Joshua 13:13 - Tedim Bible

¹³ Ahi zongin Israel mite in Geshur mite ahi a, Ma-akath mite ahi zongin hawlkhia lo uh hi; tu ni dongin Geshur mite leh Ma-akath mite Israelte lakah teeng uh hi.

Tedim Bible Revision 2017

¹³ Ahi zongin Israel mite in Geshur mite ahi a, Maakath mite ahi zongin hawl khia lo uh a, tu ni dongin Geshur mite le Maakath mite Israel-te lakah a teeng uh hi.

Joshua 13:13 Iomraidhean Croise

Piancilna 35:22

Tua gamah Israel a ten’ lai takin Reuben in a pa’ zi-neu Bilhah luppih hi; Israel in tua thu za hi. Tu-in Jakob’ tapate in sawm-le-nih ahi hi.

2 SAMUEL NIHNA 10:6

Ammon mite in amaute David’ huat mi a suah khitna uh a muh uh ciangin Ammon mite in mi sawlin Bethrehob-a Siria mite, leh Zobah-a Siria mite, khe galkap tul sawmnih, leh Ma-akah kumpipa, mi tulkhat tawh, Tob mite mi tulsawm leh tulnih cial uh hi.

2 SAMUEL NIHNA 3:3

a ta nihna in Karmel khuami Nabal’ zi meigongnu Abigail tawh a neih Khileab ahi hi; a thumna in Geshur kumpipa Talmai’ tanu Ma-akah’ tapa Absalom ahi hi.

Gamlak-vakna 33:55

Ahih hangin note’ mai panin tua gam sunga teeng mite na hawlkhiat kei uh leh, na om sak laite uh note tungah na mittang uhah hong do, na pang uhah a hong sun lingte hong hi ding uh a, na ten’na gam uhah note hong gimsak ding uh hi.

Thu-hilhkikna 3:14

Manasseh mi Jair in Bashan kici Argob gam khempeuh, Geshur mite leh Ma-akath mite’ gamgi dong la a, tua sunga khua neu minte ama min tam sakin tuni donga a kip Havvoth-jair phuak hi.)

Joshua 13:11

leh Gilead, leh Geshur mite leh Ma-akath mite gam, leh Hermon Mual khempeuh, leh Salekah dong Bashan gam khempeuh;

Joshua 13:12

Ashtaroth leh Edrei- ah a uk Bashan gam sunga Og kumpi gam khempeuh (Refaim-a a suaktate lakah amah bek om hi); Moses in hihte zo-in hawlkhia hi.

Joshua 13:14

Levi minamte tung bekah Moses in gamh pia lo hi; ama kiangah a cih mah bangin Israelte’ Topa Pasian tungah a kipia mei tawh kihal biaknate in amau’ gamh ahi hi.

1 SAMUEL MASA 27:8

Tu-in David leh a mite paito-in, Geshur mite, Girzi mite, leh Amalek mite va sim uh hi; bang hang hiam cih leh hih mite in Izipt gam lam Shur ciang dongah tang lai-a kipanin a teeng mite ahi uh hi.