Joshua 15:7 - Tedim Bible

⁷ tua ciangin Akhor Kuam panin Debir-ah gamgi paito a, leilu lam manawhin, tua kuam leitaw lam pangah a om, Adummim kahtohna gal khatah a om Gilgal lamah kihei hi; tua ciangin gamgi in Enshemesh tuite dungah pai-in Enrogel-ah tawp hi;

Tedim Bible Revision 2017

⁷ Akhor Kuam panin Debir ah pai to a, leilu lam manawhin, tua kuam leitaw lam pangah a om, Adummim kah tohna gal khat ah a om Gilgal lamah kihei hi. Tua ciangin En-shemesh lui dung ah gamgi pai-in Enrogel ah tawp hi.

Joshua 15:7 Iomraidhean Croise

2 SAMUEL NIHNA 17:17

Tu-in Jonathan leh Ahima-az in Enrogel-ah ngak uh hi; nasem numei khat pai-in amaute kiangah genin, amaute pai-in Kumpi David kiangah gen zel uh hi; bang hiam cih leh amaute khuapi sungah a lut uh a kimu lo ding ahi hi.

1 KUMPI MASATE 1:9

Adonijah in Enrogel gei-a om Gulpi’ Suangpi kiangah tuute, bawngtalte, leh ganno thaute biakna-in pia-in, amah in kumpipa’ tapate ahi, a sanggamte khempeuh leh Judah kumpi uliante khempeuh sam a,

Isaiah 65:10

Amaute in kei hong zong ding uh a, Sharon gam pen amau’ tuu hon gamtatna mun suaksakin, Akhor Kuam pen amau’ bawng honte’ lupna mun a suaksak ding uh hi.

Hosea 2:5

A nu uh a paktat hi a, tua ahih manin amaute, tua a paai numei in zumna mel thei loin a gamta ahi hi. Amah in, “Ka it pasal dangte kiangah ka pai ding hi; amaute in an leh tui, samul puan leh saihadial puan, leh oliv thau leh zu hong pia uh hi,” a ci zaw lai hi.

Joshua 10:43

Tua ciangin Joshua, amah tawh a om Israel khempeuh tawh Gilgal-a giahphual-ah ciahkik hi.

Joshua 15:15

Tua lai panin Debir sunga teeng mite a sim dingin amah paito hi; Debir pen a ni dangin Kiriath-sefer ahi hi.

Joshua 15:6

a gamgi in Bethhoglah lamah paito a, Beth-arabah leilu lam pangah paisuak hi; tua ciangin a gamgi in Reuben’ tapa Bohan’ Suangpi dongah paito hi;

Joshua 18:17

tua ciangin leilu lam manawhin kawi-in, Enshemesh-ah paisuak a, tua lai panin Adummim kahtohna galkhat, Geliloth-ah pai hi; tua ciangin Reuben’ tapa Bohan’ Suangpi-ah paisuk hi,

Joshua 4:19

Kha masa a nisawm ni-in Jordan panin mite paikhia uh a, Jerikho nisuahna lam gamgi Gilgal-ah giahphual sat uh hi.

Joshua 7:24

Tua ciangin Joshua leh amah tawh a om Israelte khempeuh in Zerah tapa Akhan, leh a ngun leh a puan leh a kham tawn, leh a tanute leh a tapate, leh a bawngtalte leh a late leh a tuute, leh a puanbuk, leh a neih khempeuh la uh hi; amaute in Akhor Kuam ciangah tuate paipih uh hi.

Joshua 7:26

Tua ciangin amaute in tu ni donga a om suang honpi Akhan tungah ciang uh hi; tua ciangin Topa’ heh luatna dai hi. Tua ahih ciangin tu dongin tua mun in Akhor Kuam, kici hi.