Joshua 1:6 - Tedim Bible

⁶ Thahat in la hang in; bang hang hiam cih leh amaute piak dingin a pate uh tungah ka ciam leitang hih mite na luahsak ding hi.

Tedim Bible Revision 2017

⁶ Thahat inla, hang in; bang hang hiam cih leh amaute piak dingin a pu a pate uh tungah ka ciam leitang hih mite na luahsak ding hi.

Joshua 1:6 Iomraidhean Croise

Piancilna 12:7

Tua ciangin Abram’ tungah Topa kilang a, “Na suan-le-khakte' tungah hih leitang ka pia ding hi,” ci hi. Tua ahih ciangin amah in ama' tunga kilang Topa adingin biakna tau khat bawl hi.

Piancilna 26:3

Hih leitang-ah tawl khat om in, nang tawh kong omkhawm ding a, thupha kong pia ding hi; bang hang hiam cih leh nang leh na suan-le-khakte' tungah hih leitangte kong pia ding a, na pa Abraham’ tungah ka thuciam ka tungsak ding hi.

2 SAMUEL NIHNA 10:12

Kihangsak in, i mite ading leh i Pasian’ khuapite adingin kipasalsak ni; Topa in hoih a sak bangin hong hih ta hen” a ci hi.

1 KUMPI MASATE 2:2

”Leitung khempeuh ngeina bangin a pai ding ka hi ta hi. Thakhauhin pasal na hihna kilangsak in la,

1 KHANG TANGTHU MASATE 22:13

Tua ciangin Israelte’ adingin Topa in Moses a piak thukhamte leh biakna ngeina kipte zuih ding na kidop nak leh na maa vang ding hi. Thakhauh in la, hang in. Lau kei in; lungkia kei in.

1 KHANG TANGTHU MASATE 28:10

Biakinn dingin inn khat a lam dingin Topa in nang hong teel khin ahih manin tu-in kingaihsun in; thahat in la, sem in,” a ci hi.

1 KHANG TANGTHU MASATE 28:20

Tua ciangin David in a tapa Solomon kiangah, “Thakhauhin hang in la, sem in. Lau kei in, lungkia kei in; bang hang hiam cih leh Topa Pasian, kei’ Pasian nangawn nang tawh om hi. Topa’ inn sung nasepna khempeuh a nasepna khempeuh a kizawh matengin amah in nang hong tamasak lo, hong nusia lo ding hi.

2 KHANG TANGTHU NIHNATE 15:7

Ahih hangin nang, hang in! Na sepna thaman hong kipia ding ahih manin na khut zawsak kei in,” a ci hi.

2 KHANG TANGTHU NIHNATE 20:11

en in, ka luah dingun kote tungah nong piaksa nangma neihsa panin kote hawlkhia dingin hong paina tawh amaute in kote hong lehthuk zawsop uh hi.

2 KHANG TANGTHU NIHNATE 20:7

Kote’ Pasian aw, hih gamah a teeng mite na mi Israelte’ mai-ah hawlkhia-in, na lawmpa Abraham’ suan leh khakte tungah a tawntung dingin pia hilo na hi hiam?

Late 27:14

Topa ngak in; tha khauh in la, na lungsim hangsak in; hi hi, Topa ngak in!

Daniel 10:19

Amah in, “Lungnuam in la, lau kei in. Kihat sak in, zahtakna ngah pa aw,” a hong ci hi. Tua teng a hong gen khit ciangin ka tha hong khauh zaw a, “Topa aw, na gen ding peuhpeuh hong gen in, ka ci a hong damzaw diak hi,” ka ci hi.

Haggai 2:4

Tu-in Zerubbabel aw, thahat in Siampi lianpa, Jehozadak’ tapa Joshua aw, thahat in gam sunga om mi note khempeuh aw, thahat un Topa in ci hi. Note tawh hong omkhawm ka hih manin nasep kipan un.

Zekhariah 8:9

“Thakhauhin lungsim hang un. Ka biakinn a kilamkik nading a bul a kiphuh lai takin kamsangte in a gen thute mah a za na hi uh hi.

