Joshua 1:9 - Tedim Bible

⁹ Thu hong pia khin hilo ka hi hiam? Thahat in la hang in; lau kei in la, lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

Tedim Bible Revision 2017

⁹ Thu hong pia khin hi lo ka hi hiam? Thahat inla hang in. Lau kei inla lungkia kei in; bang hang hiam cih leh na paina peuhpeuh ah Topa na Pasian nang tawh hong om hi,” a ci hi.

Joshua 1:9 Iomraidhean Croise

Piancilna 28:15

En in, keimah in nang tawh omin na paina peuhah kong kem ding a, hih leitangah nang kong paipih kik ding hi; bang hang hiam cih leh nang' tunga kong gensa thute ka hih khit matengin nang kong nusia kei ding hi,” ci hi.

Piancilna 39:2

Topa in Josef tawh om a, amah nasep a zo mi khat suak hi; amah in Izipt mi a topa’ inn sungah om a,

Piancilna 39:3

Topa in amah a ompihna leh Topa in ama khut sungah a hih khempeuh a ma-van’sakna a topa in mu hi.

2 SAMUEL NIHNA 13:28

Tua ciangin Absalom in a nasemte thu pia a, “Amnon’ lungsim leenggahzu tawh a lungnop ciangin ciamteh un la, note kiangah, ‘Amnon sat un,’ kong cih ciangin amah that un. Lau kei un; note thu hong pia khin hilo ka hi hiam? Hang un la, thahat un,” a ci hi.

1 KHANG TANGTHU MASATE 28:20

Tua ciangin David in a tapa Solomon kiangah, “Thakhauhin hang in la, sem in. Lau kei in, lungkia kei in; bang hang hiam cih leh Topa Pasian, kei’ Pasian nangawn nang tawh om hi. Topa’ inn sung nasepna khempeuh a nasepna khempeuh a kizawh matengin amah in nang hong tamasak lo, hong nusia lo ding hi.

2 KHANG TANGTHU NIHNATE 15:7

Ahih hangin nang, hang in! Na sepna thaman hong kipia ding ahih manin na khut zawsak kei in,” a ci hi.

Late 46:7

Mi honte’ Topa ei tawh hong omkhawm a, Jakob’ Pasian in eima belh ahi hi.

Isaiah 41:10

nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.

Isaiah 43:1

Ahih hangin, Jakob aw, nangmah hong piangsakpa, Israel aw, nangmah hong bawlpa, Topa in tu in hih bang ci hi: “Nangmah hong honkhia khin ka hih manin lau kei in; na min tawh nang kong sam khin zo a, nang in kei’ aa na hi hi.

Isaiah 43:5

Nang tawh hong omkhawm ka hih manin lau kei in; nisuahna lam panin na suan leh khakte kong paipih ding a, nitumna lam panin na mite kong kaikhawm ding hi.

Isaiah 8:12

“Hih mite’ sawmsimna pawlpih kei un. Amaute’ kihtakte kihta kei un la, lau kei un.

Daniel 10:19

Amah in, “Lungnuam in la, lau kei in. Kihat sak in, zahtakna ngah pa aw,” a hong ci hi. Tua teng a hong gen khit ciangin ka tha hong khauh zaw a, “Topa aw, na gen ding peuhpeuh hong gen in, ka ci a hong damzaw diak hi,” ka ci hi.

Haggai 2:4

Tu-in Zerubbabel aw, thahat in Siampi lianpa, Jehozadak’ tapa Joshua aw, thahat in gam sunga om mi note khempeuh aw, thahat un Topa in ci hi. Note tawh hong omkhawm ka hih manin nasep kipan un.

Haggai 2:5

Izipt gam panin na paikhiat lai un, note kong ompih tawntung nading thu kong ciam hi. Tu-in zong ka lungsim in note hong ompih lai ahih manin lau kei un.

Sawltak 4:19

Piter leh Johan in, “Topa’ thu sangin note’ thu ngaih ding Pasian mai-ah a kilawm zaw hiam, kilawm lo zaw hiam cih note in thu na khen ta un.

Thu-hilhkikna 1:21

En un, Topa na Pasian un note mai-ah leitang koih zo hi; Topa, na pate uh Pasian in note tungah hong gensa bangin pai un la, luah un; lau kei un la, lungkia kei un,’ kong ci hi.

Thu-hilhkikna 20:1

“Na langte uh a do dingin pai-in sakolte leh leengte leh galkapte nomau’ aa sangin a tam zaw-in na muh uh ciangin amaute na kihta kei ding uh hi; bang hang hiam cih leh Izipt gam panin note hong paikhiatpih Topa na Pasian uh note tawh hong om hi.

Thu-hilhkikna 31:23

Topa in Nun’ tapa Joshua sawlin, “Thahat in la, hang in; bang hang hiam cih leh amaute piak dingin ka kiciam leitang tungah Israel mite na paipih ding hi; nang tawh kong om ding hi,” a ci hi.

Thu-hilhkikna 31:28

Hih thute amaute’ bil-ah genin, amau’ lang khatah teci a pang dingin vantung leh leitung ka sap theih nadingin na minam upate leh na uliante khempeuh uh kei kiangah hong khawm un.

Joshua 1:10

Tua ciangin Joshua in mite’ uliante thu pia-in,

Joshua 1:17

Na khempeuhah Moses’ thu ka man’ uh mah bangin nangma thu zong kong mang ding uh hi. Moses a ompih mah bangin Topa na Pasian in nang hong ompih ta hen!

Joshua 1:18

Na thupiakna leh na thute, na thupiak peuhpeuh hong langpangin a mang lo mipa kithat ding hi. Thahat in la hang in,” a ci uh hi.

Joshua 10:25

Joshua in amaute kiangah, “Lau kei un la, lungkia kei un; thakhauh un la, hang un; bang hang hiam cih leh note' do na gal khempeuhte uh tungah Topa in hih bangin bawl ding hi,” a ci hi.

Joshua 10:8

Tua ciangin Topa in Joshua kiangah, “Amaute na khut sungah hong pia khin ka hih manin amaute kihta kei in; amaute khat beek in nang hong nang zo lo ding uh hi,” a ci hi.

Joshua 3:7

Tua ciangin Topa in Joshua kiangah, “Moses tawh ka omkhawm bangin nang tawh kong omkhawm nading thu amaute in a theih nadingun Israel mite khempeuh muhna-ah tu ni-in nang liatsak ding ka kipan ding hi.

Joshua 6:27

Tua ahih ciangin Joshua tawh Topa om hi; gam khempeuhah ama min a thang hi.

Joshua 8:1

Tua ciangin Topa in Joshua kiangah, ‘Lau kei in la lungkia kei in; galkap khempeuh nang kiangah la in la, tho-in Ai-ah paito un; thei in, nangma khut sungah Ai kumpipa leh a mite, a khuapi, leh a leitang kong pia khin zo hi;

Thukhente 6:14

Tua ciangin ama lamah Topa kihei-in, “Hih nangma vangliatna tawh pai in la, Midiante khut sung panin Israelte honkhia in; nangmah hong sawl hilo ka hi hiam?” a ci hi.

1 SAMUEL MASA 10:7

Hih limte nang tungah hong tun’ ciangin na tuah peuhpeuh na hih ding hi; bang hang hiam cih leh nang tawh Pasian hong om hi.