Joshua 10:13 - Tedim Bible

¹³ Tua ciangin minamte in a galte phu a lak khit mateng ni ding cipin kha khawl hi. Hih in Ja-shar’ Laibu sungah kigelh hilo ahi hiam? Van kim lai-ah ni khawlin ni khat bup ding bang tumsuk pak lo hi.

Tedim Bible Revision 2017

¹³ Tua ciangin hih minamte in a galte uh a zawh khit mateng ni ding cipin kha a khawl hi. Hih thute, Jasharʼ Laibu sungah kigelh hi. Vankim lai ah ni khawlin ni khat bup bang tum suk lo hi.

Joshua 10:13 Iomraidhean Croise

2 SAMUEL NIHNA 1:18

amah in Judah mite tungah hih kahla a kihilh nading thu pia hi; en un, hih in Jashar Laibu sungah kigelh hi. Amah in:

2 KUMPI NIHNATE 20:10

Tua ciangin Hezekiah in dawngin, “Liim kal sawm a mainawt ding a baih khat ahi hi; liim kal sawm nungkik sak zaw in,” a ci hi.

Esther 8:13

Tua thupiakna lai pen gam khempeuh ah kihawmin mi khempeuh kitheisakin, amau’ galte a thukkik nading ahi tua ni tawh kisai-in Judah mite a kigin’ kholh ding uh ahi hi.

JOB (Job) 9:7

Amah in ni a suah loh nadingin thu pia a, aksite sin cip hi.

Late 148:3

Ni leh kha aw, amah phat un, a taang aksi khempeuh aw, amah phat un!

Late 19:4

ahih hangin a aw uh leitung khempeuh ah kizel a, a kammal uh leimong dongah tung hi. Ama sungah ni’ adingin omna khat bawl khin a,

Isaiah 24:23

Tua ciangin khapi mial ding a, ni taang nawn lo ding hi; bang hang hiam cih leh Vanglianpen Topa in Zion Mual tung leh Jerusalem khua sungah uk ding a, ama upate’ mai-ah ama minthan’na kilangsak ding hi.

Isaiah 38:8

En in, Ahaz kumpipa’ ni-nai tungah nitum kuan-a liim pen kalsawm ka nungkiksak ding hi, ci hi,” a ci hi. Tua ahih ciangin a tum khinsa ni pen ni-nai tungah kalsawm nungkik hi.

Joel 2:10

Amau’ mai-ah leipi liing a, vanpi nangawn liing damdam hi. Ni leh kha zong mial ta a, aksite zong taang nawn lo hi.

Joel 2:31

Topa’ ni, tua a lauhuai hun hong tun’ ma-in, ni hong mialin, kha, sisan hong bang ding hi.

Joel 3:15

Ni leh kha mial a, aksite zong taang nawn lo hi.

Habakkuk 3:11

Na thaltang leeng a muh ciang, na teipi tee zalzal a muh ciangin, ni leh kha a omna san-ah khawlcip uh hi.

Gamlak-vakna 21:14

Tua ahih manin Topa’ Gal Laibu sungah, “Sufah gama Vuahep khua, leh Arnon gun kuamte,

Gamlak-vakna 31:2

“Israel mite’ phu Midiante tungah la in; tua khit ciangin na mite kiangah nang hong kigawm ding hi,” a ci hi.

Mattiu 24:29

“Tua gimna ni khit ciangin thakhatin ni hong mial ding a; kha a hong taang nawn kei ding hi; aksite hong kia ding uh a, vanah a om vangliatnate a kiliing ding uh hi.

Mattiu 5:45

Bang hang hiam na cih uh leh, Pasian in miphate leh migilote tungah ama ni a tangsak kim hi. Misiangthote leh misiangtho lote tungah guah a zusak kim hi.

Luka 18:7

Pasian’ teelsate in sun leh zanin ama kiangah kiko-in thu a nget uh leh, amaute’ thu khensak ding hilo ahi hiam? Amaute sawtpi thuak ding ahi hiam?

Sawltak 2:20

Topa’ Ni vanglian leh lamdang hong tun’ ma-in Ni hong mial ding a, Kha in sisan a suak ding hi.

Joshua 10:11

Israelte mai-ah amaute a tai laitak, Bethhoron paitohna-ah a paisuk lai takun, Topa in vantung panin gialpi lianpite Azekah khua ciang dong, amaute tungah lawnsuk a, amaute si uh hi; Israel mite in namsau tawh a thah sangin tua gialpi hanga a si mi tam zaw hi.

Joshua 10:14

Tua hun ma hita leh tua hun khit hita leh Topa in mi khat’ thu a ngaih tua ni bang ni dang om lo hi; bang hang hiam cih leh Topa in Israel mite adingin dosak hi.

Mangmuhna 21:23

Ni tan’na, kha tan’na zong tua khuapi-ah a kisam kei hi. Bang hang hiam na cih uh leh, Pasian’ vang in tua khuapi a tangsak a, Tuuno in zong tua khuapi’ meivak ahi hi.

Mangmuhna 6:10

Amaute in zong, “A siangtho, a dik Vanglianpen Topa aw, leitungah a om mite, kote’ sihna sisan hangin thu khenin daantat loin bang tan vei sawtpi na om ding hiam?” ci-in nakpi a kiko uh hi.

Mangmuhna 6:12

Tuuno in gukna ciamtehna hon’ khit ciangin ka en a, nakpi-in zin a liing hi. Ni in samul tawh kigan puan bangin vom-in a suak hi. Kha in zong sisan bangin a piang hi.

Mangmuhna 8:12

Lina vantungmi in peengkul a tum ciangah ni seh thum suah seh khat, kha seh thum suah seh khat, aksite seh thum suah seh khatte su kha a, seh thum suah seh khat a mial hi. Sun seh thum suah seh khat a tang kei hi, zan seh thum suah seh khat in khuavakna nei loin a piang hi.

Thukhente 16:28

Tua ciangin Samson in Topa samin, “Topa Pasian aw, kei hong phawk in, kong thuum hi, tu-a ka mittang nihte’ tang dingin Filistia mite ka thuk theih nadingin hong thahat sak in, tu-a bek kong thuum hi,” a ci hi.

Thukhente 5:2

“Makaite in Israelte sungah makai uh a, mite amau mahmah utna tawh kipia uh hi, Topa phat un!