Joshua 13:6 - Tedim Bible

⁶ Lebanon leh Mishrefoth-maim kikal-a teeng Sidon mite khempeuh ahi hi. Kei mahmah in Israel mite mai panin amaute ka hawlkhia ding hi; nang kong thupiaksa bangin Israel mite tungah a luah dingin leitang hawm in.

Tedim Bible Revision 2017

⁶ Lebanon le Misrefoth-maim kikalah a teeng Sidon mite khempeuh ahi hi. Kei mahmah in Israel miteʼ mai panin amaute ka hawl khia dinga, nang kong thupiak sa bangin Israel mite tungah a luah dingun leitang hawm in.

Joshua 13:6 Iomraidhean Croise

Late 80:8

Nangmah in, Izipt panin leenggui khat na la a, minamte hawlkhia-in, tua leenggui na suan hi.

Gamlak-vakna 33:54

Note in na minam uh tawh kizui-in aisaanna tawh leitang na luah ding uh hi; minam tamte tungah luahna a tam na pia ding a, minam tawmte tungah luahna a tawm na pia ding hi; mi khatpeuh ading ai a phatna peuhpeuh ama’ aa hi ding hi; na pate uh nam tawh kizui-in na luah ding uh hi.

Joshua 1:6

Thahat in la hang in; bang hang hiam cih leh amaute piak dingin a pate uh tungah ka ciam leitang hih mite na luahsak ding hi.

Joshua 11:12

Topa’ nasem Moses in a thu piaksa bangin Joshua in tua kumpite’ khuapite, leh a kumpite khempeuh la-in namsau tawh amaute vatin amaute susia mang hi.

Joshua 11:8

Topa in Israelte khut sungah amaute pia a, amaute in vat gawpin a Lian Sidon leh Misrefothmaim ciang dong, leh nisuahna lamah Mizpah kuam ciang dong delh uh hi; amaute kuamah a om nawn lo dongin vatgawp uh hi.

Joshua 13:7

Tua ahih ciangin tu-in minam kua leh Manasseh minam a langte tungah luah dingin hih leitang hawm in,” a ci hi.

Joshua 23:13

Topa na Pasian un note mai-ah hih minamte hawl khia nawn lo ding hi, ci-in tel takin thei un; Topa na Pasian un note hong piak hih leitang hoih panin na sih khit matengun amaute in note’ adingin thangzak leh tehlop, na pang uh a hong sat, na mit sung uh-a ling hi ding uh hi.

Joshua 23:4

En un, Jordan panin nitumna lam-a Tuipi Lian dong, a om lai minamte pen ka phiat khiatsa minamte tawh na minamte uh gamh dingin note tungah kong pia khin hi.

Joshua 23:5

Topa na Pasian un note mai-ah amaute lehnawt ding a, note’ muhna panin hawlkhia ding hi; Topa na Pasian un note tungah hong ciam bangin amau’ gam na luah ding uh hi.