Gamlak-vakna 26:53

“Min a phazah tawh kizui-in hih mite tungah luah dingin leitang kihawm ding hi.

Gamlak-vakna 33:53

na neih dingun note tungah leitang hong pia khin ka hih manin note in leitang luahin tua tungah na teeng ding uh hi.

1 KORIN MASA 16:13

Note in kikemin ngak un. Upna ah na kip un. Pasal tawh kibangin thacingin, thahat un.

Efesa 6:10

A khak belin, Topa-ah ahi zongin, ma vangliatna’ hatna-ah ahi zongin, thahatin om un.

Thu-hilhkikna 1:21

En un, Topa na Pasian un note mai-ah leitang koih zo hi; Topa, na pate uh Pasian in note tungah hong gensa bangin pai un la, luah un; lau kei un la, lungkia kei un,’ kong ci hi.

Thu-hilhkikna 1:8

En un, note mai-ah leitang ka koih zo hi; pai un la, Topa in na pate uh Abraham, Isaak leh Jakob tung leh amau nunga a suan leh a khakte uh tungah piak dingin a ciam leitang luah un,’ hong ci hi.

Thu-hilhkikna 11:8

-

Thu-hilhkikna 31:23

Topa in Nun’ tapa Joshua sawlin, “Thahat in la, hang in; bang hang hiam cih leh amaute piak dingin ka kiciam leitang tungah Israel mite na paipih ding hi; nang tawh kong om ding hi,” a ci hi.

2 TIMOTI NIHNA 2:1

Tua ahih ciangin ka ta aw, nangmah in, Khazih Zeisu sungah a om hehpihna thupha tawh thahatin om in.

Joshua 1:18

Na thupiakna leh na thute, na thupiak peuhpeuh hong langpangin a mang lo mipa kithat ding hi. Thahat in la hang in,” a ci uh hi.

Joshua 1:7

Thahat-in hang in la, ka nasempa Moses in nang hong piak thukhamte khempeuh tawh kizui-in na gamtat ding lim takin ngaihsun in; na paina peuhah hoih takin na lamzan’ theihna dingin tak lamah ahi a, vei lamah ahi zongin pial kei in.

Joshua 1:9

Thu hong pia khin hilo ka hi hiam? Thahat in la hang in; lau kei in la, lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

Joshua 10:25

Joshua in amaute kiangah, “Lau kei un la, lungkia kei un; thakhauh un la, hang un; bang hang hiam cih leh note' do na gal khempeuhte uh tungah Topa in hih bangin bawl ding hi,” a ci hi.

Joshua 13:6

Lebanon leh Mishrefoth-maim kikal-a teeng Sidon mite khempeuh ahi hi. Kei mahmah in Israel mite mai panin amaute ka hawlkhia ding hi; nang kong thupiaksa bangin Israel mite tungah a luah dingin leitang hawm in.

Joshua 18:3

Tua ahih ciangin Joshua in Israel mite kiangah, “Topa, na pu na pate uh Pasian in note hong piaksa leitangah pai-in na luah ding uh bang tanvei zekai ding na hi uh hiam?

Joshua 21:43

Tua bangin Topa in amau’ pate tungah piak dingin a kiciam leitang khempeuh Israel tungah pia hi; amaute in a ngah khit uh ciangin tua lai-ah teeng uh hi.

Joshua 5:6

Bang hang hiam cih leh amaute in Topa thu a ngaih lohna hangin Izipt panin a hong paikhia minam bup, galhang mite a sih khit dong kum sawmli sung gamlakah Israel mite lam pai uh hi; Topa in eite tungah hong piak dingin i pu i pate tungah a ciamsa bawngnawi leh khuaizu a luan’na leitang amaute a muhsak loh nading thu amaute tungah Topa kiciam hi.

1 SAMUEL MASA 4:9

Hang un la, pasal bangin gamta un, Filistia mite aw, tua hi kei leh amaute in note’ sila hong hih mah bangin Hebru mite’ sila na suak ding uh hi; pasal lungsim nei-in do un,” a ci uh hi.