Joshua 16:10 - Tedim Bible

¹⁰ Ahi zongin amaute in Gezer sunga teeng Kanaan mite hawl khia lo uh hi: tua ahih ciangin tu ni dongin Kanaan mite in Efraim mite lakah teeng a, ahih hangin aana nasep a sem dingin sal suak uh hi.

Tedim Bible Revision 2017

¹⁰ Ahi zongin amaute in Gezer sunga teeng Kanaan mite hawl khia lo uh hi. Tua ahih ciangin tu ni dongin Kanaan mite pen Efraim mite lakah teeng a, ahih hangin aana nasep a sem dingin sal a suak uh hi.

Joshua 16:10 Iomraidhean Croise

1 KUMPI MASATE 9:15

Hih in Topa’ inn leh ama inn, Millo leh Jerusalem kulhpi, Hazor, Meggiddon leh Gezer a lam dingin Kumpi Solomon in aana tawh nasemte a lakna thu ahi hi.

1 KUMPI MASATE 9:16

(Iziptte kumpi Faro paito a, Gezer la-in mei tawh hal a, a khuapi sunga teeng Kanaan mite thatin Solomon’ zi, a tanu’ tungah moken’ in a khuapi pia hi;

1 KUMPI MASATE 9:21

Israel mite in a suksiat khit siang zawh loh, tua gamah amau’ nunga a om lai a suan leh khakte uh - Solomon in hihte aana tawh na a sem sila-in bawl a, tua ahih ciangin tu ni dongin tua mah bangin om uh hi.

2 KHANG TANGTHU NIHNATE 8:8

Israel mite in a suksiat nai loh amau nungah a suan leh khak uh tua gam sungah a om laite—Solomon in aana tawh siah a pia dingin bawl a, tua bangin tu ni dongin amaute om uh hi.

Joshua 10:33

Tua ciangin Lakhish a huh dingin Gezer kumpipa Horam hong kuanto hi; amaute khat zong a om nawn lo dongin Joshua in amah leh a mite vatgawp hi.

Joshua 15:63

Ahih hangin Judah mite in Jerusalem-a teeng Jebus mite hawlkhia zo lo uh hi; tua ahih ciangin tu ni dongin Jebus mite in Judah mite tawh Jerusalem-ah teeng khawm uh hi.

Joshua 16:9

Manasseh mite’ gamluah sung panin Efraim mite’ adingin a kikhen khia khuapite, a khua neute tawh ahi hi.

Joshua 17:12

Ahi zongin Manasseh’ tapate in hih khuapite luah zo lo uh hi; Kanaan mite tua gamah teeng teitei uh hi.

Joshua 17:13

Ahih hangin Israel mite tampi pha-in a hat uh ciangin amaute in Kanaan mite nasemin koih uh a, hawl khia mang khin lo uh hi.

Thukhente 1:29

Efraim in Gezer-ah a teeng Kanaan mite hawlkhia lo hi; tua ahih manin Kanaan mite Gezer-ah amaute lakah teeng uh hi.