Joshua 1:8 - Tedim Bible

⁸ Hih thukham laibu na mangngilh ngei kei ding hi. A sunga a kigelh thute khempeuh tawh kizui-in na gamtat theihna dingin sun leh zanin na lungngaingai ding hi; tua hi leh na lampi mavang ding a, na nasep tangtung ding hi.

Tedim Bible Revision 2017

⁸ Hih thukham laibu na mangngilh ngei kei ding hi. A sunga kigelh thute khempeuh tawh kizui-in na gamtat theih nadingin sun le zanin na lung ngaingai ding hi. Tua hileh na maa vang dinga, na nasep tangtung ding hi.

Joshua 1:8 Iomraidhean Croise

Piancilna 24:63

Isaak in thu a lungngai dingin nitakin gam lakah paikhia hi; amah in a lu sangsakin khuadak hi, en in, kalaohte hong pai hi.

2 KHANG TANGTHU NIHNATE 26:5

Pasian zahtak ding ama tungah a hilh Zekhariah’ hun sung teng amah in Pasian zong hi; amah in Topa a zon’ lai teng, Pasian in amah daupai sak hi.

Late 119:11

Nang tungah kong khialh loh nadingin ka lungsim sungah nangma thu ka khol hi.

Late 119:15

Nangma thuhilhnate lungngaingai-in, nangma lampite ka mitsuan ding hi.

Late 119:97

Na thu deih mahmah ing! Sun tawntung-a ka lungngaih-ngaih ahi hi.

Late 119:99

Ka siate khempeuh sangin thu ka telzaw hi, bang hang hiam cih leh na teci pan’nate ka ngaihsunsun hi.

Late 19:14

Topa, ka suangpi leh keimah hong tankhiapa aw, ka kammal leh ka lungsim ngaihsutnate nangma muhna-ah san’huai suak sak ta in!

Late 40:10

Nangma gupkhiatna huhna ka lung sungah ka im kei a, na thumanna leh na gupkhiatna thu ka gen khin hi; na itna kip leh na thumanna mi honpi tungah ka im kei hi.

Paunak 3:1

Ka ta aw, kong thuhilhte mangngilh kei in la, kong thugente phawk tawntung in.

Isaiah 59:21

Note tawh hih bangin thuciamna ka bawl hi: Nang tunga a om ka kha leh na kamsung a, ka koih keima thukhamte leh ka thuhilhnate note tungah kong pia khin a, tu-a kipanin a tawntungin note in tua thute zui-in na suan na khakte uh kam pan paikhia lo ding a, a khang khangin na maimangsak kei ding uh hi,” a ci hi.

Mattiu 12:35

Miphate in a sumkholna hoih sung pan a pha nate a pusuaksak hi. Mipha lote in a hoih lo sumkholna sung panin a pha lo nate a pusuaksak hi.

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Mattiu 7:21

“Topa aw, Topa aw,’ hong ci khempeuhte Vantung Gam sungah tum thei kim lo ding uh hi. Vantungah a om ka Pa’ deih bang a gamtate bek a tung ding uh hi.

Mattiu 7:24

“Tua ahih ciangin, ka thuhilhna za a, a zuite khempeuh in suang tunga inn lam mipil tawh kibang ahi cih ka genteh ding hi.

Luka 11:28

Zeisu in, “Pasian thu za a, a mangte in thupha a ngah zaw ding hi,” ci-in a gen hi.

Johan 13:17

Tua nate thei-in na hih le-uh teh, thupha na ngah ding uh hi.

Johan 14:21

Ka thupiakna nei a, a zui mi in kei hong it hi. Kei hong it mi ka Pa in a it ding hi. Keimah in zong amah ka it ding a, ama kiangah ka kilang ding hi,” a ci hi.

Efesa 4:29

Nomau kam sungpan kam hoih lo khat beek pusuak kei hen. A za mite phattuamna a piang sak dingin, a sapna bangin a kipsak nadingin kam hoih na zang un.

Thu-hilhkikna 29:8

amaute’ leitang i la a, Reuben mite, Gad mite, leh Manasseh minam a langte tungah luah dingin i pia hi.

Thu-hilhkikna 29:9

Tua ahih ciangin na hihna khempeuh uhah na daupai theih nadingun hih thuciamna kammalte khempeuh lim takin na zuih ding uh na ngaihsun ding uh hi.

Thu-hilhkikna 30:14

A thu in hong nai mahmah hi; note in na zuih theih nadingun na kam sung uh leh na lungsim sung uhah om hi.

Thu-hilhkikna 31:11

amah in a teelna mun Topa na Pasian uh mai-ah a kilaak dingin Israelte khempeuh a pai ciangin, amau’ zakin Israelte khempeuh mai-ah hih thukham na sim ding uh hi.

Thu-hilhkikna 31:24

Moses in a bei dongin hih thukham kammalte laibu sunga gelh a man ciangin,

Thu-hilhkikna 5:1

Moses in Israelte khempeuh samin amaute kiangah, “Israelte aw, tu ni-a note zak-in kong gen thukhamte leh ngeina kipte za un la, note in thei-in lim takin zuih ding na ngaihsun ding uh hi.

Thu-hilhkikna 5:29

Amaute leh a suan a khakte uh a nopsak tawntung theih nadingin keimah zahtak ding leh ka thupiak khempeuh zuih ding hih bang ngaihsutna nei tawntung le-uh ka deih ahi hi.

Thu-hilhkikna 5:32

Tua ahih ciangin Topa na Pasian un note hong thupiak bangin na gamtat ding uh na kingaihsun ding uh hi; ama thu panin taklam hita leh vei lamah hita leh na pial kei ding uh hi.

Kolose 3:16

Khazih’ thu in pilna apawlpawl tawh note sungah om ta hen. Late-a kipan biakna la leh Kha Siangtho tawh kipawl la apawlpawl tawh note khat leh khat kihilhin, kitai-in, hehpihna thupha lungsim nei-in, Pasian tungah lasa-in phat un.

Joshua 1:7

Thahat-in hang in la, ka nasempa Moses in nang hong piak thukhamte khempeuh tawh kizui-in na gamtat ding lim takin ngaihsun in; na paina peuhah hoih takin na lamzan’ theihna dingin tak lamah ahi a, vei lamah ahi zongin pial kei in.

Joshua 8:34

Tua khit ciangin amah in thukham laibu sunga a kigelh bang bangin thukham kammal khempeuh, thupha leh samsiatnate a sim hi.

Mangmuhna 22:14

“Nuntakna kung kiangah pai ding kilawm a, khuapi sungah khuapi kongpi pan tum theih nading thu ngah nadingin, amau puan uh a sawpsiang mite in thupha ngah mite ahi uh hi.