Joshua 1:7 - Tedim Bible

⁷ Thahat-in hang in la, ka nasempa Moses in nang hong piak thukhamte khempeuh tawh kizui-in na gamtat ding lim takin ngaihsun in; na paina peuhah hoih takin na lamzan’ theihna dingin tak lamah ahi a, vei lamah ahi zongin pial kei in.

Tedim Bible Revision 2017

⁷ Thahat-in hang inla, ka nasem Moses in nang hong piak thukhamte khempeuh tawh kizui-in na gamtat ding limtakin ngaihsun in. Na paina peuh ah hoihtakin na lamzan theih nadingin tuate khat zong pelh kei in.

Joshua 1:7 Iomraidhean Croise

1 KUMPI MASATE 2:2

”Leitung khempeuh ngeina bangin a pai ding ka hi ta hi. Thakhauhin pasal na hihna kilangsak in la,

1 KUMPI MASATE 2:3

amah in kei tungah hong gen, ‘Na tapate in a lungsim khempeuh uh leh a nuntakna khempeuh uh tawh keima mai-ah thuman takin pai ding lim takin a ngaihsut uh leh Israel kumpi tokhom tungah khat beek in nang hong tamasak lo ding hi,’ ci-a a thugenna Topa in a kipsak theih nading; na hihna khempeuh ah na dau a pai nadingin Moses’ thukham sungah a kigelh bangin Topa in na Pasian’ thuhilhna zui-in, ama lampite tawn in la, ama thukhamte, a thupiaknate, a biakna ngeina kipte leh a tecipan’nate zui in.

2 KUMPI NIHNATE 22:2

Amah in Topa’ mit-ah a man gamta-in, a pu David’ khekhap khempeuh zui cinten a, tak lamah ahi a, vei lamah ahi zongin pial lo hi.

1 KHANG TANGTHU MASATE 22:13

Tua ciangin Israelte’ adingin Topa in Moses a piak thukhamte leh biakna ngeina kipte zuih ding na kidop nak leh na maa vang ding hi. Thakhauh in la, hang in. Lau kei in; lungkia kei in.

2 KHANG TANGTHU NIHNATE 15:7

Ahih hangin nang, hang in! Na sepna thaman hong kipia ding ahih manin na khut zawsak kei in,” a ci hi.

2 KHANG TANGTHU NIHNATE 26:5

Pasian zahtak ding ama tungah a hilh Zekhariah’ hun sung teng amah in Pasian zong hi; amah in Topa a zon’ lai teng, Pasian in amah daupai sak hi.

JOB (Job) 1:8

Tua ciangin Topa in Satan kiangah, “Ka nasem Job na phawk kha hiam? A paubaang lo a thutang, Pasian zahtakin gamtat hoih lo a pel, amah tawh a kibang midang leitungah na mu kei ding hi,” a ci hi.

Late 80:19

Ka ngei uh hong bangsak kik in, mihonpite’ Topa Pasian! Kote hong kihotkhiat theih nadingin na maitang hong taang sak in!

Paunak 4:27

Siatna peelin a maanin gamta in la, thuman lampi panin themcik zong pial kha kei in.

Paunak 8:20

Keimah in thuman lampi ka zui a, thutang lampi ka tawn hi.

Daniel 10:19

Amah in, “Lungnuam in la, lau kei in. Kihat sak in, zahtakna ngah pa aw,” a hong ci hi. Tua teng a hong gen khit ciangin ka tha hong khauh zaw a, “Topa aw, na gen ding peuhpeuh hong gen in, ka ci a hong damzaw diak hi,” ka ci hi.

Gamlak-vakna 27:23

amah in ama tungah a khutte nga-in, Topa in Moses’ tungah a gen bangin amah za pia hi.

Thu-hilhkikna 11:8

-

Thu-hilhkikna 12:32

“Note kong thupiak khempeuh na hih ding uh na lim ngaihsut ding uh hi; na behlap kei ding uh a, zong na khiam kei ding uh hi.

Thu-hilhkikna 28:14

Note in tu ni-a kong thupiak limtakin zuihna tawh Topa na Pasian uh thupiaknate mangin, tu ni-a note kong thupiakna kammalte panin, pasian dangte, na semin a zui dingin, vei lam hita leh tak lamah hita leh na pial kei nak uh leh, Topa in a makai-in note hong bawl ding a, mi’ nungzui-in hong bawl lo ding hi; tung lam bekah na kah ding uh a, na nuai kiat ngei kei ding uh hi.

Thu-hilhkikna 29:8

amaute’ leitang i la a, Reuben mite, Gad mite, leh Manasseh minam a langte tungah luah dingin i pia hi.

Thu-hilhkikna 29:9

Tua ahih ciangin na hihna khempeuh uhah na daupai theih nadingun hih thuciamna kammalte khempeuh lim takin na zuih ding uh na ngaihsun ding uh hi.

Thu-hilhkikna 31:7

Tua ciangin Moses in Joshua samin, Israelte khempeuh muhin ama kiangah, “Thahat in la, hang in; bang hang hiam cih leh amaute tungah piak dingin Topa in amau pute pate’ tungah a ciamsa leitangah hih mite tawh na pai ding hi; nangmah in tua leitang amaute na ngah sak ding hi.

Thu-hilhkikna 4:2

Topa na Pasian un hong piak ahi keima hong thugente na zuih theih nadingun no kong thupiakte behlap loin, zong na khiam kei ding uh hi.

Thu-hilhkikna 5:32

Tua ahih ciangin Topa na Pasian un note hong thupiak bangin na gamtat ding uh na kingaihsun ding uh hi; ama thu panin taklam hita leh vei lamah hita leh na pial kei ding uh hi.

Joshua 1:1

Topa’ nasem Moses a sih khit ciangin Topa in Moses’ nasem ahi Nun’ tapa Joshua kiangah,

Joshua 1:8

Hih thukham laibu na mangngilh ngei kei ding hi. A sunga a kigelh thute khempeuh tawh kizui-in na gamtat theihna dingin sun leh zanin na lungngaingai ding hi; tua hi leh na lampi mavang ding a, na nasep tangtung ding hi.

Joshua 1:9

Thu hong pia khin hilo ka hi hiam? Thahat in la hang in; lau kei in la, lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

Joshua 11:15

Topa in ama nasem Moses a thu piak bangin Moses in zong Joshua thu pia a, Joshua zong tua mah bangin gamta hi; Topa in Moses a thu piaksate khempeuh a hih loh om lo hi.

Joshua 23:6

Tua ahih ciangin note lakah a om lai hih minamte tawh kihel loin, amau’ pasiante zong gen loin, tuate tawh zong kiciam loin, amau’ na sem loin, amaute mai-ah zong note kun loin, ahih hangin tu ni-a na gamtat bangun Topa na Pasian uh na belh theih nadingun Moses’ thukham laibu sunga kigelhte khempeuh zui-in semin, tua panin tak lamah hita leh vei lamah hita leh pial loin na om nadingun khauh takin om un.