Joshua 1:5 - Tedim Bible

⁵ Na nuntak sung tawntung kuamah in na mai hong khak zo lo ding hi; Moses tawh ka om mah bangin nang tawh zong kong om ding hi; nang kong tamasak kei ding a, kong nusia kei ding hi.

Tedim Bible Revision 2017

⁵ Na nuntak sung tawntung kuamah in na mai hong khak zo lo ding hi. Moses tawh ka om mah bangin nang tawh zong kong om ding hi. Nang kong tamasak kei dinga, kong nusia kei ding hi.

Joshua 1:5 Iomraidhean Croise

Piancilna 39:2

Topa in Josef tawh om a, amah nasep a zo mi khat suak hi; amah in Izipt mi a topa’ inn sungah om a,

1 KUMPI MASATE 1:37

Topa in ka to kumpipa a ompih mah bangin amah in Solomon tawh om hen la, ka to kumpi David’ tokhom sangin ama tokhom lianzawsak hen,” a ci hi.

1 KUMPI MASATE 11:38

Ka nasempa David bangin ka thukhamte leh ka thupiaknate zuihna tawh nang kong thupiak khempeuh ngai-in, ka lampite tawnin ka mit-ah a manin na gamtat leh, nang tawh hong omkhawmin, David adingin ka hih bangin nang adingin innkuan kician khat kong phuhsak ding a, nangma tungah Israel kong pia ding hi.

1 KUMPI MASATE 6:13

Tua ciangin na lam inn sung Israel mite lakah ka teeng ding a, keima mi Israel ka nusia kei ding hi,” a ci hi.

1 KUMPI MASATE 8:57

I pu i pate tawh a om mah bangin Topa i Pasian eite tawh hong om hen; eite hong nusia-in, hong taisan kei hen;

1 KHANG TANGTHU MASATE 28:20

Tua ciangin David in a tapa Solomon kiangah, “Thakhauhin hang in la, sem in. Lau kei in, lungkia kei in; bang hang hiam cih leh Topa Pasian, kei’ Pasian nangawn nang tawh om hi. Topa’ inn sung nasepna khempeuh a nasepna khempeuh a kizawh matengin amah in nang hong tamasak lo, hong nusia lo ding hi.

Late 46:11

Mi honte’ Topa in ei tawh omkhawm a, Jakob' Pasian in eima belh ahi hi.

Paikhiatna 3:12

Amah in, “Nang tawh kong om taktak ding hi; hih in nangma adingin nangmah kong sawlna lim hi ding hi: nangmah in Izipt panin mihingte na paikhiatpih khit ciangin, nang in hih mual tungah Pasian’ na na sem ding hi,” ci hi.

Isaiah 42:16

Amau’ theih loh lampi ah mittawte ka paipih ding a, amau’ theih ngei loh sul zuihpih-in ka kha ding hi. Amau’ mai-ah khuamial pen khuavak suaksakin, a phokna munte a tam-in ka bawl ding hi. Hihte pen keima hih ding nate hi a, tuate sem loin ka nusia kei ding hi.

Jeremiah 1:8

Amaute kihta kei in, bang hang hiam cih leh nangmah hong dal dingin kong ompih hi, Topa in kong ci hi,” hong ci hi.

Daniel 11:16

Galdo zo ding om nawn lo uh ahih manin a galte a ut utin a gamta ding uh hi. Thuciam Gamah zong lutin a khut sungah tua gam a suksiat nading thahatna a nei ding hi.

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

ROM (Romans) 8:31

Tua bang ahih leh, hih thu hangin bang gen ding i hi hiam? Pasian in eite lamsang ah a om leh, kua in eite lang khatah a pang zo ding hiam?

ROM (Romans) 8:37

Khen thei lo ding hi! Ei hong itpa hangin hih nate khempeuh tungah gualzo pente i hi hi.

