Joshua 10:4 - Tedim Bible

⁴ “Kei kiangah hong pai un, hong huh un la, Gibeon vat gawp ni; bang hang hiam cih leh Joshua leh Israel mite tawh kilemna bawl khin uh hi,” a ci hi.

Tedim Bible Revision 2017

⁴ “Kei kiangah hong pai un. Hong huh unla, Gibeon vat gawp ni. Bang hang hiam cih leh Joshua le Israel mite tawh kilemna na bawl khin uh hi,” a ci hi.

Joshua 10:4 Iomraidhean Croise

Mattiu 16:24

Tua ciangin Zeisu in, “Mi khatpeuh in kei hong zuih nop leh, a pumpi nial a, ama singlamteh pua-in hong zui ta hen.

Johan 15:19

Note in leitung mite tawh na kipawl uh leh, leitung mite in amau mipawl note hong it ding uh hi. Ahih hangin leitung mite lak pan note kong teelkhia hi; leitung mite tawh na kipawl kei uh a, tua ahih ciangin leitung mite in no hong mudah uh hi.

Sawltak 21:28

mi honpite hansuahin, “Israel mite aw, hong huh un! Hih pa in ei mi pawlte ahi zongin, Thukhamna ahi zongin, hih mun ahi zongin, a kituak loin bawl a, mun khempeuh ah mi vekpi kiangah thu a hilh hi. Tua tham loin Grik mite biakna innpi sungah lut sakin, hih mun siangtho a nin sak hi,” ci-in a man uh hi.

2 TIMOTI NIHNA 3:12

Ahi hi. Khazih Zeisu sungah kipin a nungta nuam mi khempeuhte in zong bawlsiatna a thuak ding uh hi.

Jeim 4:4

Apangtatte aw, leitung tawh kipawlna in Pasian tawh kilem lohna ahih lam thei lo na hi uh hiam? Tua ahih leh, leitung tawh a kipawl mi peuhmah in Pasian’ gal a suak hi.

Joshua 10:1

Joshua in Ai a lakna zia, leh Jerikho leh a kumpipa tungah a bawl bangin Ai leh a kumpipa tungah a bawlna, leh Gibeon khua sunga teeng mite in Israel tawh kilemna a bawlna leh amaute lakah a omna thu Jerusalem kumpipa Adonizedek in a zak ciangin,

Joshua 10:5

Tua ciangin Amor kumpi ngate, Jerusalem kumpi, Hebron kumpi, Jarmuth kumpi, Lakhish kumpi, leh Eglon kumpite in a galkapte khempeuh uh gawmin a galkapte khempeuh uh tawh paito-in Gibeon lang khatah phual satin do uh hi.

Joshua 9:15

Tua ciangin Joshua in amaute tawh kilemna bawlin, amaute a hin’sak nading thuciamna bawl uh hi; tua ciangin mi honte’ makaite amau’ tungah kiciam uh hi.

1 PETER MASA 4:4

Tua hihnate-ah note in amaute tawh kipawlin noptatna-ah kihhuaina na bawl lohna uh amaute in lamdangsa-in hong ko thei uh hi.

Mangmuhna 16:14

Amaute in nalamdangte lakin Vanglianpen Pasian’ ni lianpi-ah galdo-in leitung khempeuh pan kumpite kikhawmsak dingun a paikhia dawigilo’ khate ahi uh hi.