Joshua 13:33 - Tedim Bible

³³ Ahih hangin Levi minamte tungah Moses in gamh pia lo hi; Israelte’ Topa Pasian in amaute kiangah a cih mah bangin amah in amau’ gamh ahi hi.

Tedim Bible Revision 2017

³³ Ahih hangin Levi minamte tungah Moses in gamh pia lo hi. Israel-teʼ Topa Pasian in amaute kiangah a gen sa mah bangin amah pen amauʼ gamh ahi hi.

Joshua 13:33 Iomraidhean Croise

Ezekiel 44:28

“Israel mite tungah ka piak, khang khat pan khang khatah a kiluah suksuk ding sung panin siampite’ tanh in siampi nasepna za ahi hi. Amaute in Israel mite lakah neihsa gamh nei lo ding uh hi. Amaute’ kisapna khempeuh ah kei a kicing khin ka hi hi.

Gamlak-vakna 18:20

Topa in Aaron kiangah, “Nang in amau’ gam sungah gamhluah na nei kei ding a, amaute lakah tanh zong na nei kei ding hi; keimah in Israel mite lakah nangma tanh leh nangma luah ka hi hi.

Thu-hilhkikna 10:9

Tua ahih ciangin a sanggamte uh bangin Levi mite in tanh ahi a, luah ahi zongin nei lo uh hi. Topa na Pasian un amau kiangah a gen bangin Topa in amau luah ahi hi.)

Joshua 13:14

Levi minamte tung bekah Moses in gamh pia lo hi; ama kiangah a cih mah bangin Israelte’ Topa Pasian tungah a kipia mei tawh kihal biaknate in amau’ gamh ahi hi.

Joshua 13:32

Hihte in Jerikho nisuahna lam Jordan gal khat; Moab zanglei-ah Moses in a hawm gamhte ahi hi.

Joshua 18:7

Levi mite in note lakah tanh nei lo hi; bang hang hiam cih leh Topa’ siampi nasepna in amau’ luah ahi hi; Gad leh Reuben leh Manasseh minam a langte in Topa’ nasem Moses in amaute tungah a piak ahi, Jordan Nisuahna lam gal khatah amau’ gamh ngah khin zo uh hi,” a ci hi.