Jonah 4:2 - Tedim Bible

² Topa’ kiangah thungen a, “Kong ngen hi, Topa aw, ka gam sungah ka om lai pekin hi ci mah in teh, ci hilo ka hi hiam? Tarshish khua-ah hanciam-a ka tai simna zong tua hang mah ahi hi; bang hang hiam cih leh nangmah in a hehpih thei Pasian, a heh hak, a migi mahmah, siatna tun’ sak nading a kisik kik nuam Pasian na hihna kong thei hi.

Tedim Bible Revision 2017

² Topaʼ kiangah thu ngen a, “Kong thum hi, Topa aw; ka gam sungah ka om lai pekin hici mah in teh, ci hi lo ka hi hiam? Hanciamin Tarshish khua ah ka tai simna zong tua hang mah ahi hi; bang hang hiam cih leh nang pen a hehpih thei Pasian, a heh hak, a migi mahmah, siatna tunsak ding a kisik nuam Pasian na hihna kong thei hi.

Jonah 4:2 Iomraidhean Croise

1 KUMPI MASATE 19:4

Ahih hangin amahmah gamlakah ni khat lam pai-in poding kung nuai khatah tu hi; tua ciangin amah in a sih nading ngenin, “Pha zo hi; tu-in Topa aw, ka nuntakna hong la ta in; bang hang hiam cih leh keimah in ka pate sangin ka hoihzaw kei hi,” a ci hi.

Late 103:8

Topa dik-in hehpihna tawh kidim a, heh hak-in, a lian mahmah itna kip tawh kidim hi.

Late 145:8

Topa dikin hehpihna nei a, hehhakin itna kip lianpi nei hi.

Late 78:38

Ahi zongin, amah in hehpihna lungsim nei ahih manin amau khialhnate maisak a, amaute susia lo hi; amah in a hehna iip zelzel a, a hehna khempeuh phongkhia lo hi.

Late 86:15

Ahih hangin Topa aw, nangmah in a hehpih thei, a dik Pasian na hi a, heh hak-in, itna kip leh thumanna tawh a kidim na hi hi.

Late 86:5

Bang hang hiam cih leh Topa aw, nangmah hoih-in mawhna na maisak a, nangma tunga hong ngente khempeuh tungah itna kip tampi na nei hi.

Late 90:13

Topa aw, hong kihei kik in! Bang tan sauvei ding ahi hiam? Na nasemte hong hehpih in!

Paikhiatna 32:14

Tua hi a, Topa in a lungsim khel a, ama' mite' tungah a tun’sak ding siatna tungsak nawn lo hi.

Jeremiah 18:8

tua ka gen sa minam leh gam in a siatna panin a kihei kik leh, ama tung-a siatna tun’ sak ding-a ka seh sa pen ka kisikkik ding a, ka tungsak nawn kei ding hi.

Jeremiah 20:7

Topa aw, kei nong khem a, khemna ka thuak takpi hi. Kei sangin nang na hatzaw a, keimah nong zo hi. Ni simin mite’ nuihsat lel ka hi a, Mi khempeuh in hong zahko uh hi.

Jeremiah 26:13

Tua ahih manin tu-in na nuntakdante uh leh na gamtatziate uh khel un la, Topa na Pasian uh’ thu ngai un. Tua hi leh Topa in note’ kisiat nading a gensa pen a khelkik ding hi.

Jeremiah 42:10

Hih gamah note na om suak uh leh note kong lam ding a, kong phel kei ding hi. Kong phut ding a, kong botkhia kei ding hi. Bang hang hiam cih leh note’ tungah siatna kong tun’ sak manin ka dah hi.

Amos 7:3

Topa in zong a lungsim hong kheel kik a, “Tua na muh bangin hong piang nawn lo ding hi,” hong ci hi.

Amos 7:6

Tua ciangin Topa in zong a lungsim hong kheel kik a, “Na muh bangin hih zong hong piang nawn lo ding hi,” Topa Pasian in hong ci hi.

Jonah 1:3

Ahih hangin Topa kiangpan Jonah tai khia-in Tarshish khua lamah taisim dingin a kithawi zawsop hi. Joppa khua-ah a paisuk-a Tarshish khua a zuan ding teembaw khat a mu hi. A sap man pia-in a tungah kah a, Topa kiang pan taikhia dingin teembaw hawlte tawh Tarshish khua-ah a pai hi.

Jonah 3:10

Pasian in amau’ hihnate mu a, a khialhnate uh panin a kihei uh a muh ciangin kisik kik a, amaute tungah hih dinga a cihsa siatna a tungsak nawn kei hi.

Jonah 3:9

Eite i sih loh nadingin Pasian kisik kik-in a hehna damsak lo ding hi, kua in ci thei na hi uh hiam?” a cisak hi.

Micah 7:18

Topa aw, nang tawh a kibang Pasian dang om lo a, a om lai na gamluah mite’ mawhna na maisak hi. Nang na heh paisuak kei a, na itna kip nong lak hi.

Luka 10:29

Tua pa in ama phatna thu a lah nop manin, “Ka lawmte kuate ahi hiam?” ci-in Zeisu a dong hi.

Thu-hilhkikna 4:31

bang hang hiam cih leh Topa na Pasian un hehpihna a nei Pasian ahi hi; amah in note hong tamasak lo ding hi, hong susia lo ding hi, na pate uh tawh a thuciamna mangngilh lo ding hi.