Joshua 12:7 - Tedim Bible

^7-8 Hihte in, Joshua leh Israel mite in a zawh Jordan nitumna lam pang, Lebanon kuam sung Baalgad panin Seir lamah a kikhung to Jakah Mual kikala om tua gam kumpite ahi hi (Joshua in mualtung gam, lei niamna gam, Arabah gam, mual pang suk, gamlak, leh Negeb gam sunga om Hit mite, Amor mite, Kanaan mite, Perez mite, Hiv mite, leh Jebus mite, leitangte Israel minamte tungah amau' ngah ding tawh kizui-in a neih dingun pia hi);

Tedim Bible Revision 2017

^7-8 Hihte pen, Joshua le Israel mite in a zawh Jordan nitumna lam pang, Lebanon kuam sung Baalgad panin Seir lamah a kikhung to Halak Mual kikal a om kumpite ahi hi. (Joshua in mual tung gam, lei niamna gam, Arabah gam, mual pang suk, sehnel gam le Negeb gam sunga om Hit mite, Amor mite, Kanaan mite, Perez mite, Hiv mite le Jebus miteʼ leitangte Israel minamteʼ tungah amauʼ ngah ding tawh kizui-in a neih dingun a pia hi.)

Joshua 12:7 Iomraidhean Croise

Piancilna 14:6

leh amau’ gam Seir Mual tunga Hori mite sehnel gamgei a, om El-paran dong hong zo uh hi;

Piancilna 32:3

Jakob in Edom gam, Seir leitangah a om a sanggampa Esau' kiangah kamtaite ma sawl a,

Piancilna 36:20

Tua gam-a teng Hori mi Seir’ tapate in: Lotan, Shobal, Zibeon, Anah,

Piancilna 36:30

Dishon, Ezer, leh Dishan ahi uh hi; hihte in Seir gamsungah amau’ beh ciatin Hori mite’ sung pan ukpite ahi uh hi.

Piancilna 36:8

Tua ahih ciangin Seir mual tung gamah Esau teng hi; Esau in Edom ahi hi.

Late 135:11

Amor kumpipa Sihon, Bashan kumpipa Og leh Kanaan kumpipa that hi.

Thu-hilhkikna 2:1

“Tua ciangin Topa in kei tungah hong gen bangin, eite kihei-in San Tuipi lam manawh-in gamlakah i pai hi; ni tampi sung Seir Mual tungah i pai kawikawi hi.

Thu-hilhkikna 2:4

Mite hih bangin thupia in: Seir gamah a teeng Esau’ suan leh khak, na behte uh’ gam sung a nawk ding na hi uh hi; amaute in note hong kihta ding uh hi. Tua ahih ciangin kidawm un;

Joshua 11:17

Seir lamah a kikhung to Halak Mual panin Hermon Mual nuai Lebanon kuam a om Baalgad ciang dong la hi. Amah in amau’ kumpite khempeuh la-in amaute vatgawpin that hi.

Joshua 11:23

Topa in Moses tungah a gensa bangin Joshua in leitang khempeuh la hi; tua ciangin Joshua in amau minam tawh kizui-in a ngah ding bangin Israel mite tungah gamh-in pia hi. Tua-a kipan galdona panin tua gam tawlnga hi.

Joshua 3:17

Israelte khempeuh leikeu tungah a galkah sung, minam bup in Jordan a khen’ khit mateng, Topa thuciamna singkuang a pua siampite Jordan gun laizang leikeu tungah ding uh hi.

Joshua 9:1

Jordan gal khat-a om mualtung gam leh lei niamna gam Lebanon lam Tuipi Lian dung khempeuhah a om kumpite, Hit mite, Amor mite, Kanaan mite, Perez mite, Hiv mite, leh Jebus mite in hih thu a zak uh ciangin,