Joshua 14:3 - Tedim Bible

³ Bang hang hiam cih leh Moses in Jordan gal khatah minam nih leh a langte tungah gamh pia khin zo hi; ahih hangin amaute lakah Levi mite tungah bangmah pia lo hi.

Tedim Bible Revision 2017

³ Bang hang hiam cih leh Moses in Jordan gal khat ah minam nih le a langte tungah gamh pia khinzo hi. Ahih hangin amaute lakah Levi mite tungah bangmah pia lo hi.

Joshua 14:3 Iomraidhean Croise

Ezekiel 45:1

“Israel minamte tungah piak dingin leitang a kihawm ciangin, Topa tanh dingin seh khat kituam koih ding hi. Tua a kituam koih leitang in a dung tong tul sawmnih leh tul nga hi ding a, a vai tong tul sawmnih hi ding hi. Tua sung khempeuh a siangtho biakna leitang hi ding hi.

Joshua 12:6

Topa’ nasem Moses leh Israel mite in amaute zo uh hi; tua ciangin Topa’ nasem Moses in Reuben mite leh Gad mite leh Manasseh minam a langte tungah a neih dingun amau’ leitang a pia hi.

Joshua 13:14

Levi minamte tung bekah Moses in gamh pia lo hi; ama kiangah a cih mah bangin Israelte’ Topa Pasian tungah a kipia mei tawh kihal biaknate in amau’ gamh ahi hi.

Joshua 13:16

Tua ahih ciangin amau’ gam in Arnon kuam gei-a a om Aroer pan, leh kuam laizang-a om khuapi, leh Medeba kianga mualzang khempeuh,

Joshua 13:17

Heshbon tawh, leh mualzang tunga om a khuapite khempeuh; Dibon, leh Bamothbaal, leh Bethba-almeon,

Joshua 13:8

Reuben mite leh Gad mite in Manasseh minam a lang dang khatte tawh Topa’ nasem Moses in amaute a piak mah bangin, nisuahna lam Jordan gal khatah Moses in amaute a piak gamh ngah khawm uh hi;