Joshua 10:29 - Tedim Bible

²⁹ Tua ciangin Joshua, amah tawh a om Israelte khempeuh tawh Makkedah panin Libnah-ah paisuak uh a, Libnah khua sim uh hi;

Tedim Bible Revision 2017

²⁹ Tua ciangin Joshua, amah tawh a om Israel-te khempeuh tawh Makkedah panin Libnah ah paisuak uh a, Libnah khua a sim uh hi.

Joshua 10:29 Iomraidhean Croise

2 KUMPI NIHNATE 19:8

Assiria kumpipa in Lakhish nusia khinin Libnah khua tawh a kidona thu, a ulianpa in za ahih manin, kumpipa kiangah thu a dong dingin a pai hi.

2 KUMPI NIHNATE 8:22

Tua ahih ciangin tu ni dongin Judah ukna panin Edom mite lengkhia hi. Tua ciangin tua hun mahin Libnah lengkhia hi.

2 KHANG TANGTHU NIHNATE 21:10

Tua ahih ciangin tuni dongin Judah ukna panin Edom lengkhia hi. Jehoram in a pu a pate’ Pasian, Topa nusia ahih manin, tua hun lai takin Libnah zong ama ukna panin lengkhia hi.

Isaiah 37:8

Tua ciangin a galkap mangpa ciahkik a, Assiria kumpipa in Libnah khua a dona-ah va pai hi. Bang hang hiam cih leh kumpipa in Lakhish khua a nusiat khitna thu za zo ahih manin tua lai va zuan pah hi.

Jeremiah 52:1

Zedekiah kumpi a suahin kum sawmnih leh kum khat a pha a, Jerusalem khua-ah kum sawm leh kum khat sung a maang hi. A nu’ min Hamutal hi a, Libnab khua-a teeng Jeremiah’ tanu ahi hi.

Gamlak-vakna 33:20

Rimmonperez panin amaute ding khia uh a, Libnah ah giahphual sat uh hi.

Joshua 10:28

Tua ni-in Joshua in Makkedah khua la a, namsau tawh tua khua leh a kumpipa vatgawp hi; a sunga om mi khempeuh susia mangin, kuamah siit lo hi; Jerikho kumpipa tungah a bawl bangin Makkedah kumpipa tungah a bawl hi.

Joshua 10:30

Topa in tua khua leh a kumpipa zong Israel mite’ khut sungah pia hi; amah in namsau tawh tua khua leh a sunga om mi khempeuh vatgawp hi; tua khua sungah kuamah siit lo hi; Jerikho kumpipa tungah a bawl bangin a kumpipa tungah bawl hi.

Joshua 12:15

Libnah kumpi, khat; Adullam kumpi, khat;

Joshua 15:42

Libnah, Ethar, Ashan,

Joshua 21:13

Amaute in siampi Aaron’ suan-le-khakte tungah mithatte’ bukna khuapi Hebron a lonona gamte tawh, Libnah a lonona gamte tawh,

Joshua 6:21

Tua ciangin amaute in khuapi sunga om khempeuh numei leh pasal, a moi a ham, bawngtalte, tuute, leh late khempeuh namsau tawh that mang khin uh a, khuapi Topa tungah ap uh hi.

Joshua 8:2

Jerikho leh a kumpipa tungah na bawl bangin Ai leh a kumpipa tungah na bawl ding hi; a van kinusiate leh a ganhingte bek note adingin na la ding uh hi; a khuapi nungah a khuapi sim dingin na buksim ding uh hi,” a ci hi.

Joshua 8:29

Tua ciangin amah in nitak mateng sing khat tungah Ai kumpipa khai hi; ni a tum ciangin Joshua in thu pia a, amaute in sing tung panin a luang la sukin, khuapi kulh kongpi lutna-ah paai uh a, a tungah suangtum lompi ciang uh a, tu ni dongin tua suangcian om lai hi.