Joshua 15:10 - Tedim Bible

¹⁰ tua ciangin Baalah nitumna lam Seir Mual-ah gamgi kual a, tua panin paisuakin Jearim Mual (Khesalon a cihna) liangko leilu lamah pai-in, Bethshemesh-ah paisuk a, Timnah kiangah paisuak hi;

Tedim Bible Revision 2017

¹⁰ Tua ciangin Baalah nitumna lam Seir Mual ah gamgi kual a, tua panin pai suakin Jearim Mual (Khesalon a cihna) liangko leilu lamah pai-in, Beth-shemesh ah pai suk a, Timnah kiangah paisuak hi.

Joshua 15:10 Iomraidhean Croise

2 SAMUEL NIHNA 6:2

Tua ciangin David ding-in kherubte tungah a tu, Vanglianpen Topa’ min tawh a kisam Pasian’ thuciamna singkuang tua mun panin a paipih to dingin amah tawh a om mi khempeuh tawh Baale-judah ah pai hi.

2 KUMPI NIHNATE 14:11

Ahih hangin Amaziah in a thu ngai lo hi. Tua ahih ciangin Israel kumpipa Jehoash paito a, Judahte’ gam Bethshemesh ah amah leh Judah kumpipa Amaziah khat leh khat kimaituahin gal kido uh hi.

2 KHANG TANGTHU NIHNATE 28:18

Tua ciangin Filistiate in Shefelah leh Judahte’ Negeb gam sung khuapite luh uh a, Bethshemesh, Aijalon, Gederoh, Soko a khuaneute tawh, Timnah a khuaneute tawh, leh Gimzo a khuaneute tawh la hi; tua ciangin amaute tua lai munah teeng uh hi.

Joshua 15:11

Ekron leilu lam mual liangko-ah gamgi paikhia a, tua ciangin Shikkeron-ah gamgi kawi kualin, Baalah Mual-ah paisuak a, Jabne-el-ah leng khia hi; tua ciang tuipi-ah gamgi tawp hi.

Joshua 15:57

Kain, Gibeah, leh Timnah: khuapi sawm, a khua neute tawh ahi hi.

Joshua 19:38

Iron, Migdalel, Horem, Beth-anath, leh Bethshemesh—khuapi sawm-le-kua, a khua neute tawh ahi hi.

Joshua 21:16

Ain a lonona gamte tawh, Juttah a lonona gamte tawh, Bethshemesh a lonona gamte tawh hih minam nihte sung panin khuapi kua pia uh hi;

Thukhente 14:1

Samson Timnah-ah paisuk a, Timnah-ah Filistia mi nungak khat mu hi.

Thukhente 14:5

Tua ciangin a nu leh a pa tawh Timnah-ah Samson paisuk a, Timnah leenggui lote-ah amah tung hi. En in, humpinelkai khanglai khat in, amah hawksan hi;

1 SAMUEL MASA 6:9

Tua ciangin en un; ama gam Bethshemesh paina lampi-ah a paitoh leh hih siatna lianpi hong bawlpa in amah hi ding hi; ahih hangin a paitoh kei leh eite hong vat gawppa in amah hi lo hi; eite tungah a piang mawk hi, ci-in i thei ding hi,” a ci uh hi.