Joshua 11:20 - Tedim Bible

²⁰ Bang hang hiam cih leh Topa in Moses a thupiakna bangin amaute a kisuksiat mang nading leh hehpihna ngah loin a kibeisak theih nadingin Israelte a do nadingin a lungsim uh khauhsak ding Topa’ bawl ahi hi.

Tedim Bible Revision 2017

²⁰ Bang hang hiam cih leh Topa in Moses a thupiakna bangin amaute a kisuksiat mang nading le hehpihna ngah loin a kibeisak theih nadingin Israel-te a do nadingin a lungsim uh a khauhsak pa pen Topa ahi hi.

Joshua 11:20 Iomraidhean Croise

2 SAMUEL NIHNA 17:14

Tua ciangin Absalom leh Israel mite khempeuh in, “Arkhi mi Hushai’ thugen in Ahithofel’ thugen sangin hoihzaw hi,” a ci uh hi. Bang hang hiam cih leh Topa in Absalom tungah siatna a tun’sak theih nadingin Ahithofel’ thugen hoih tawh a zawh ding Topa in a sehsa ahi hi.

1 KUMPI MASATE 12:15

Tua ahih ciangin kumpipa in mite’ thu ngai lo hi, bang hang hiam cih leh Topa in Shiloni mi Ahijah tung tawnin Nebat’ tapa Jeroboam tungah a gensa thu a tun’sak nadingin Topa in a pian’sak thu kiheina ahi hi.

2 KHANG TANGTHU NIHNATE 22:7

Ahih hangin Jehoram kiangah hawh dingin a paina tawh Ahaziah’ puk nading a tun’ nading Pasian’ sehsa a hi hi. Bang hang hiam cih leh tua lai-ah amah hong pai ciangin, Ahab innkuan a susia dingin Topa in sathau a nilhsa Nimshi’ tapa Jehu tawh a kimu dingin Jehoram tawh paikhia hi.

2 KHANG TANGTHU NIHNATE 25:16

Ahih hangin amah in thu a gen lai takin kumpipa in ama kiangah, “Kumpi tungah ngaihsutna a pia dingin nang hong koih ka hi uh hiam? Khawl in! Bang hangin nang hong kithat ding ahi hiam?” a ci hi. Tua ahih ciangin kamsangpa khawl a, ahih hangin, “Nangmah in hih bang gamta-in ka thugenna ngai lo na hih manin Pasian in nang hong suksiat ding a lungsim a khentatna ka thei hi,” a ci hi.

Paikhiatna 10:1

Tua ciangin Topa in Moses' tungah, “Faro kiangah pai in; bang hang hiam cih leh amaute' lakah hih keima' limte ka lah theih nading leh keimah in Izipt mite gaamtak a, ka bawlna leh amaute' lakah bang limte bawl khin cihna thu na tate leh na tute’ zakna-ah na gen theih nading leh; keimah in Topa ka hihna na theih nadingin ama' lungsim leh a nasemte’ lungsim ka khauhsak hi,” ci hi.

Paikhiatna 11:10

Moses leh Aaron in hih nalamdangte khempeuh Faro’ mai-ah bawl uh hi; Topa in Faro’ lungsim khauhsak a, amah in Israel mite a leitang panin paikhiasak lo hi.

Paikhiatna 14:17

Amau’ nungah amaute hong pai-in, keimah in Faro leh a mi honpite khempeuh, a leengte, a sakol tuangte ka zawhna hangin minthan’na ka ngah nading hi. Keimah in Izipt mite’ lungsim ka khauhsak ding a, amaute in hong nungdelh ding uh hi.

Paikhiatna 14:4

Keimah in Faro’ lungsim khauhsakin, amah in amaute delh ding a, Faro leh a mi honpite khempeuh ka zawhna hangin minthan’na ka ngah ding hi; keimah in Topa ka hihna thu Izipt mite in thei ding uh hi,” a ci hi. Amaute tua mah bangin gamta uh hi.

Paikhiatna 14:8

Topa in Izipt kumpipa Faro’ lungsim khauhsak a, amaute kithamuanna tawh a paikhiat laitakun amah in Israel mite delh hi.

Paikhiatna 4:21

Topa in Moses' kiangah, “'Izipt-ah na ciahkik ciangin, nangma' hih theih dingin vangliatna kong piaksa nalamdangte khempeuh Faro’ mai-ah na hih ding thei in; ahih hangin keimah in ama' lungsim ka khauhsak ding a, amah in mite paisak lo ding hi.

Paikhiatna 9:12

Ahih hangin Topa in Faro’ lungsim khauhsak a, Topa in Moses' tunga a gensa bangin amah in amaute’ thu ngai lo hi.

Paikhiatna 9:16

ahih hangin leitung khempeuhah keima' min a kipulak theih nadingin nang' tungah ka vangliatna lah ding deihna-in nang kong nungtasak hi.

Isaiah 14:24

Vanglianpen Topa kiciam khin a: “Ka geelsa bangin piang ding a, ka ngimsa bangin kip ding hi,

Isaiah 34:2

Bang hang hiam cih leh minamte khempeuh tungah Topa lungham-in, amaute khempeuh tungah heh mahmah a, a siamang dingin amaute koih-in, thah dingin pia khin ta hi.

ROM (Romans) 9:18

Tua mah bangin a hehpih nopte a hehpih hi, a lungkhauhsak nopte a lungkhauhsak hi.

Thu-hilhkikna 2:30

Ahih hangin Heshbon kumpipa Sihon in eite hong paisak lo hi; bang hang hiam cih leh tu huna mah bangin na khut sung uhah amah hong piak theih nadingin Topa a Pasian un a lungsim khauh sakin, amah paupeng sak hi.

Thu-hilhkikna 7:16

Topa na Pasian un no tungah hong piak mi khempeuh na beisak ding uh a, amaute na khasiat kei ding uh hi; note’ adingin thangzak hi ding ahih manin amau’ pasiante’ na zong na sem kei ding uh hi.

Thukhente 14:4

A nu leh a pa in hih thu pen Topa kiang pan ahih lam thei lo hi; bang hang hiam cih leh amah in Filistia mite tungah paulap a zong ahi hi. Tua hun lai takin Filistia mite in Israelte uk hi.

1 SAMUEL MASA 2:25

Mi khat in mi dang khat tungah a khialh leh ama adingin Pasian in pa-lai sem ding hi; ahih hangin mi khat Topa tungah khial leh ama adingin kua in va thuumsak ding ahi hiam?” a ci hi. Ahih hangin amaute in a pa’ thu ngai lo uh hi; bang hang hiam cih leh tua in amaute a thah nadingin Topa deihna ahi hi.