Joshua 11:22 - Tedim Bible

²² Israel mite’ leitangah Anak mite khat zong om nawn lo hi; Gaza, Gath, leh Ashdod sung bekah pawlkhat om lai hi.

Tedim Bible Revision 2017

²² Israel miteʼ leitang ah Anak mite khat zong om nawn lo a, Gaza, Gath le Ashdod sung bekah pawl khat om lai hi.

Joshua 11:22 Iomraidhean Croise

1 KUMPI MASATE 2:39

Ahih hangin kum thum a cin’ ciangin Gath kumpipa Ma-akah’ tapa Akhish kiangah Shimei’ silate nih va tai uh hi. Shimei kiangah, “En in, na silate Gath-ah om hi,” ci-in a kigen ciangin

1 KHANG TANGTHU MASATE 18:1

Hih thu khit ciangin David in Filistiate zoin nuaisiah a, Filistiate’ khut sung panin Gath leh a khuaneute la hi.

1 KHANG TANGTHU MASATE 8:13

leh Beriah leh Shema (Gath a, teengte a taisak Aijalon a, a teeng beh lutangte);

2 KHANG TANGTHU NIHNATE 26:6

Amah kuankhia-in Filistiate va sim a, Gath khuapi kulh, Jabneh khuapi kulh leh Ashdod khuapi kulh sucim hi; tua ciangin amah in Ashdod gam sung leh Filistiate gam sung mun dangte ah khuapite lam hi.

Isaiah 20:1

Assiria kumpipa Sargon in a sawl galkap mang lian penpa in Filistia khuapi Ashdod-ah pai-in, tua khua va do hi.

Sawltak 8:40

Ahih hangin Filip Azotas khua-ah kimu hi. Tua khua panin Kaisaria khua dongin khua khempeuh ah pai kawikawi-in Lungdamna Thu a hilh hi.

Thu-hilhkikna 2:23

Gaza ciang dong khua neute-ah a teeng Avvim mite ahih leh Kaftor pana hong pai Kaftor mite in susia in amau’ munah teeng uh hi.)

Joshua 10:41

Joshua in amaute Kadesh-barnea panin Gaza ciang dong, leh Goshen gam khempeuh Gibeon ciang dong zo gawp hi.

Joshua 15:14

Tua lai panin Kaleb in Anak’ tapa thumte Sheshai leh Ahiman leh Talmai, Anak suan-le-khakte hawl khia hi.

Joshua 15:46

Ekron panin tuipi dong, Ashdod lam pang-a omte khempeuh a khua neute tawh ahi hi.

Joshua 15:47

Ashdod, a khuapite leh a khua neute tawh ahi hi; Gaza, a khuapite leh a khua neute tawh ahi hi; Izipt lui leh tuipi lian a gei ciang dong tawh ahi hi.

Thukhente 1:18

Judah in zong Gaza leh a gam, leh Askhelon leh a gam, leh Ekron leh a gamte la hi.

Thukhente 3:3

Tua minamte in: Filistia mi ulian ngate, Kanaan mi khempeuh, Sidon mite, leh Baalhermon Mual panin Hamath lutna ciang dong Lebanon Mual tungah a teeng Hiv mite ahi hi.

1 SAMUEL MASA 17:4

Filistiate giahphual panin Gath khuami Goliath a kici a makai, a tun’ pi kua val a sang mi khat hong paikhia hi.

1 SAMUEL MASA 5:1

Filistiate in Pasian’ thuciamna singkuang a mat uh ciangin Ebenezer panin Ashdod-ah pua uh hi,