Joshua 12:6 - Tedim Bible

⁶ Topa’ nasem Moses leh Israel mite in amaute zo uh hi; tua ciangin Topa’ nasem Moses in Reuben mite leh Gad mite leh Manasseh minam a langte tungah a neih dingun amau’ leitang a pia hi.

Tedim Bible Revision 2017

⁶ Topaʼ nasem Moses le Israel mite in amau tegel a zo uh hi. Tua ciangin Topaʼ nasem Moses in Reuben mite, Gad mite le Manasseh minam a langte tungah a neih dingun amauʼ leitang a pia hi.

Joshua 12:6 Iomraidhean Croise

1 KUMPI MASATE 4:19

Amor mite kumpi Sihon leh Bashan kumpi Og gam ahi Gilead gam sungah Uri’ tapa Geber ahi hi. Tua ciangin hih sawm-le-nihte banah Judah gam sungah ulian khat om lai hi.

Gamlak-vakna 32:29

Moses in amaute tungah, “Gad minamte leh Reuben minamte ahi, Topa mai-ah galdo dingin hiam a tawi khempeuh in note tawh Jordan kantanin note mai-ah tua gam a kizawh leh, Gilead gam a neih dingun amaute tungah na pia ding uh hi;

Gamlak-vakna 32:32

Hiam tawi-in Topa mai-ah Kanaan gam sungah ka pai ding uh a, kote’ luah ahi ka neihsa uh Jordan gal khatah kote’ aa mahin na kip ding hi,” a ci uh hi.

Gamlak-vakna 32:33

Moses in Gad minamte leh Reuben minamte leh Josef tapa Manasseh minam a langte tungah, Amor kumpi Sihon’ gam leh Bashan kumpi ahi Og’ gam, a leitang leh a khuapite a gam sung tawh, a gam sunga leitang tunga om khuapi khempeuh pia hi.

Joshua 14:3

Bang hang hiam cih leh Moses in Jordan gal khatah minam nih leh a langte tungah gamh pia khin zo hi; ahih hangin amaute lakah Levi mite tungah bangmah pia lo hi.

Joshua 18:7

Levi mite in note lakah tanh nei lo hi; bang hang hiam cih leh Topa’ siampi nasepna in amau’ luah ahi hi; Gad leh Reuben leh Manasseh minam a langte in Topa’ nasem Moses in amaute tungah a piak ahi, Jordan Nisuahna lam gal khatah amau’ gamh ngah khin zo uh hi,” a ci hi.

Joshua 22:4

Tu-in Topa na Pasian un amaute tungah a ciamsa bangin na sanggamte tungah tawlngakna pia hi; tua ahih ciangin Topa’ nasem Moses in note hong piak Jordan galkhat, note’ neihsa a omna leitang na inn uh ah note kihei-in pai un.