.

Ezekiel 48:4

a zomah Manasseh minamte,

Gamlak-vakna 26:29

Manasseh minamte in: Makhir pan Makhir behte ahi uh hi; Makhir in Gilead’ pa ahi hi; Gilead pan Gilead behte ahi uh hi.

Gamlak-vakna 27:1

Tua ciangin Josef tapa sung panin Manasseh’ tapa Makhir, Makhir’ tapa Gilead, Gilead’ tapa Hefer, Hefer’ tapa Zelofehad, Zelofehad’ tanute a nai-ah hong pai uh hi. Ama tanute’ minte in: Mahlah, Noah, Hoglah, Milkah, leh Tirzah ahi hi.

Gamlak-vakna 32:33

Moses in Gad minamte leh Reuben minamte leh Josef tapa Manasseh minam a langte tungah, Amor kumpi Sihon’ gam leh Bashan kumpi ahi Og’ gam, a leitang leh a khuapite a gam sung tawh, a gam sunga leitang tunga om khuapi khempeuh pia hi.

Thu-hilhkikna 21:17

ama neihsa khempeuh tanh nih piakna tawh a muhdah nu’ tapa a tacil mahin sang ding hi; bang hang hiam cih leh tuapa in a thahatna pana a piang masa pen ahi hi; tacil hihna za in ama aa ahi hi.

Joshua 17:2

Tua ciangin Manasseh minam a om laite, Abiezer, Helek, Asriel, Shekhem, Hefer, leh Shemida-te tungah a behbehin piakna kibawl hi; hihte pen Josef tapa Manasseh’ ta pasal suan-le-khakte a behbeh ahi hi.

Joshua 22:7

Tu-in Manasseh minam a langte tungah Moses in Bashan gam sungah neihsa pia khin hi; ahih hangin Joshua in a langte tungah Jordan nitumna lam a sanggamte kiang uh ah neihsa pia hi. Joshua in amaute a inn uh ah sawlin thupha a piak ciangin,

Thukhente 5:14

Amaute in Amalek ah kipan khia-in, Efraim panin ding khia uh a, tua kuam-ah pai-in amaute’ nungah Benjamin, in a behte tawh hong zui uh hi; Makhir panin a ukte hong pai sukin, Zebulun panin ulianpa’ ciangkhut a tawite hong paisuk uh hi;