Thu-hilhkikna 20:1

“Na langte uh a do dingin pai-in sakolte leh leengte leh galkapte nomau’ aa sangin a tam zaw-in na muh uh ciangin amaute na kihta kei ding uh hi; bang hang hiam cih leh Izipt gam panin note hong paikhiatpih Topa na Pasian uh note tawh hong om hi.

Thu-hilhkikna 20:4

bang hang hiam cih leh note tungah gualzawhna a hong pia ding, na langte uh hong dosak dingin note tawh hong paikhawmpa in Topa na Pasian uh ahi hi,’ ci ding hi.

Thu-hilhkikna 31:23

Topa in Nun’ tapa Joshua sawlin, “Thahat in la, hang in; bang hang hiam cih leh amaute piak dingin ka kiciam leitang tungah Israel mite na paipih ding hi; nang tawh kong om ding hi,” a ci hi.

Thu-hilhkikna 4:31

bang hang hiam cih leh Topa na Pasian un hehpihna a nei Pasian ahi hi; amah in note hong tamasak lo ding hi, hong susia lo ding hi, na pate uh tawh a thuciamna mangngilh lo ding hi.

Thu-hilhkikna 7:24

Amah in note khut sungah amaute’ kumpite hong pia ding a, note in vantung nuai panin amaute’ min na maimang sak ding uh hi; amaute na susia khin mang ding uh a, note lang khatah mi khat beek hong pang zo lo ding hi.

2 TIMOTI NIHNA 4:17

Thuhilhna khempeuh ka hilh theih nading ahi zongin, Gentail mi khempeuh in a zak nadingun ahi zongin, Topa in kei lamah om a, keima tha hong dimsak a, humpinelkai’ kam sung pan hong honkhia hi.

Hebru 13:5

Sumduh luatna tawh na kipelh un. Na neihsa zah uh sum tawh lungkim un. Bang hang hiam na cih uh leh, “Keimah in nang kong paisan ngei kei ding hi, zong kong nusia ngei kei ding hi,” ci-in Pasian in hong gen zo hi.

Joshua 1:17

Na khempeuhah Moses’ thu ka man’ uh mah bangin nangma thu zong kong mang ding uh hi. Moses a ompih mah bangin Topa na Pasian in nang hong ompih ta hen!

Joshua 1:9

Thu hong pia khin hilo ka hi hiam? Thahat in la hang in; lau kei in la, lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

Joshua 10:8

Tua ciangin Topa in Joshua kiangah, “Amaute na khut sungah hong pia khin ka hih manin amaute kihta kei in; amaute khat beek in nang hong nang zo lo ding uh hi,” a ci hi.

Joshua 21:44

Tua ciangin a pu a pate uh tungah a ciamsa bangin Topa in amaute tungah na khempeuhah tawlngakna pia hi; Topa in a galte khempeuh uh amau khut sungah pia ahih manin a galte uh khatbeek in zong amaute nang zo lo hi.

Joshua 3:7

Tua ciangin Topa in Joshua kiangah, “Moses tawh ka omkhawm bangin nang tawh kong omkhawm nading thu amaute in a theih nadingun Israel mite khempeuh muhna-ah tu ni-in nang liatsak ding ka kipan ding hi.

Joshua 6:27

Tua ahih ciangin Joshua tawh Topa om hi; gam khempeuhah ama min a thang hi.

Thukhente 2:18

Topa in amaute adingin thukhente a khan’sak peuhpeuh ciangin thukhente tawh Topa om a, thukhente nuntak sung tawntung a galte uh khut sung panin amaute hon hi; bang hang hiam cih leh a gimsak a nengniamte’ hangin amau’ tauna in Topa’ hehpih nading piangsak hi.

Thukhente 6:16

Topa in ama kiangah, “Nang tawh kong om ding a, nangmah in mihing khat bang lelin Midian mite na vatgawp ding hi,”a ci hi.

1 SAMUEL MASA 10:7

Hih limte nang tungah hong tun’ ciangin na tuah peuhpeuh na hih ding hi; bang hang hiam cih leh nang tawh Pasian hong om hi.