Joshua 1:11 - Tedim Bible

¹¹ “Giahphual-ah pai un la, mite thu pia-in, ‘Na lam-an ding uh kiging khol un; bang hang hiam cih leh Topa na Pasian un na neih dingun note hong piak leitangah pai-in a luah dingin ni thum sungin hih Jordan a galkah ding na hi uh hi,’ ci un,” a ci hi.

Tedim Bible Revision 2017

¹¹ “Giahphual ah pai unla, mite thu pia-in, ‘Na lam-an ding uh kiging khol un; bang hang hiam cih leh Topa na Pasian un na neih dingun note hong piak leitang ah pai-in a luah dingin ni thum sungin hih Jordan a gal kah ding na hi uh hi,’ ci un,” a ci hi.

Joshua 1:11 Iomraidhean Croise

2 KUMPI NIHNATE 20:5

“Kileh kik in la, keima mite’ makai Hezekiah kiangah hih bangin gen in. Na pa David’ Pasian, Topa in hih bangin ci hi: Na thungetna ka za khin a, na khituite ka mu khin hi; en in, nang kong damsak ding a; ni thum ni-in Topa’ innah na paito ding hi.

Paikhiatna 19:11

a ni thum ni-in a baihsa-in om in; bang hang hiam cih leh a ni thum ni-in Sinai Mual tungah mite khempeuh’ muhna-ah Topa hong paisuk ding hi.

Hosea 6:2

Ni nih sungin eite hong thahatsak ding a, ni thum sungin i ngei hong bangsak ding hi. Tua ciangin amah tawh i kikhawl ding hi.

Thu-hilhkikna 11:31

Bang hang hiam cih leh Topa na Pasian un note hong piak leitang luah dingin a pai dingin Jordan a kantan ding na hi uh hi; tua leitang luahin a sungah na teen’ uh ciangin,

Thu-hilhkikna 3:18

“Tua hunin note thu kong pia a, ‘Topa na Pasian un na neih dingun hih leitang hong pia zo hi; na galhang mite khempeuh uh galhiam tawh kithawi-in Israel mi na sanggamte uh mai-ah va kuan ding hi.

Thu-hilhkikna 9:1

“Israelte aw, za un; note sangin tamzaw-in a thahat zaw minamte, lianin van banin kulhpi a kiciangto khuapite, na theihsa uh mi ahi a pum a lian a tun sang Anak mite, ‘Anak mite, kua in do zo ding ahi hiam?’ a kicih na zak ngei mite uh a suankhia dingin tu ni-in Jordan a kantan’ ding na hi uh hi:

Joshua 1:10

Tua ciangin Joshua in mite’ uliante thu pia-in,

Joshua 1:2

“Ka nasempa Moses si ta hi; tua ahih ciangin tu-in ding in la, nang leh hih mite khempeuh, hih Jordan kantanin Israel mite tungah ka piak gam sungah pai un.

Joshua 3:2

Nithum a cin’ni ciangin giahphualah uliante pai uh a,