Joshua 15:11 - Tedim Bible

¹¹ Ekron leilu lam mual liangko-ah gamgi paikhia a, tua ciangin Shikkeron-ah gamgi kawi kualin, Baalah Mual-ah paisuak a, Jabne-el-ah leng khia hi; tua ciang tuipi-ah gamgi tawp hi.

Tedim Bible Revision 2017

¹¹ Ekron leilu lam mual liangko ah a gamgi paikhia a, tua ciangin Shikkeron ah gamgi kawi kualin, Baalah Mual ah paisuak a, Jabneel ah leng khia-in tuipi ah a gamgi tawp hi.

Joshua 15:11 Iomraidhean Croise

2 KUMPI NIHNATE 1:16

tua ciangin ama kiangah, “Topa in hih bangin ci hi, “Bang hang hiam cih leh nangmah in Ekron pasian, Baalzebub kiangah thu dong dingin kamtaite na sawl khin hi, thu dot ding Israel sungah Pasian om nawn lo ahi hiam?Tua ahih ciangin tu-a na lupna panin nang na thokik nawn kei ding hi; nang na si taktak ding hi,’ ci hi,” a ci hi.

2 KUMPI NIHNATE 1:6

Tua ciangin amaute in ama kiangah, “Kote dawn dingin mi khat hong pai a, kote kiangah, ‘Note hong sawl kumpipa kiangah paikik un la, ama kiangah, Topa in hih bangin ci hi: Ekron pasian, Baalzebub kiangah thu a dong dingin na sawl nadingin Israel sungah Pasian om nawn lo ahi hiam? Tua ahih ciangin tu-a na lupna panin na thokik nawn kei ding hi; na si taktak ding hi,’ ci hi,” a ci uh hi.

2 KHANG TANGTHU NIHNATE 26:6

Amah kuankhia-in Filistiate va sim a, Gath khuapi kulh, Jabneh khuapi kulh leh Ashdod khuapi kulh sucim hi; tua ciangin amah in Ashdod gam sung leh Filistiate gam sung mun dangte ah khuapite lam hi.

Gamlak-vakna 34:6

“Nitumna gamgi dingin Tuipi Lian leh a gei dung teng na nei ding uh hi; hih in nitumna lam na gamgi uh hi ding hi.

Joshua 15:10

tua ciangin Baalah nitumna lam Seir Mual-ah gamgi kual a, tua panin paisuakin Jearim Mual (Khesalon a cihna) liangko leilu lamah pai-in, Bethshemesh-ah paisuk a, Timnah kiangah paisuak hi;

Joshua 15:12

Tua ciangin nitumna gamgi in Tuipi Lian a dung teng ahi hi. Hih in amau’ beh tawh kizui-in Judah mite kiim-ah gamgi ahi hi.

Joshua 15:45

Ekron, a khuapite leh a khua neute tawh ahi hi;

Joshua 15:9

tua ciangin mual dawn panin Neftoah Tuite lui-ah gamgi kikhung a, tua panin Efron Mual khuapite-ah pai hi; tua ciangin Baalah (Kiriath-jearim a cihna) lamah gamgi kawi kual hi;

Thukhente 1:18

Judah in zong Gaza leh a gam, leh Askhelon leh a gam, leh Ekron leh a gamte la hi.

1 SAMUEL MASA 17:52

Tua ciangin Israelte leh Judah mite awngin ding uh a, Gath leh Ekron kulh kongpi ciang dong Filistiate delh uh ahih manin Sha-araim panin Gath leh Ekron ciang dong Filistia mi a liamte lampi-ah puk uh hi.

1 SAMUEL MASA 5:10

Tua ahih ciangin amaute in Pasian’ thuciamna singkuang Ekron-ah puak uh hi. Ahih hangin Pasian’ thuciamna singkuang Ekron a tun’ ciangin Ekron mite kiko uh a, “Kote leh ka mite uh a that dingin amaute in Israelte’ Pasian’ thuciamna singkuang ko kiangah hong paipih uh hi,” a ci uh hi.

1 SAMUEL MASA 5:8

Tua ahih ciangin amaute in mi sawlin Filistia uliante khempeuh khawm uh a, Israelte’ Pasian’ thuciamna singkuang bang cih ding i hi hiam?” a ci uh hi. Amaute in dawngin, “Israelte’ Pasian thuciamna singkuang Gath-ah koihsak ni,” a ci uh hi. Tua ahih ciangin amaute in Israelte’ Pasian’ thuciamna singkuang tua lai-ah paipih uh hi.

1 SAMUEL MASA 7:14

Israelte tung panin Filistiate in a laksa khuapite, Ekron panin Gath ciang kikal sung teng, Israelte tungah kipia kik hi; Israelte in Filistiate khut sung panin a gam uh la kik uh hi. Israelte leh Amor mite kikalah zong kilemna om hi.