Joshua 11:23 - Tedim Bible

²³ Topa in Moses tungah a gensa bangin Joshua in leitang khempeuh la hi; tua ciangin Joshua in amau minam tawh kizui-in a ngah ding bangin Israel mite tungah gamh-in pia hi. Tua-a kipan galdona panin tua gam tawlnga hi.

Tedim Bible Revision 2017

²³ Topa in Moses tungah a gen sa bangin Joshua in leitang khempeuh a la hi. Tua ciangin Joshua in amau minam tawh kizui-in a ngah ding bangin Israel mite tungah gamh-in a pia hi. Tua hun a kipan galdona panin tua gam a tawlnga hi.

Joshua 11:23 Iomraidhean Croise

Nehemiah 9:24

A suan a khakte uh tua gamah lutin a lak uh ciangin, amau’ mai-ah tua gam-a teeng Kanaan mite na nuaisiah a, a ut bang bangun a bawl dingun a kumpite leh a mite amau’ khut sungah na pia hi.

Late 46:9

Amah in leimong dong ah gal beisak hi; amah in thalpi kuaitanin, teipi susia a, leengte mei tawh haltum hi.

Paikhiatna 34:11

“Tu ni-a nang kong thupiak zui in. En in, na mai-ah Amor mite, Kanaan mite, Hit mite, Perez mite, Hiv mite leh Jebus mite ka hawlkhia ding hi.

Ezekiel 45:8

Hih mun teng pen Israel gamsung panin a uk uliante’ neih hi ding hi. Tua ahih manin amaute in Israel mite bawlsia nawn lo ding uh a, mun a om lai teng khempeuh, a minam zui-in Israel minamte tangsak ding uh hi.

Thu-hilhkikna 1:38

Nun’ tapa Joshua, nangma mai-ah a dingpa lut ding hi; amah hanthawn in, bang hang hiam cih leh amah in Israel mite mapi-in tua gam luahsak ding hi.

Thu-hilhkikna 25:19

Tua ahih ciangin Topa note Pasian in note’ neih dingin luahin hong piak leitang tungah, Topa na Pasian un na kiim uh a, na galte khempeuh panun tawlngakna hong piak ciangin, vantung nuai panin Amalek mite a kiphawkna na phiatkhia ding uh na mangngilh kei ding uh hi.

Joshua 11:18

Hih kumpite khempeuh tawh sauveipi sung Joshua kido hi.

Joshua 12:7

Hihte in, Joshua leh Israel mite in a zawh Jordan nitumna lam pang, Lebanon kuam sung Baalgad panin Seir lamah a kikhung to Jakah Mual kikala om tua gam kumpite ahi hi (Joshua in mualtung gam, lei niamna gam, Arabah gam, mual pang suk, gamlak, leh Negeb gam sunga om Hit mite, Amor mite, Kanaan mite, Perez mite, Hiv mite, leh Jebus mite, leitangte Israel minamte tungah amau' ngah ding tawh kizui-in a neih dingun pia hi);

Joshua 18:10

Joshua in amaute’ adingin Topa mai Shiloh-ah aai saan sak hi; tua ciangin Joshua in amau’ tanh ding ciat Israelte tungah leitang pia hi.

Joshua 22:4

Tu-in Topa na Pasian un amaute tungah a ciamsa bangin na sanggamte tungah tawlngakna pia hi; tua ahih ciangin Topa’ nasem Moses in note hong piak Jordan galkhat, note’ neihsa a omna leitang na inn uh ah note kihei-in pai un.

Joshua 23:1

Topa in amau’ kim-a om gal khempeuh panin Israel mite tawlngakna a piak khit a sawtpi ciangin Joshua teekin a kum tampi pha hi.