Joshua 13:9 - Tedim Bible

⁹ Arnon kuam mong-a om Aroer pan, leh kuam laizang-a om khuapi, leh Dibon ciang dong Medeba mualzang khempeuh;

Tedim Bible Revision 2017

⁹ Arnon kuam mong a om Aroer pan le kuam laizang a om khuapi le Dibon ciang dong Medeba mualzang khempeuh;

Joshua 13:9 Iomraidhean Croise

2 SAMUEL NIHNA 24:5

Amaute in Jordan kantanin kuam laizang-a om khuapi Aroer panin kipanin Gad lam manawh uh a, Jazer-ah paisuak uh hi.

1 KHANG TANGTHU MASATE 19:7

Amaute in leeng galkap tul sawmthum leh tulnih leh Ma-akah gam kumpipa a galkap tawh cial uh a, amaute hong pai-in Medeba khua kiangah phual sat uh hi. Tua ciangin a khuapite uh panin Ammon mite kikhawmin galdo dingin hong kuan uh hi.

Nehemiah 11:25

Khuaneute leh a kiim-a lote tawh kisai-in: Judah mi pawlkhatte’ teenna in, Kiriath-arba leh a khuaneute, Dibon leh a khuaneute, Jekabze-el leh a khuaneute,

Isaiah 15:2

A sangna munte ah a kap dingin Dibon khuamite pai to uh hi; Nebo leh Medeba khuate’ hangin Moab mite nakpi takin kap uh hi. Dahna limin lu khempeuh kimettol a, khamul khempeuh kimetmai hi;

Jeremiah 48:18

“Dibon khua-a teeng mite aw, na minthan’na mun sang panin hong kumsuk un la, leivui lakah hong tu un! Bang hang hiam cih leh Moab gam hong sim dingte hong pai-a na kulhte uh hong suksiatsak zo uh hi.

Jeremiah 48:22

Dibon khua, Nobo khua, Bethdiblathaim khua,

Jeremiah 48:8

Khua khempeuh kisia khin ding a, khat beek a suakta kei ding hi. Topa in ka gen sa bangin, mualkuam leh zangleite a kisia ding uh hi.

Gamlak-vakna 21:30

Tua ahih ciangin amau’ suan leh khakte Heshbon panin Dibon ciang dong si uh a, mei in Medeba ciang dong a bat mateng ka siasak uh hi,” ci-in sa uh hi.

Thu-hilhkikna 2:36

Arnon kuam mong a, a om Aroer leh tua kuam sunga om khuapi Gilead ciang dongah eite adingin khuapi a hat lua khat beek om lo hi; Topa i Pasian in a vekpi-in eite khut sungah hong pia hi.

Thu-hilhkikna 3:12

“Tua huna hih leitang i luah ciangin, Reuben mite leh Gad mite tungah Arnon kuam mong-a om Aroer pan leh Gilead mualtung gam kimkhat a khuapite tawh ka pia hi.

Thu-hilhkikna 3:16

Reuben mite leh Gad mite tungah Gilead panin Arnon kuam dong, gamgi dingin a kuam laita, Ammon mite’ gamgi ahi Jabbok gun dong tawh ka pia hi;

Joshua 12:2

Heshbon-ah a teeng Amor kumpi, Arnon kuam gei-a a om Aroer pan, leh Gilead gam laizang panin phel lang ahi Ammon mite gamgi Jabbok gun ciang dong, leh Arabah panin, nisuahna lamah Khinneroth Tuipi, leh Bethjeshimoth lamah Pisgah mual pang bul leitaw lama om Ci Tuipi ahi Arabah tuipi ciang dong a uk Sihon;

Joshua 13:10

leh Ammon mite gamgi ciang dong Heshbon ah a uk Amor kumpi Sihon’ khuapi khempeuh;

Joshua 13:16

Tua ahih ciangin amau’ gam in Arnon kuam gei-a a om Aroer pan, leh kuam laizang-a om khuapi, leh Medeba kianga mualzang khempeuh,

Joshua 13:8

Reuben mite leh Gad mite in Manasseh minam a lang dang khatte tawh Topa’ nasem Moses in amaute a piak mah bangin, nisuahna lam Jordan gal khatah Moses in amaute a piak gamh ngah khawm uh hi;