Joshua 11:12 - Tedim Bible

¹² Topa’ nasem Moses in a thu piaksa bangin Joshua in tua kumpite’ khuapite, leh a kumpite khempeuh la-in namsau tawh amaute vatin amaute susia mang hi.

Tedim Bible Revision 2017

¹² Topaʼ nasem Moses in a thupiak sa bangin Joshua in tua kumpiteʼ khuapite le a kumpi khempeuh la-in namsau tawh amaute vatin that mangkhin hi.

Joshua 11:12 Iomraidhean Croise

Thu-hilhkikna 7:2

Topa na Pasian un note tungah amaute hong pia-in, note in amaute na zawh uh ciangin, note in amaute na susia mang ding uh hi; amaute tawh thuciamna na bawl kei ding uh a, amaute tungah hehpihna na lak kei ding uh hi.

Thu-hilhkikna 9:3

Tua ahih ciangin, a kangtum thei mei bangin note mai-ah a paipa in Topa na Pasian uh ahihna tu ni-in thei un; amah in note mai-ah amaute susia-in, amaute zo ding hi; tua ahih ciangin Topa in note tungah hong ciamsa bangin amaute hawlkhia-in manlangin na siamang sak ding uh hi.

Joshua 10:20

Joshua leh Israel mite in amaute a bei siang dongin tampi tak a thah khit ciang, leh a suakta lai mite amau’ khuapi muanhuai sungah a tum khit uh ciangin,

Joshua 10:28

Tua ni-in Joshua in Makkedah khua la a, namsau tawh tua khua leh a kumpipa vatgawp hi; a sunga om mi khempeuh susia mangin, kuamah siit lo hi; Jerikho kumpipa tungah a bawl bangin Makkedah kumpipa tungah a bawl hi.

Joshua 10:30

Topa in tua khua leh a kumpipa zong Israel mite’ khut sungah pia hi; amah in namsau tawh tua khua leh a sunga om mi khempeuh vatgawp hi; tua khua sungah kuamah siit lo hi; Jerikho kumpipa tungah a bawl bangin a kumpipa tungah bawl hi.

Joshua 10:32

Topa in Israel mite khut sungah Lakhish pia a, amah in a ni nih ni-in la-in, Libnah a bawl bangin tua khua leh a sunga om mi khempeuh namsau tawh vatgawp hi.

Joshua 10:35

tua ni mahin tua khua la uh a, namsau tawh vatgawp uh hi; Lakhish a hih mah bangin tua khua sunga om mi khempeuh tua ni-in amah in susia mang hi.

Joshua 10:37

la-in, namsau tawh tua khua leh a kumpi leh a kiima khuapite, leh a sunga om khempeuh vatgawp hi; Eglon tungah a bawl bangin amah in kuamah siit lo a, tua khua leh a sunga om khempeuh susia mang hi.

Joshua 11:13

Ahih hangin Hazor khua longal mualtunga om khuapite khat zong Israel mite in hal lo uh hi; Joshua in tua khua hal hi.

Joshua 11:15

Topa in ama nasem Moses a thu piak bangin Moses in zong Joshua thu pia a, Joshua zong tua mah bangin gamta hi; Topa in Moses a thu piaksate khempeuh a hih loh om lo hi.

Joshua 13:6

Lebanon leh Mishrefoth-maim kikal-a teeng Sidon mite khempeuh ahi hi. Kei mahmah in Israel mite mai panin amaute ka hawlkhia ding hi; nang kong thupiaksa bangin Israel mite tungah a luah dingin leitang hawm in.

Joshua 21:44

Tua ciangin a pu a pate uh tungah a ciamsa bangin Topa in amaute tungah na khempeuhah tawlngakna pia hi; Topa in a galte khempeuh uh amau khut sungah pia ahih manin a galte uh khatbeek in zong amaute nang zo lo hi.

Joshua 8:8

Khuapi na lak khit uh ciangin Topa’ hong sawlsa bangin hihin mei tawh khuapi na hal ding uh hi; thei un, note thu kong pia khin hi,” a ci hi.

Joshua 9:24

Amaute in Joshua dawngin, “Bang hang hiam cih leh gam khempeuh nang tungah a hong piak nading Topa na Pasian in a nasempa Moses a thupiakna leh na mai panin gam sunga teeng mi khempeuh suksiat taktak nading thu na nasemte kiangah hong kigen hi; tua ahih ciangin note hangin ka nuntakna uh nakpi takin ka lung himawh uh a, hih bangin ka gamta uh hi.